A Concellaría de Deportes e Promoción da Saúde, dentro do programa de Andainas Saudables, organiza unha nova camiñada polo Camiño Real de Santiago a Fisterra e Muxía por etapas. Desta volta, vaise percorrer a terceira etapa entre Vilaserío e Lago. Os/as participantes percorrerán o vindeiro sábado, 25 de xaneiro, unha distancia aproximada de 15 quilómetros. As persoas que estean interesadas en participar poden inscribirse cubrindo este formulario ata o mércores, 22 de xaneiro, ás 14:00 horas. Haberá servizo de autobuses dende a Casa da Cultura do Milladoiro, ás 9:00 horas; e dende a praza do Concello, en Bertamiráns, ás 9:15 horas.