"Mellorar os interiores dos núcleos do noso concello e facelos máis accesibles e humanos é un dos obxectivos destas obras”, deste xeito se manifesta o concelleiro de Obras e Servizos, Blas García, quen engade que a intención e ir mellorando as
estradas e viarios de todos os núcleos rurais do concello apostando firmemente porque o rural amesá sexa un lugar onde vivir e contar coas comodidades e servizos necesarios.

Os traballos en Outeiro desenvolvéronse en 9 treitos de 70x3,50; 20x5,00; 20x6,00; 170x3,50; 260x3,00; 110x3,50; 160x4,00; 150x4,00 e 140x3,25 metros. Empregáronse cinco centímetros de saburra e doce de formigón, mallazo e xuntas de dilatación, previa demolición, nivelación e compacto do pavimento existente.

Ademais, previo á execución do pavimento, contemplouse a canalización de 180 m. (40 e 140 metros) de tubaxe de PVC de 315 mm. de diámetro e execución de 14 m. (2 e 3 de 4,00 metros), para recollida de augas pluviais, previa escavación de gabia
e posterior recheo e compactado da mesma.

As obras realizadas no núcleo de Outeiro significaron un avance importante para o mesmo, xa que facía máis de dúas décadas que non se realizaba ningunha actuación neste lugar, e estas obras viñeron a significar un avance importante que se ampliará coa instalación de alumeado led no vindeiro ano, grazas ao proxecto do IDAE de mellora enerxética para todo o rural.

Esta obra tivo, ademais, unha dificultade importante porque nesa zona existe unha elevada cantidade de auga de mananciais e de pluviosidade, co que se incrementou a tubaxe de canalización. Foi moi importante a colaboración veciñal á hora da información e das propostas realizadas para recoller estas augas.

O alcalde, José Miñones, puxo en valor "o traballo que se está a realizar no rural amesán, onde unha parte importante dos plans provinciais se dedican a mellorar os interiores dos núcleos, así como os accesos aos mesmos". Continuo dicindo que "nós nos tomamos en serio aos veciños e veciñas do rural amesán, e apostamos porque poidan contar cos servizos básicos necesarios e imprescindibles; xa que queremos que a poboación se asente tamén no rural".

Novas relacionadas: 

La Voz de Galicia: "Ames humaniza los viarios de Outeiro tras 20 años de olvido"