O Concello de Ames vén de poñer en marcha unha nova edición do obradoiro de emprego Renova. Os obradoiros duais de emprego son programas públicos de formación e emprego nos que os traballadores/as desempregados/as participantes reciben cualificación profesional ao mesmo tempo que desenvolven un traballo produtivo en actividades de utilidade pública ou interese social. Este obradoiro está sufragado a través dunha subvención de 531.046,20 euros, concedida aos Concellos de Ames e Brión por parte da Consellería de Promoción do Emprego e Igualdade, da Xunta de Galicia, para o financiamento dos custos de formación profesional para o emprego. O obradoiro de emprego dual Renova VI terá unha duración de 12 meses e formará a 20 alumnos/as traballadores/as.

O Concello de Ames, a través do departamento de Persoal, fai público o anuncio sobre a creación da lista de agarda do proceso selectivo de mestres/as de educación infantil das escolas infantís municipais do Concello de Ames.

O Concello de Ames vén de poñer en marcha unha nova edición do obradoiro de emprego Renova V. O Renova V é un programa mixto de emprego e formación dirixido a mellorar a ocupabilidade das persoas desempregadas, subvencionado pola Consellería de Emprego e Igualdade, e promovido polo Concello de Ames conveniado co Concello de Brión. O obradoiro terá unha duración de 12 meses e formará a 20 alumnos/as traballadores/as.

O Concello de Ames, a través do departamento de Persoal, informa sobre a aprobación da lista definitiva de admitidos/as, tribunal e data de exame no proceso selectivo para a selección e a contratación de tres peóns / peoas de obras públicas, como persoal laboral temporal, para o departamento de Obras e Servizos Básicos. As bases de dito proceso selectivo saíron publicadas o martes 22 de marzo de 2022, no Boletín Oficial da Provincia (BOP).