Actualidad

Por ejemplo, 26-04-2025
Por ejemplo, 26-04-2025
Sábado, 26 de abril de 2025
Os hábitos saudables centran as actividades e faladoiros da IV Feira da Saúde e Benestar

A praza da Maía, en Bertamiráns, acolle ao longo da xornada deste sábado 26 de abril a cuarta edición da Feira de Saúde e Benestar, organizada polo Concello de Ames a través da Concellería de Promoción da Saúde. De 11:00 horas a 20:00 horas, un total de 12 asociacións participan neste evento cos seus stands para proporcionar información sobre a súa labor a todas aquelas persoas que se acheguen ata a feira. Ademais, impártense dous faladoiros na Casa dos Maiores sobre as etiquetas alimentarias a cargo da dietista, nutricionista e xerontóloga, Áurea Casáis Martínez; e sobre a alimentación e o deporte como canalizadores das emocións a cargo da psicóloga, Belén Montesa. Tamén hai actividades deportivas como sesións de ioga e taichi, así como unha andaina polo Rego dos Pasos.

Sábado, 26 de abril de 2025
O Concello de Ames presenta o libro antolóxico do XXI Certame Literario

O departamento de Normalización Lingüística do Concello de Ames organizou este sábado 26 de abril, no auditorio da Casa da Cultura do Milladoiro, un acto para presentar o libro antolóxico do XXI Certame Literario. A dito acto acudiron a maior parte dos gañadores e gañadores do certame literario de 2024, así como varios representantes da Corporación municipal, entre os que se atopaban o alcalde e concelleiro de Normalización Lingüística. O acto estivo presentado pola xornalista de Ames Radio, Belén Martínez.

Viernes, 25 de abril de 2025
Cinema Miúdo procura curtametraxes que defendan a paz e os Dereitos Humanos para a súa oitava edición

O Concello de Ames prepárase para acoller a oitava edición do Festival Internacional de Cinema Infantil, Cinema Miúdo, que se celebrará do 13 ao 16 de novembro na Casa da Cultura de Bertamiráns. Este encontro cinematográfico ofrece ao público miúdo galego filmes inéditos, orixinais e sorprendentes, procedentes de diversos países e culturas; así como actividades paralelas como obradoiros e espectáculos.

Viernes, 25 de abril de 2025
O auditorio de Bertamiráns acolle este domingo, 27 de abril, o III Concurso de Canto e Percusión Tradicional

O auditorio da Casa da Cultura de Bertamiráns acollerá este domingo, 27 de abril, a terceira edición do Concurso de Canto e Percusión Tradicional, un certame organizado pola A.C. Retranqueiros e na que participarán máis de 800 persoas de 24 asociacións chegadas de diferentes puntos de Galicia. A entrada para o evento é gratuíta e comezará a partir das 10.30 horas e continuará ao longo da tarde. Poderá visualizarse o concurso a través da canle de Youtube do Concello de Ames. A sesión de mañá poderá verse nesta ligazón, mentres que a sesión de tarde poderá visualizarse nesta outra ligazón. Neste 2025, a A.C. Retranqueiros cumpre 10 anos desde a súa creación.

Jueves, 24 de abril de 2025
Sete coworkers do espazo colaborativo A Proa participaron na Feira das Profesións 2025 celebrada este xoves en Negreira

Sete coworkers do espazo colaborativo A Proa do Concello de Ames participaron na Feira das Profesións 2025, organizada, como vén sendo habitual, polos departamentos de orientación do IESP de Ames, o IES de Brión e o IES Xulián Magariños de Negreira e que, ademais, este ano contou por primeira vez coa colaboración do IES do Milladoiro. O evento organizouse no pavillón Pedra Mámoa, en Negreira, en horario de mañá e tarde.

Jueves, 24 de abril de 2025
Xa podes votar polo/a mellor deportista de Ames 2024, que recibirá o premio do público na XVII Gala do Deporte

Dende hoxe e ata o vindeiro 7 de maio está aberto o prazo para votar polo/a mellor deportista de Ames do ano 2024, a través dunha enquisa que se pode atopar premendo nesta ligazón. A finalidade desta iniciativa é a participación da veciñanza nun dos premios que se entregarán na XVII Gala do Deporte. O evento celebrarase o venres 9 de maio, ás 20:30 horas, na Casa da Cultura de Bertamiráns, e nel daranse a coñecer tamén os/as gañadores/as do resto de galardóns.

Jueves, 24 de abril de 2025
Quedan prazas libres para participar na andaina polo Mar de Ovellas prevista para o domingo 27 de abril

O Concello de Ames, a través dos departamentos de Normalización Lingüística e Turismo, organizou para este domingo 27 de abril unha andaina polo Mar de Ovellas. Esta actividade, que está incluída na programación de Rosalía 2025, tivo que ser adiada en dúas ocasións por inclemencias meteorolóxicas. As persoas que queiran participar na andaina teñen que escribir un correo electrónico ao enderezo normalizacion@concellodeames.gal. Trátase dunha ruta de dificultade media que parte de Augapesada e vai ata o local social de Trasmonte. O seu itinerario coincide co Camiño de Fisterra – Muxía. A andaina estará teatralizada polos Quinquilláns e Lupe Blanco. A actividade rematará no local social de Trasmonte cunha pequena festa con música e degustación de petiscos.

Jueves, 24 de abril de 2025
A Casa da Cultura de Bertamiráns acollerá mañá, venres 25 de abril, o IV Encontro das Escolas Municipais de Música

Dende o Concello de Ames infórmase que debido á posibilidade de que este venres pola tarde caía algún chuvasco, trasládase o IV Encontro das Escolas Municipais de Música ao auditorio da Casa da Cultura de Bertamiráns. O horario de inicio mantense para as 19.00 horas. Nesta cuarta edición da xuntanza participarán, ademais do alumnado da propia Escola Municipal de Música de Ames (EMMA), as Escolas Municipais de Música de Muros e Caldas de Reis, o gañador do concurso "Quero Cantar" na categoría infantil, Gael, e as gañadoras dese mesmo certame na categoría xuvenil, Emma e Candela. A EMMA está a celebrar o seu vinte aniversario.

Miércoles, 23 de abril de 2025
A IV Feira da Saúde céntrase nos hábitos saudables: alimentación, deporte e benestar emocional

Este sábado, 26 de abril, a praza da Maía de Bertamiráns acollerá a cuarta edición da Feira de Saúde e Benestar, organizada polo Concello de Ames, a través da Concellería de Promoción da Saúde, e que se centra nos hábitos saudables. A partir das 11:00 horas e ata as 20:00 horas, un total de 12 asociacións participarán neste evento cos seus stands para proporcionar información sobre a súa labor a todas aquelas persoas que se acheguen ata a feira. Ademais, impartiranse dous faladoiros na Casa dos Maiores sobre as etiquetas alimentarias a cargo da dietista, nutricionista e xerontóloga, Áurea Casáis Martínez; e sobre a alimentación e o deporte como canalizadores das emocións a cargo da psicóloga, Belén Montesa. Por último, haberá actividades deportivas como unha sesión de ioga, outra de taichi, e unha andaina polo Rego dos Pasos.

Miércoles, 23 de abril de 2025
Ames acolle unha reprodución da obra de Castelao “A derradeira leición do mestre”

O Concello de Ames e o grupo Chévere chegaron a un novo acordo de colaboración vencellado ao proceso de creación da nova obra que a compañía está preparando. Trátase dunha obra protagonizada por Patricia de Lorenzo e Miguel de Lira, que toma como punto de partida o cadro de Castelao titulado “A derradeira leición do mestre”, para falar de como se constrúen as narrativas da memoria. Dentro desta colaboración, o Concello de Ames ofrece a Chévere un espazo para realizar unha residencia de traballo e ensaios entre os meses de xaneiro e febreiro de 2026 e Chévere realizará no concello de Ames varias actividades asociadas ao proceso de creación. A primeira actividade proposta por Chévere é que a veciñanza amesá poida ver nas Casas da Cultura do Milladoiro e de Bertamiráns unha reprodución do cadro de Castelao.