O Pazo da Peregrina exultante nunha noite de tormenta, a maxestuosidade dun chupaleites no monte de san Marcos ou a sonoridade do río Sar atravesando a ponte Carbirta son algunhas das imaxes que conforman esta exposición organizada por XEA en colaboración cos departamentos de Medio Ambiente e Turismo do Concello de Ames.

O primeiro concurso de fotografía ENFOCA AMES tiña como obxectivo achegar a cidadanía aos lugares máis emblemáticos do concello de Ames. Un obxectivo que agora se culmina coa exposición dos traballos gañadores.

A concelleira de Promoción Económica, Ana Paz, quixo agradecerlle a XEA a iniciativa do concurso de fotografía ENFOCA AMES “este tipo de actividades son moi satisfactorias pois permiten que a veciñanza coñeza o patrimonio natural, artístico e/ou cultural do concello ao mesmo tempo que permite dinamizar o comercio local”.

Cada unha das tres categorías: paisaxe, macro e artística está exposta nun local do concello. A categoría de paisaxe está exposta no restaurante Tropic, a categoría macro na tenda Queens e a categoría artística no gastrobar Petiscos.

A exposición dos traballos gañadores do ENFOCA Ames vai engalanar estes tres locais amesáns durante 15 días.

Novas relacionadas

El Correo Gallego: "Bertamiráns exhibe os próximos 15 días as fotos finalistas do Enfoca Ames"