[02-12-2011] Xa están expostas as listas provisionais de admitidos/as no Nadal lúdico. Estas listaxes poden consultarse no departamento de Educación, en fronte á Casa do Concello en Bertamiráns, e na oficina municipal do Milladoiro. O Nadal lúdico desenvolverase durante os días 23, 24, 27, 28, 29, 30 e 31 de decembro e o 3, 4, 5 e 7 de xaneiro, en horario de 7:30 h ás 16:00 horas. Este programa desenvolverase tanto en Bertamiráns coma no Milladoiro, de luns a venres, excepto festivos. O Nadal lúdico enmárcase dentro dos programas de conciliación da vida laboral e familiar que desenvolve a Concellaría de Educación ao longo de todo o ano.