- Tematica
A Concellaría de Mocidade ten programada para o domingo 17 de novembro unha nova actividade do programa Trouleando dirixida a mozos/as de Ames. Neste caso, organizouse unha xornada no Karting Marineda da Coruña, o circuíto indoor más grande de Galicia. O prazo para inscribirse nesta actividade estará aberto do 30 de outubro ao 5 de novembro. Para inscribirse hai que enviar a ficha cuberta ao enderezo xuventude@concellodeames.gal. As prazas son limitadas, e cubriranse por orde de chegada das inscricións. Esta actividade é de balde e está organizada polo departamento de Xuventude.
O programa Trouleando ofrece para a mocidade unha nova iniciativa durante o mes de novembro; unha xornada no Karting Marineda da Coruña, o circuíto indoor máis grande de Galicia. Os rapaces participantes comezarán a xornada cunha pequena charla sobre a seguridade do circuíto, e posteriormente organizaranse as quendas de competición e as finais. Trala experiencia de pilotar no karting, disporán de tempo libre no Centro Comercial Marineda City.
A actividade terá lugar o domingo 17 de novembro, pola mañá. Os rapaces e rapazas sairán en bus dende o Pazo da Peregrina de Bertamiráns (ás 8:30 horas) e dende a Casa da Cultura do Milladoiro (ás 8:45 horas). O regreso aproximado está previsto para as 14:30 horas no Milladoiro e para as 14:45 horas en Bertamiráns.
Poden participar todos os mozos e mozas que estean empadroados en Ames nados entre 2011 e 1994. É imprescindible anotarse previamente, enviando cuberta a ficha de inscrición que se pode atopar nesta ligazón ao enderezo electrónico xuventude@concellodeames.gal entre os días 30 de outubro e o 5 de novembro. As prazas son limitadas (hai 50 prazas dispoñibles, que se asignarán por orde de chegada dos correos ata completarse).
Será preciso contar cun mínimo de 20 mozos/as para desenvolver a actividade. Para calquera dúbida pódese contactar co departamento de Xuventude escribindo ao seu enderezo electrónico, xuventude@concellodeames.gal.
