Patrimonio Relixioso

Capela da Madalena

Frenza. Parroquia de Tapia

En 1791 aparece a primeira mención documentada desta capela, probablemente nacida da devoción popular. Nela celebrábase misa só unha vez ao ano e o seu aspecto era moi diferente ao actual, que se mantiña coas esmolas dos fieis. En 1897 arranxouse totalmente, e dado que o edificio resultante é tan diferente ao anterior, todo apunta a unha construción nova. Seguiuse o estilo neoclásico, o que deu como resultado un edificio severo, dominado por un aire de maxestuosa sinxeleza. Os elementos decorativos son mínimos; pequena espadana, ventás e portas...

Capela da Madalena

O Milladoiro. Parroquia de Biduído

A referencia máis antiga que se recuperou deste templo é de 1539. Aparece na documentación relativa a unha visita que se realizou en 1598, cando pertencía ao Hospital Vello de Santiago. Pouco despois a Universidade fíxose cos seus bens e padroado. As primeiras noticias acerca das celebracións no día da santa datan da primeira metade do século XVIII, e por elas sabemos que se celebraba unha misa cantada á que se achegaban, en procesión, unha grande afluencia de xente de toda a contorna. Trátase dun edificio sinxelo, organizado en dous corpos, un...

Capela da Mercé

Lapido. Parroquia de Ortoño

Segundo informa unha inscrición, situada no exterior do propio edificio, esta capela construíuse a mediados do século XVIII. En 1786 Cornelio García, labrador veciño de Lapido, solicita a bendición da capela e a autorización para celebrar culto. Non obstante, e dado que a imaxe da Virxe co neno que preside a fachada parece antiga e ten un aire medieval, a devoción podería ser ben anterior. Con toda probabilidade sufriu arranxos importantes con posterioridade. A construción é sinxela, composta por unha soa nave de planta rectangular. O campanario...

Capela da Peregrina

Bertamiráns. Parroquia de Ortoño

A iniciativa de construír unha capela que substituíra a situada no recinto do Pazo da Peregrina partiu da Confraría da Nosa Señora da Peregrina, por quedar a do pazo pequena para acoller o crecente número de fieis. O recinto elixido para erixir a nova construción era coñecido como O Bosque, nome que herdou a urbanización levantada ao seu carón. A obra financiouse mediante subscrición popular entre a veciñanza residente en Ames e tamén noutros lugares como Burgos ou Madrid. Parte dos fondos achegáronos as diferentes administracións, Concello,...

Capela de San Amaro

Barouta. Parroquia de Ames

Sabemos da súa existencia dende o ano 1598, xa que se menciona na visita pastoral realizada nese ano. A súa historia está moi vinculada á celebración, ao seu redor, dunha romaría moi concorrida, e que aparece documentada xa no ano 1651. Trátase dunha construción de planta de salón, coa nave dividida en tres tramos cubertos con bóveda de canón. A capela maior conta cun retablo de corte ecléctico, que debeu ser instalado na reforma realizada en 1890. Foi designada para acoller a imaxe do san Marcos que se atopaba nunha capela situada nun monte próximo,...

Capela de San Xoán

Pousada. Parroquia de Ames

Este templo foi fundado por Urraca de Pousada, e levantouse entre os anos 1607 e 1635. Orixinalmente estaba consagrado a san Xoán Bautista e san Isidro, pero co tempo este último perdeu influencia. No século XVIII construíuse un novo edificio impulsado por Xoán de Samamed, que financiou, xunto a outras persoas, as obras no ano 1740. Este feito está recollido nunha inscrición situada no lintel da entrada. Hai constancia de que xa nesa época a tutela estaba limitada ao san Xoán, así como da celebración da romaría na noite do 23 de xuño que chegou ata os...

Capela do Corpiño

Oca. Parroquia de Ames

As primeiras noticias precisas acerca deste santuario son do século XIX, época en que foi construído o edificio actual (1880). Non obstante, especúlase coa posibilidade dunha orixe moi anterior vinculada á cristianización de ritos pagáns. Este era un dos lugares onde se celebraba a chamada festa do "ramo cativo" para quitar o meigallo. Co tempo a virxe do Corpiño gozou de grande devoción como protectora contra os males do corazón, as dores de parto e as mortes repentinas. A construción é sinxela, típica do gusto ecléctico do século XIX. No interior carece de...

Casa de Rosalía

O Castro. Parroquia de Ortoño

Nesta casa pasou Rosalía de Castro unha parte importante da súa nenez. A escasa documentación sobre o período inicial da vida desta grande escritora impide coñecer con exactitude o tempo que pasou neste lugar. Sabemos que Rosalía naceu en Compostela o 23 de febreiro de 1837 e que foi trasladada a esta casa para quedar ao coidado de Mª Josefa e Teresa Martínez Viojo, irmás de seu pai, o sacerdote José Martínez Viojo, e pertencentes a unha familia de labregos acomodados. Da Tarroerira, Rosalía foi a Padrón para vivir coa súa nai, Mª Teresa...

Conxunto parroquial de San Cristovo

Tapia. Parroquia de Tapia

A primeira referencia fiable acerca da existencia do edificio data do 1598, ano que recibe unha visita diocesana. Este documento resalta a súa austeridade e escaseza de medios, xa que nin sequera contaba con retablo nin sagrario. Esta situación foi mudando co tempo, e en 1651 xa había un retablo para acoller as imaxes e adornar a igrexa. A mediados do XVIII o seu aspecto está bastante mellorado, porén, en 1772 planificouse unha obra de nova planta, e mesmo o traslado a un lugar menos húmido. A oposición da veciñanza a este traslado demorou as obras, pero...

Conxunto parroquial de San Lourenzo

A Igrexa. Parroquia de Agrón

A actual igrexa está datada entre finais do século XVII e principios do XVIII e presenta un claro estilo barroco no que destaca a portada. Presenta planta rectangular, con tres alturas, onde destaca o presbiterio. A fachada organízase a través da porta, con lintel e moldura nas xambas. Péchase con frontón quebrado que conforma un fornelo que alberga a imaxe pétrea do patrón. No interior a nave principal está cuberta cunha bóveda de canón, e a capela maior con bóveda de aresta apoiada sobre os muros e contrafortes. Un arco de medio punto separa o altar...