O alcalde de Ames, Blas García, visitou xunto á concelleira de Benestar Social, Uxía García, o concelleiro de Obras, Gustavo Nieto, e o concelleiro de Urbanismo, Víctor Fernández, a obra da residencia do Milladoiro. O inmoble situado na Travesía da Moa está encarando a fase final da construción e os terreos anexos xa están sendo urbanizados. Os membros do Goberno foron recibidos polo promotor, Camilo Álvarez, a directora, Paula Guzmán, e polo traballador social, Fernando Aldrey

Onte deron comezo en Bertamiráns as festas da Peregrina, uns festexos que rematarán o domingo 11, despois de cinco días de música e verbena para todos os públicos. Despois da actuación da orquestra París de Noia a pasada noite, hoxe é a quenda da orquestra Los Satélites no campo da festa da Peregrina a partir das 23:00 horas.

Dentro da programación estival municipal, a Aula da Natureza organiza Noite de Estrelas, unha xornada para gozar da astronomía dende o alto de san Marcos. A actividade, dirixida a todos os públicos, desenvolverase o sábado 10 de agosto entre as 21:30 horas e as 00:00. As prazas son limitadas, polo que para participar é necesaria inscrición previa. Podedes anotarvos mandando un correo a auladanatureza@concellodeames.gal. 

O alcalde de Ames, Blas García, vén de solicitarlle unha xuntanza ao presidente da Xunta de Galicia, Alfonso Rueda, para poñer en marcha proxectos de vital importancia para o futuro de Ames, como poden ser o enlace do polígono do Novo Milladoiro coa AG-56, a futura praza de Abastos, a depuradora de Sisalde, o polígono empresarial de Bertamiráns ou a promoción de vivenda de protección pública no territorio amesán.