A Xuntanza de Empresarios de Ames colaborou co departamento de Voluntariado do Concello de Ames, que depende da Concellería de Benestar Social, nunha campaña de recollida de alimentos para o Banco de Alimentos de Ames. Desta maneira, os establecementos adheridos á XEA foron recollendo produtos nas súas instalacións, e o pasado sábado, 13 de xuño, tivo lugar unha gran recollida na praza da Maía, en Bertamiráns.

Pasados os días, toca facer balance da campaña, e este está resultando moi positivo. Xa que a campaña baseábase, sobre todo, na recollida de alimentos e produtos non perecedoiros, tendo máis urxencia produtos infantís como cueiros, toalliñas para bebés ou leite de inicio ou continuación.

Unha urxencia que se ve, en gran parte, solucionada, xa que se conseguiron recoller aproximadamente 40 paquetes de cueiros infantís, outro tanto de toalliñas para bebés, 110 quilos de alimentos e produtos non perecedoiros, así como gran cantidade de produtos de hixiene tales como champús, xeles, pasta de dentes, etc.

Asemade, o froitería asociada á XEA, Tómate Más Fruta (Bertamiráns), doou aproximadamente 20 quilos de froita, a cal xa se repartiu entre as familias ao tratarse dun produto non perecedoiro que debe consumirse antes.

O presidente da XEA, Jorge López, móstrase satisfeito, xa que “a xente respondeu e puidemos recoller moitos alimentos e produtos nos nosos establecementos asociados, así como na recollida do sábado”. Ademais, Jorge agradece o xesto “a toda a xente que colaborou, porque sempre se pon de manifesto que Ames é un concello solidario”.

Novas relacionadas:

El Correo Gallego: "Xuntanza de Empresarios de Ames se vuelca con los desfavorecidos y reúne 110 kg de alimentos"