O Concello de Ames está a acoller desde o pasado venres 7 de marzo a exposición temporal “Esencia da alma”, de Roberto Roca. As persoas interesadas en descubrir esta colección de pinturas poderán achegarse a observala no Pazo da Peregrina, en Bertamiráns, ata o vindeiro venres 20 de marzo.

Sobre Roberto Castro e a súa obra
Roberto Castro coñecido artisticamente como Roca, é un pintor autodidacta, nado en Arzúa. Cunha longa carreira xa as súas costas, recibiu varios recoñecementos ao longo da súa traxectoria profesional, coma por exemplo o premio do público no concurso de carteis da Festa do Queixo de Arzúa.

A súa obra comenza nunca etapa de realismo poético que lembra á época do século XX, e, a día de hoxe, desenvólvese nunha profunda exploración do mundo da fantasía, con un efervescente diálogo interno na súa expresión. Adoita e empregar diferentes texturas, técnicas e estilos de pintura.

Así mesmo, as súas pinturas somerxen e invitan ao espectador a afondan na filosofía de cada unha das mesmas. As obras de Roca adoitan caracterizarse  por estar compostas dun intenso carácter colorista e harmónico, ser alegres, desenfadadas e vivas. Deste xeito, o artista transporta ao espectador nunha viaxe imaxinativa, na que deixa vía libre á interpretación de cada espectador.

Novas relacionadas:

AMSGO!: "O Pazo da Peregrina acolle ata o venres 20 de marzo a exposición "Esencia da alma" de Roberto Castro"