O pasado sábado, 22 de febreiro, celebrouse na pista cuberta de Expourense o campionato de Galicia máster en pista cuberta, no que participaron dous atletas do Club Atletismo Millaraio acadando catro medallas: ouro para David López Vilariño, en salto con pértega M45, e para Puri Cariñena, en 400m F45; e bronce para David López Vilariño, en salto de altura M45, e para Puri Cariñena, en 200m F45.

Ademais, o domingo 23 de febreiro oito atletas do club participaron no campionato de Galicia absoluto de pista cuberta, sendo cinco aínda da categoría sub18 (Manuela Raviña, Carla Pérez, Uxía Rey, Mateo Aller e Diego Liñares) e tres da categoría sub16 (Asier Cabo, Daniel Cariñena e Matías Barca).

Manuela Raviña conseguiu chegar á final dos 60m, quedando finalmente na sexta posición. Asier Cabo foi quinto no triplo salto, cun rexistro de 12,30m que é a mínima para o nacional sub16. Mateo Aller foi quinto no salto de altura e décimo no de lonxitude. Carla Pérez foi novena nos 400m vencendo na súa serie. Uxía Rey participou na primeira ronda dos 60m, o mesmo que Asier Cabo, Daniel Cariñena, Matías Barca e Diego Liñares.