[22-07-2017] Faltan só dúas semanas para a celebración da sétima edición do festival Millarock, que este ano contará coas actuacións de Heredeiros da Crus, Medomedá, Familia Caamagno e a Compañía do Ruído. Os concertos serán a partir das 21:00 horas no aparcadoiro da Travesía do Porto, no Milladoiro. A entrada é de balde.
A sétima edición do Millarock trae ao concello de Ames catro dos grupos máis representativos do panorama rock actual en Galicia: Heredeiros da Crus, inmersos na celebración do seu 25 aniversario; Medomedá, do veciño concello de Teo; Familia Caamagno, procedentes de Sigüeiro, no concello de Oroso; e A Compañía do Ruído, de Ribeira.
O Millarock volveu celebrarse o ano pasado, após tres anos de parálise, coa actuación de grupos como Biribirlocke ou Agoraphobia. A intención agora do goberno municipal é recuperar o concurso de bandas e ir consolidando este festival tan importante para a veciñanza do Milladoiro e para o conxunto do concello. O obxectivo deste ano é, asemade, superar os trescentos asistentes de 2016.
Contido relacionado
El Correo Gallego: "Millarock contará con Heredeiros da Crus y Medomedá"