Solapas principales

Aula de Informática do Milladoiro

    • Dirección: Casa da Cultura do Milladoiro. Travesía do Porto s/n. 15895. O Milladoiro
    • Teléfono: 981 535 940
    • Horario de atención al público:
    • Aula de informática de O Milladoiro:
      • De lunes a jueves de 16:00 a 20:00h y los  viernes de 9:30 a 13:30h.
      • En el verano el horario del Aula de informática de O Milladoiro es de 10:00 a 13:00h.
    • Responsable municipal: Concejalía de Cultura y Tecnologías de la Comunicación
    • Responsable técnico: Almudena Caamaño Rodríguez, animadora sociocultural
Otros Datos: 

Noticias del departamento

43 rapaces e rapazas participaron no obradoiro de electrónica e programación de robots da AMTIC

O pasado venres, 9 de xuño, a Casa da Cultura do Milladoiro acolleu un obradoiro de electrónica e programación de robots, organizado pola aula AMTIC. O taller estivo composto por dúas prácticas de programación electrónica dunha hora e media de duración cada unha, para dous grupos de idade (de 8 a 10 e de 11 a 14 anos). Ademais, ofreceuse unha charla sobre a materia, e habilitouse un espazo de exposición de robots autónomos. Nun comezo ofertáronse ocos para 24 persoas, pero a gran demanda de participación obrigou a ampliar o número de prazas. Finalmente foron partícipes da xornada un total de 43 rapaces e rapazas.

A AMTIC do Milladoiro arrinca a súa programación cunha conversa sobre ciberseguridade este xoves 5

Tras abrir as súas portas o pasado martes, a Aula Municipal Tecnolóxica da Información e da Comunicación do Milladoiro, a AMTIC, comeza o seu programa de actividades para maio e xuño co coloquio “Neurohacking: a pandemia invisible”, unha proposta sobre ciberseguridade na que coñecer os riscos derivados do uso diario de Internet. Será este xoves 5 de maio na Casa da Cultura do Milladoiro, de 18:00 a 19:00 horas. A charla estará conducida polo experto Nacho Álvarez, formado en Investigación Privada e Criminoloxía e con experiencia na Secretaría do Estado de Seguridade ou en Telefónica. A entrada será libre e de balde ata completar aforo.

A Aula AMTIC do Milladoiro ofrece un obradoiro sobre administración electrónica

Dentro da súa programación para o último trimestre do ano, a Aula AMTIC ofrece un obradoiro de administración electrónica, que se impartirá os días 27 e 28 de novembro e o 4 e 5 de decembro, en horario de 10.00 a 12.00 horas. Este curso está dirixido a persoas maiores de 18 anos interesadas en aprender ou mellorar en diferentes procesos ou tarefas, diarias relacionadas con trámites de administración electrónica. As persoas interesadas poden inscribirse enviando a ficha de inscrición cuberta e asinada ao enderezo electrónico informatica.milladoiro@gmail.com, ou chamando ao teléfono 674 594 843, en horario de luns a venres de 9:30 a 14:00 horas.

A Aula AMTIC do Milladoiro ofrece un obradoiro sobre compras seguras a través da Internet

A Aula Municipal Tecnolóxica da Información e da Comunicación (Aula AMTIC) do Concello de Ames, situada no Milladoiro, oferta para este mes de decembro novos cursos formativos, un para adultos e tres para os máis cativos. Para o obradoiro de compras seguras a través da Internet, que está dirixido a persoas adultas, aínda quedan prazas libres. Este curso impartirase os días 11, 12 e 18 de decembro, en horario de 10.00 a 12.00 horas. Pódese facer a inscrición a través do número de teléfono 674 59 48 43, escribindo un correo electrónico a informatica.milladoiro@gmail.com, coa correspondente ficha de solicitude cuberta e asinada, ou de xeito presencial na propia aula AMTIC do Milladoiro.

A Aula AMTIC organiza en novembro unha xornada sobre o uso responsable das redes sociais

O mércores 27 de novembro, ás 18:00 horas, terá lugar na Casa da Cultura do Milladoiro unha conferencia sobre o uso responsable das redes sociais organizada pola aula AMTIC. A charla, dunha hora de duración, abordará cuestións como o uso consciente destas plataformas ou algúns dos perigos asociados a elas. Está dirixida a público a partir de 16 anos. A inscrición pode facerse no teléfono 674 594 843, en horario de 9:30 a 14:00 horas, ou a través do enderezo electrónico informatica.milladoiro@concellodeames.gal, enviando esta ficha cuberta e asinada.

A Aula AMTIC organiza obradoiros de mecanografía durante os meses de outubro e novembro

A Aula Municipal Tecnolóxica da Información e da Comunicación do Milladoiro (AMTIC), que está situada na Casa da Cultura do Milladoiro, organiza para os meses de outubro e novembro dous obradoiros de mecanografía: un dirixido a persoas de máis de 13 anos e outro para rapaces e rapaza de 8 a 12 anos. Ofértanse 24 prazas (12 para cada quenda). As persoas interesadas en inscribirse nalgún dos programas poden facelo de maneira presencial na propia AMTIC ou enviando cuberta e asinada a solicitude que se pode atopar premendo nesta ligazón ao enderezo electrónico informatica.milladoiro@concellodeames.gal.

A Aula AMTIC organiza un curso de informática para a adaptación dixital

A Aula Municipal Tecnolóxica da Información e da Comunicación do Milladoiro (AMTIC), que está situada na Casa da Cultura do Milladoiro, organiza un curso básico de informática para a adaptación dixital. Será a partir do 11 de marzo, os luns e os mércores en horario de 10:00 a 12:00 horas. Para esta actividade ofrécense un total de 12 prazas, que serán cubertas por orde de inscrición. As persoas interesadas en inscribirse poden facelo de maneira presencial na propia AMTIC ou enviando cuberta e asinada a solicitude que se pode atopar premendo nesta ligazón ao enderezo electrónico informatica.milladoiro@concellodeames.gal.

A Aula AMTIC organiza un obradoiro de electrónica e programación de robots o venres 9 de xuño

O venres 9 de xuño terá lugar na Casa da Cultura do Milladoiro un obradoiro de electrónica e programación de robots, organizado pola aula AMTIC. O taller estará composto por dúas prácticas de programación electrónica dunha hora e media de duración cada unha, para dous grupos de idade (de 8 a 10 e de 11 a 14 anos). Ademais, ofrecerase unha charla sobre a materia, e habilitarase un espazo de exposición de robots autónomos e unha impresora 3D. A inscrición pode facerse de maneira presencial nas instalacións da aula AMTIC ou a través do enderezo electrónico informatica.milladoiro@concellodeames.gal, enviando esta ficha.

A Aula AMTIC organiza un obradoiro de programación de videoxogos e electrónica con Arduino

A Aula Municipal Tecnolóxica da Información e da Comunicación do Milladoiro (AMTIC), que está situada na Casa da Cultura do Milladoiro, organiza un obradoiro de programación de videoxogos e electrónica con Arduino. Haberá dúas quendas: a primeira para nenos e nenas de 8 a 10 anos, os días 27 de novembro e 4 de decembro; e outra para rapaces e rapazas de 11 a 14 anos os días 11 e 18 de decembro. En ambas quendas ofrécense 24 prazas e as actividades impartiranse en horario de 18.00 a 19.30 horas. As persoas interesadas en inscribirse nalgún dos programas poden facelo de maneira presencial na propia AMTIC ou enviando cuberta e asinada a solicitude que se pode atopar premendo nesta ligazón ao enderezo electrónico informatica.milladoiro@concellodeames.gal.

A Aula CeMIT de Ames propón un mes de xullo cargado de cursos para todas as idades e intereses

A aula CeMIT de Ames, situada na Casa da Cultura de Bertamiráns, presenta a súa programación de xullo enfocada no tempo libre de menores e adultos. Durante o sétimo mes do ano a oferta formativa da aula constará dun total de oito cursos de temática variada, nos que os e as participantes poderán achegarse á mecanografía, programación con Scratch ou mesmo manexar algunhas das apps para smartphone máis coñecidas. Para obter máis información ou para reservar praza en calquera destas actividades, as persoas interesadas pódeno facer a través da páxina web do CeMIT, achegándose á propia aula, chamando ao número de teléfono 682 373 753 ou enviando un correo electrónico ao enderezo cemit.ames@xunta.gal.

Eventos del departamento

> AMTIC: Charla sobre ciberseguridade

Tras abrir as súas portas o pasado martes, a Aula Municipal Tecnolóxica da Información e da Comunicación do Milladoiro, a AMTIC, comeza o seu programa de actividades para maio e xuño co coloquio “Neurohacking: a pandemia invisible”, unha proposta sobre ciberseguridade na que coñecer os riscos derivados do uso diario de Internet. Será este xoves 5 de maio na Casa da Cultura do Milladoiro, de 18:00 a 19:00 horas. A charla estará conducida polo experto Nacho Álvarez, formado en Investigación Privada e Criminoloxía e con experiencia na Secretaría do Estado de Seguridade ou en Telefónica. A entrada será libre e de balde ata completar aforo.

> Xornada de ciberseguridade

A Aula Municipal Tecnolóxica da Información e da Comunicación do Milladoiro (AMTIC) organiza unha xornada de ciberseguridade para este xoves, 17 de novembro, ás 17.30 horas, no auditorio da Casa da Cultura do Milladoiro. A entrada é de balde ata completar aforo. Ademais, clausúranse os primeiros cursos do segundo módulos de alfabetización dixital no rural. Entregaráselle os diplomas de asistencia a estes cursos, aos veciños e veciñas de Agrón, Trasmonte, Bugallido e Biduído. Arredor de 30 persoas estiveron participando nestes cursos que comenzaron en outubro e que rematan o 16 de novembro.

>Conferencia sobre ciberseguridade

A Aula Municipal Tecnolóxica da Información e da Comunicación do Milladoiro (AMTIC) organiza para o vindeiro mércores, 12 de febreiro, unha conferencia sobre ciberseguridade. A actividade desenvolverase en horario de 18.30 a 19.30 horas no auditorio da Casa da Cultura de Bertamiráns. Impartiranse nocións para coñecer as posibles ameazas e perigos da internet na actualidade, así como ferramentas e consellos para protexernos. A entrada é aberta a todas as persoas que queiran acudir.

>Tarxetas de Nadal con Scratch

O obradoiro terá lugar na Aula de Informática do Milladoiro, situada na Casa da Cultura do Milladoiro. Está destinado a nenos e nenas de entre 9 a 12 anos.

Require inscrición previa enviando un correo a informatica.milladoiro@concellodeames.gal.

>Xornada "Uso responsable das redes sociais"

O mércores 27 de novembro, ás 18:00 horas, terá lugar na Casa da Cultura do Milladoiro unha conferencia sobre o uso responsable das redes sociais organizada pola aula AMTIC. A charla, dunha hora de duración, abordará cuestións como o uso consciente destas plataformas ou algúns dos perigos asociados a elas. No evento poderá participar público adolescente (a partir de 16 anos) e adulto que faga uso de diferentes redes sociais, así como familias que queiran saber máis sobre como usar de xeito responsable as diversas plataformas.