Procesos selectivos en desenvolvemento

Proceso de selección da sétima edición do obradoiro de emprego dual Renova
20/11/2024

Os Concellos de Ames e Brión  poñen en marcha unha nova edición do obradoiro de emprego Renova. Os obradoiros duais de emprego son programas públicos de formación e emprego nos que os traballadores/as desempregados/as participantes reciben cualificación profesional ao mesmo tempo que desenvolven un traballo produtivo en actividades de utilidade pública ou interese social.

Este obradoiro está sufragado a través dunha subvención, concedida aos Concellos de Ames e Brión por parte da Consellería de Emprego, Comercio e Emigración, da Xunta de Galicia, para o financiamento dos custos de formación profesional para o emprego. O obradoiro de emprego dual Renova VI terá unha duración de 9 meses e formará a 20 alumnos/as traballadores/as.

Proceso selectivo para cubrir as prazas de estabilización de emprego temporal incluídas na oferta de emprego público de 2022 por concurso
12/11/2024

O Concello de Ames, a través do departamento de Persoal, fai público o anuncio publicado no DOG sobre a declaración como persoal laboral fixo descontinuo da praza de profesor de guitarra da Escola Municipal de Música de Ames (DA 6ª lei 20/2021, estabilización de emprego).

Proceso selectivo para cubrir as prazas de estabilización de emprego temporal incluídas na oferta de emprego público de 2022 por concurso-oposición
31/10/2024

O Concello de Ames, a través do departamento de Persoal, fai pública a sétima acta do proceso selectivo dunha praza de oficial de obras e servizos básicos polo sistema de concurso-oposición. Trátase de prazas por concurso-oposición do art. 2.1 da lei 20/2021 incluídas na oferta extraordinaria de emprego público de 2022 (estabilización). Previamente publicáronse os anuncios publicados no BOP de catro procesos selectivos para cubrir as prazas de estabilización de emprego temporal incluídas na oferta de emprego público de 2022 por concurso-oposición.

Proceso selectivo para a creación dunha bolsa de traballo de persoal de servizos xerais para o servizo de comedores escolares do Concello de Ames
18/10/2024

O Concello de Ames, a través do departamento de Persoal, fai pública a convocatoria e as bases do proceso selectivo para a creación dunha bolsa de traballo de persoal de servizos xerais para o servizo de comedores escolares do Concello de Ames.

Proceso selectivo para a contratación de catro PSX para o servizo de comedores escolares do Concello de Ames
30/09/2024

O Concello de Ames, a través do departamento de Persoal, fai pública a convocatoria e as bases da selección e contratación de catro PSX para o servizo de comedores escolares do Concello de Ames, con cargo á subvención destinada ao fomento da contratación de mulleres que sofren violencia de xénero no ámbito de colaboración coas entidades locais galegas, no marco do pacto de Estado contra a violencia de xénero, encomendando a preselección aos servizo públicos de emprego.

Proceso selectivo para cubrir unha praza de técnico/a de secretaría incluída na oferta de emprego público de 2022 por concurso-oposición
22/07/2024

O Concello de Ames, a través do departamento de Persoal, fai pública a lista provisional de admitidos e excluídos do proceso selectivo dunha praza de técnico/a de secretaría e a suspensión do inicio proceso selectivo. Trátase do proceso selectivo dunha praza por concurso-oposición do artigo 2 da lei 20/2021 incluída na oferta extraordinaria de emprego público de 2022 (estabilización).

Proceso selectivo para a selección dun/dunha peón e capataz para a brigada de prevención de lumes forestais do Concello de Ames (APROL Rural)
04/06/2024

O Concello de Ames, a través do departamento de Persoal, fai público os anuncios de contratación laboral dun/dunha peón e capataz para a brigada de prevención de lumes forestais do Concello de Ames (APROL Rural). Previamente publicáronse as bases de ditos procesos selectivos.

Proceso selectivo para a selección e posterior nomeamento do/a xerente da Entidade Pública Empresarial Augas de Ames
14/05/2024

O Concello de Ames, a través do departamento de Secretaría, fai pública a valoración dos méritos presentados polos aspirantes admitidos/as ao proceso selectivo do/a xerente da Entidade Pública Empresarial Augas de Ames.

Proceso selectivo para a contratación laboral temporal de tres peóns/as para o departamento de Medio Ambiente a través do Programa PEL Concellos 2024
07/05/2024

O Concello de Ames, a través do departamento de Persoal, fai público o anuncio co decreto de contratación e bolsa de agarda do proceso selectivo para a contratación laboral temporal de tres peóns/as para o departamento de Medio Ambiente do Concello de Ames subvencionada a través do Programa PEL Concellos 2024.

Proceso selectivo dunha praza de arquitecto técnico, por oposición libre, incluída na oferta de emprego público de 2022
27/03/2024

O Concello de Ames, a través do departamento de Persoal, fai público o anuncio co nomeamento de funcionario de carreira e creación de lista de agarda do proceso selectivo para a cobertura en propiedade dunha praza de arquitecto/a técnico funcionario/a de carreira, que figura como vacante e ten sido obxecto de inclusión para quenda libre ao abeiro da taxa de reposición de efectivos na oferta de emprego público correspondente ao ano 2022. As bases de dito proceso saíron publicadas o xoves 11 de maio de 2023, no Boletín Oficial da Provincia (BOP).