O Concello de Ames, a través do departamento de Persoal, fai pública a relación do aspirante aprobado proposto polo tribunal para cubrir unha praza de técnico/a do Ciclo Integral da Auga, publicada no Boletín Oficial da Provincia (BOP). Os/as candidatos/as finalistas que fosen propostos polo tribunal para ocupar as prazas convocadas deberá/n achegar, no prazo de vinte días hábiles, contados a partir do seguinte ao da publicación da proposta do tribunal, os documentos acreditativos dos requisitos esixidos para cubrir a praza convocada, que serán os indicados na base 7.a das e as que se indican para cada praza no Anexo II. A falta de presentación en prazo da documentación esixida será equivalente a unha renuncia.

O Pleno do Concello de Ames, en sesión ordinaria do 31.07.2024, acordou a aprobación inicial a modificación da Ordenanza fiscal número 3.A.8 reguladora da taxa pola prestación de servizos complementarios educativos e de conciliación da vida familiar e laboral do Concello de Ames. Mediante o presente anuncio, o dito acordo sométese a exposición pública mediante a súa publicación no taboleiro de anuncios da sede electrónica do Concello de Ames, no Boletín Oficial da Provincia (BOP) e nun diario dos de maior difusión da provincia, para que as persoas interesadas poidan examinar o expediente e presentar as reclamacións que estimen oportunas.

O Pleno do Concello de Ames, en sesión ordinaria do 31.07.2024, acordou a aprobación inicial da modificación da base núm. 50 do orzamento municipal para o ano 2024 (subvencións nominativas) para incluír unha subvención nominativa á Solidariedade Internacional de Galicia. En cumprimento do disposto no artigo 169.1 por remisión do 177.2 do Real Decreto 2/2004, do 5 de marzo, polo que se aproba o Texto Refundido da Lei Reguladora das Facendas Locais, somé- tese o expediente a información pública polo prazo de quince días, a contar desde o día seguinte da publicación deste anuncio no Boletín Oficial da Provincia, para que os/as interesados/as poidan examinar o expediente e presentar as reclamacións que estimen oportunas. Se transcorrido o dito prazo, non se presentaran alegacións, considerarase aprobada definitiva- mente a modificación da base núm. 50 do orzamento municipal para o ano 2024 (subvencións nominativas). Premendo na ligazón situada debaixo deste aviso, poderás obter o texto co anuncio.

O Concello de Ames, a través do departamento de Persoal, fai pública a acta décimo primeira do tribunal do proceso selectivo dunha praza de traballador/a social. En dita acta recóllese a resolución de alegacións, a proposta de contratación e a creación de bolsa de emprego. A persoa proposta ten que entregar documentación no prazo de 20 días hábiles polo que se abre o día 2 de agosto e remata o vindeiro 30 de agosto. Trátase de prazas por concurso-oposición do art. 2.1 da lei 20/2021 incluídas na oferta extraordinaria de emprego público de 2022 (estabilización). Previamente publicáronse os anuncios publicados no BOP de catro procesos selectivos para cubrir as prazas de estabilización de emprego temporal incluídas na oferta de emprego público de 2022 por concurso-oposición.