A Deputación da Coruña vén de aprobar a concesión das subvencións correspondentes ao Programa FO206: Convocatoria do programa de subvencións a concellos e entidades locais para o mantemento ou creación de postos de traballo de persoal técnico nos servizos municipais de cultura en 2022. O Concello de Ames é un dos beneficiarios desta convocatoria cunha axuda de 10.000 euros para o mantemento do persoal técnico en animación sociocultural.

A animadora sociocultural do Concello de Ames encargase das seguintes tarefas:

-Deseño, organización, seguimento e supervisión dos proxectos e programas culturais municipais, responsabilizándose do seu adecuado desenvolvemento.
-Tarefas administrativas e de xestión para dar cobertura á organización e desenvolvemento da programación cultural.
-Xestión do orzamento asignado a dinamización e creación cultural. Elaborar propostas orzamentarias e normativas e supervisar o seu cumprimento.
-Atención, información e apoio aos grupos e entidades culturais do concello, así como ao público en xeral.
-Valoración das demandas dos cidadás e incentivando a participación, e a creación e fidelización de públicos.
-Xestión dos programas culturais que oferta da Deputación, Rede Cultural, Xunta de Galicia, AGADIC e Cultura no Camiño. Solicitude, desenvolvemento, xustificación.
-Xestión, tramitación e seguimento das axudas económicas correspondentes á área de cultura, que se solicitan desde o Concello, ben sexan as da Deputación, Xunta de Galicia, (solicitude, seguimento e xustificación).
-Xestión, tramitación e seguimento das subvencións de apoio as entidades culturais e comisións de festas que  oferta o Concello. Desde a elaboración e revisión das bases, convocatorias, valoración das solicitudes, emitir informes de valoración ata a xustificación e custodia dos expedientes.
-Colaboración nas programacións doutros departamentos municipais.
-Elaboración de pregos de prescricións técnicas de servizos externalizados da área de cultura, (Escola de teatro, Cinema Miúdo) , valoración técnica das ofertas, emitir informes e responsabilizarse do cumprimento das condicións dos contratos das empresas adxudicatarias.
-Coordinación, xestión e seguimento da Escola Municipal de Teatro.