O Concello de Ames, a través do departamento de Persoal, fai públicos os anuncios publicados no BOP sobre a declaración de persoal laboral fixo de 16 prazas: dúas prazas de conserxes de deportes, dúas prazas de peón de garda ambiental, dúas prazas de peón de limpeza viaria, tres prazas de peón de obras e servizos básicos, unha praza de oficial de obras e servizos básicos, unha praza de oficial de obras e servizos básicos reservada para persoas con discapacidade, unha praza de persoal de peón de alumeados público, unha praza de peón de limpeza viaria reservada para persoas con discapacidade, unha praza de persoal de cociña das escolas infantís, unha praza de persoal de servizos xerais das escolas infantís e unha praza de persoal de servizos xerais de actividades complementarias. Asemade, faise público o anuncio publicado no BOP sobre o nomeamento de persoal funcionario de carreira nunha praza de auxiliar administrativo.

Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.

Dende este venres, 26 de xaneiro, e ata o venres 9 de febreiro, estará aberto o prazo para inscribirse no servizo de conciliación “Primavera Lúdica”, que se desenvolverá os días 25, 26, 27 de marzo e 1 de abril de 2024. No programa poderán participar familias empadroadas no Concello de Ames, con nenos e nenas escolarizados no segundo ciclo de educación infantil ou de primaria no curso 2023-2024, e que acrediten a necesidade de conciliar a vida laboral coa familiar. A “Primavera Lúdica” ten un horario de 7:30 a 16:00 horas, e inclúe os servizos de comedor e Bos Días. As familias interesadas deberán entregar a documentación necesaria na Sede electrónica do Concello de Ames, ou nas oficinas de asistencia en materia de rexistro do Concello de Ames (O Milladoiro e Bertamiráns).

Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.