Tal e como recolle o artigo 36 do Real Decreto 2568/1986, de 28 de novembro, polo que se aproba o regulamento de Organización, Funcionamento e Réxime Xurídico das Entidades Locais (ROF) procede celebrar tres días antes da sesión constitutiva da nova Corporación Local, que terá lugar o sábado, 17 de xuño, unha última sesión plenaria co fin de aprobar as actas anteriores.

Deste xeito, nesta sesión plenaria aprobouse a acta do pleno ordinario de maio (celebrado o pasado día 11 de maio), que estaba pendente de aprobar por parte da Corporación municipal. O vindeiro sábado, 17 de xuño, comezará un novo mandato. Deste xeito, celebrarase o primeiro pleno do mandato 2023-2027 no que se desenvolverá o acto de investidura do alcalde. O pleno de constitución da nova Corporación municipal emitirase por streaming a través da canle de Youtube do Concello de Ames.

Comisións informativas
Ademais, previamente ao inicio do pleno realizouse unha sesión extraordinaria das comisións informativas (Comisión Informativa permanente de Educación, Cultura, Lingua e Mocidade; Comisión Informativa Permanente de Economía e Facenda e Especial de Contas; Comisión Informativa permanente Benestar Social e Promoción da Saúde; Comisión informativa permanente de Transición Ecolóxica; Comisión Informativa permanente Desenvolvemento Urbano, Patrimonio Municipal, Medio Ambiente e Obras e Servizos; e Comisión informativa permanente de Administración Xeral e Atención Veciñal), para abordar as actas que estaban pendentes de aprobación.