O Concello de Ames liquidou o exercicio 2020 cun remanente de tesourería para gastos xerais de 8.363.940 euros e con cargo a dito remanente aprobáronse varios suplementos de crédito, entre eles o suplemento que financia o Plan Ames Progresa 2021-2023 cun importe de 4.647.242 euros que inclúe investimentos, axudas e actuacións encamiñadas á recuperación e reactivación económica do Concello de Ames. O remanente de tesourería dispoñible tras a tramitación destes suplementos de créditos ascende a 1.041.438 euros.

Como todos os anos ao remate do exercicio existen varias aplicacións do orzamento en vigor con crédito insuficiente e procede reordenar o crédito e dotalo da cantidade necesaria para atender as necesidades.

As aplicacións que precisan de financiamento no capítulo de gastos de investimentos ascenden a 377.626 euros. A meirande parte delas responden ao mantemento de infraestruturas e servizos. Nesta partida inclúese a adquisición por 200.000 dun local para oficinas municipais.

A necesidade de financiamento do capítulo de gastos correntes é de 976.184 euros. Neste capítulo destaca o forte incremento dos gastos na partida de monitoraxe de comedores escolares e demais servizos de conciliación que ascende a 415.335 euros motivado polo cumprimento dos protocolos Covid-19, o incremento de gastos derivados de limpezas extraordinarias e produtos de limpeza, subministración eléctrica ou mantemento de instalacións.

No tocante aos gastos de transferencias correntes a necesidade de financiamento ascende a 97.550 euros. O suplemento está destinado a sufragar unha nova convocatoria de axudas “Bonos Comercios” dotada con 70.000 euros. O motivo é a reordenación do crédito recollido na liña de axudas do Plan Reactiva Ames para financiar a transición cara o comercio en liña debido á existencia e solapamento de axudas por parte doutras administración, e vaise destinar nunha nova campaña de Bonos Comercio.

A este capítulo de gastos, tamén, hai que engadir os 17.550 euros necesarios para proceder ao pagamento da 2ª liquidación da Galiña Azul de Bertamiráns e do Milladoiro.

Estas modificacións orzamentarias ascenden a un total de 1.451.360 euros. O suplemento de crédito vaise financiar con cargo ao remanente de tesourería en 1.423.976 € e os 27.384 € restantes cos gastos financiados con baixas por anulacións.

Novas relacionadas

La Voz de Galicia: "El gasto de Ames se dispara en siete millones por la pandemia"

El Correo Gallego: "Más fondos por el gasto covid extra en limpieza y comedores"

Lindeiros: "Ames habilita millón e medio de euros nun pleno extraordinario"