As accións comúns a ambos parques serán a reparación do peche perimetral, a instalación dunha entrada tipo burladeiro, a colocación de fontes con bebedeiro inferior e superior para persoas e animais e colocación de algúns elementos Agility. Tamén ambas instalacións se están a  dotar con bancos e papeleiras.

O concelleiro tamén puntualizou que a parte destas actuacións comúns cada recinto ten as súas propias particularidades e que polo tanto necesitan unhas labores de acondicionamento distintas. Nas instalación do Milladoiro procederanse a reparar as travesas das escaleiras que comunican a parte inferior coa superior, reforzarase a separación entre as dúas zonas e, por último, solucionarase o problema existente de filtración de augas na parte inferior por medio duns drenaxes.

Mentres tanto en Bertamiráns deixarase unha única entrada e habilitarase unha zona de liberdade fóra do recinto pechado na que os cans catalogados como potencialmente perigosos deberán levar correa e bozal. Debido as particularidades deste recinto, antigamente empregado como pista de voleibol, é necesario  adaptar o espazo de forma correcta á función de parque canino que está a desempeñar na actualidade.

Novas relacionadas:

El Correo Gallego: "En marcha las obras para acondicionar los parques caninos de Milladoiro y Bertamiráns"

Enfoques: "Arranca el acondicionamiento de los parques caninos de Milladoiro y Bertamiráns"

Ames Go: "Comezan as obras de acondicionamento dos parques caninos en Ames"