Despois de estar expostas no seu centro durante estes días, os centos de cabazas elaboradas polos alumnos do CEP de Ventín serán trasladadas á Casa da Cultura e á Biblioteca do Milladoiro. Alí estarán dispoñibles durante a tarde de hoxe e todo o día de mañá. Se é posible, tamén estarán expostos varios debuxos que realizaron os propios nenos.

Entre as cabazas expostas poderemos ver a carruaxe da Cincenta, ao famoso personaxe de Maléfica, mouchos, fantasmas, momias... e incluso peregrinos. Sen dúbida, a imaxinación dos nenos non ten límite, e así aparece reflectido neste gran traballo no que cooperan tanto pais como fillos.

Con este tipo de actividades incentívase a celebración do Samaín, unha festividade típica de Galicia que, ademais de estar baseada na tradición do Día dos Defuntos, marcaba o remate da tempada de colleita e o comezo do inverno para os celtas.

Novas relacionadas:

La Voz de Galicia: "Exposición efímera de trescientas calabazas en O Milladoiro"

Lindeiros: "300 cabazas no Milladoiro"