Esta semana, do 24 ao 26 de outubro, celebrarase na cidade alemá de Bonn a Interland Cup, unha competición internacional de patinaxe artística que contará con representación galega grazas a Inés Peña e Jorge Sanmartín. Grazas aos bos resultados acadados no Campionato de España, a Federación Española de Patinaxe convidou a ambos deportistas a participar nesta cita onde competirán en categoría júnior con deportistas de sete países europeos.

A competición comezará o xoves 24 de outubro, co programa curto, e o sábado 26, os patinadores do Sarela volverán competir, desta vez no programa longo: pola mañá patinará Inés, e xa pola tarde será a quenda de Jorge.

A adestradora do club, Celtia Pampín, sinala que o obxectivo nesta cita é que “ambos fagan os programas o mellor posible e que queden satisfeitos coa dúas actuación. O feito de chegar ata aquí para nós xa é un premio”. Así mesmo, destaca que esta clasificación é un merecido premio ao esforzo dos deportistas: “Hai unha parte importante de talento pero tamén de disciplina. Adícanlle moitas horas a adestrar e perfeccionar a súa técnica e os seus programas, por iso están a chegar tan lonxe nas competicións”.

Novas relacionadas:

La Voz de Galicia: " Dos jóvenes patinadores del club Sarela, en Bertamiráns, representarán a España en Alemania"