- Tematica
Tres deportistas do club amesán TKDenodo, David Noya Platas, Breixo Lestón Cives e Jorge Nogueiras Rivero, participaron no campionato de España (categorías cadete e júnior) como parte da selección galega de taekwondo. Dito campionato celebrouse os días 15 e 16 de marzo en Tarragona. Os tres deportistas tiveron unha participación destacada. Breixo Lestón e David Noya acadaron o quinto posto, quedando a un paso de acadar medalla. Ademais, estes tres taekwondistas foron convocados pola selección galega para participar no Open de España os días 25 e 26 de abril.
Tres deportistas do club amesán TKDenodo participaron coa selección galega de taekwondo no campionato de España, disputado os días 15 e 16 de marzo en Tarragona.
O sábado, 15 de marzo, disputáronse os combates da categoría cadete na que participaron Breixo Lestón Cives, acadando o quinto posto, e Jorge Nogueiras Rivero, que rematou na novena posición. O domingo 16 de marzo foi a quenda de David Noya Platas, que participou na categoría júnior e tamén acadou o quinto posto.
Dende o club amesán destacan a boa participación destes tres taekwondistas, dous dos cales quedaron moi preto do podio. Ademais, estes tres taekwondistas foron convocados pola selección galega para participar no Open de España os días 25 e 26 de abril.
