[07-02-2014] O Concello de Ames, a través da Concellaría de Deportes, informa de que se suspenden todas as actividades deportivas municipais que se desenvolven no IES do Milladoiro e no pavillón polideportivo desta localidade ata novo aviso. Estas actividades quedan suspendidas debido a que este xoves pasado desprendeuse unha parte da cuberta do tellado deste pavillón polideportivo debido aos fortes ventos provocados polo temporal. Esta zona foi acordoada pola Policía Local para evitar danos maiores. Deste xeito, as actividades das Escolas Deportivas quedan suspendidas ata novo aviso.