Un grupo de 40 maiores do programa Amessán do Concello de Ames achegáronse a semana pasada ata a residencia Maiores Milladoiro, para compartir unha tarde de música e experiencias coas persoas da residencia Maiores Milladoiro.

Deste xeito, as/os usuarias/os dos obradoiros de música tradicional galega e musicoterapia, do programa Amessán, xunto coa concelleira de Benestar Social, Uxía García, interpretaron e cantaron varias panxoliñas de Nadal. Concretamente fixeron varias actuacións os grupos de pandereteiras e mailo e guitarras.

A continuación, compartiron todos xuntos unha merenda. Dende o Concello convidouse a chocolate con churros e rosca ás persoas residentes, ao persoal da residencia, e aos usuarias/as e monitores/as do programa Amessán.

A concelleira de Benestar Social, Uxía García, destaca que “este tipo de actividades serven para coñecerse. É a primeira actividade que facemos coas persoas desta residencia, pero a idea é volver e manter un contacto fluído con eles, para facer máis actividades, xa que as persoas residentes agradecen este tipo de iniciativas porque para eles é algo diferente e que lles permite saír da súa rutina no centro. Nesta residencia hai veciños/as de Ames, que estivemos con eles/as, e nos agradeceron moito a nosa presencia e que lles leváramos unha pouco de diversión e ledicia”.