Neste evento, que se desenvolverá na Igrexa parroquial de Gueifaes a partir das 21:30 horas, intervirán tamén catro corais desa zona: o Coro das Crianças de Gueifaes, o Coro Nossa Senhora da Assunçao, o Coro Vitae e o Coro de Pais Conservatorio de Música da Maia.

O concerto forma parte dun intercambio cultural establecido entre o Conservatorio de Música de Maia e a Coral Polifónica de Bugallido, mediante o que se contempla tamén unha actuación en Ames do Coro de Pais do Conservatorio de Maia, que terá lugar no vindeiro mes de novembro.

Esta viaxe durará todo o fin de semana, e será aproveitada para realizar unha visita guiada por Maia e contorno, así como nas localidades de Vila do Conde e Barcelos.