- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Artesanía, danza e música son algunhas das actividades da I Feira de san Xoán. O evento, organizado pola Xuntanza de Empresarios de Ames en colaboración coa concellaría de Promoción Económica e que terá lugar os días 23 e 24 no parque Ameneiral, en Bertamiráns.
Artesanía, música e diferentes actividades conforman o cartel da segunda edición da feira de San Xoán, que organiza a Xuntanza de Empresarios de Ames (XEA), en colaboración co Concello de Ames. Dita feira celebrarase os días 22 e 23 de xuño, en horario de 11.00 a 21.00 horas, no parque do Ameneiral, en Bertamiráns.
A III Feira de San Xoán, organizada pola Xuntanza de Empresarios de Ames, en colaboración co Concello de Ames, volve un ano máis ao parque do Ameneiral con artesanía, música e máis actividades. Será os días 23 e 24 de xuño.
O Concello de Ames, a través da Concellaría de Promoción Económica, informa de que a Xuntanza de Empresarios de Ames (XEA) organiza unha nova iniciativa para este domingo, 12 de xuño. Trátase do mercado aberto Solesombra, que se celebrará no parque do Ameneiral, en Bertamiráns, en horario de 11.00 A 20.00 horas. Será un mercado no que participarán 12 establecementos comerciais de Bertamiráns e do Milladoiro para dar a coñecer os servizos que ofertan. Haberá música ambiente ao longo de todo o día para amenizar o mercado.
Segue aberto o proceso de selección de participantes para a novena edición do programa integrado de emprego dos Concello de Ames e Brión 2024 -2025. Ata o día 20 de decembro as persoas que cumpran os requisitos solicitados e estean interesadas poden cubrir o formulario de inscrición cos seus datos premendo neste enlace. Esta edición o programa está aberto a 100 persoas desempregadas que se formarán nos sectores do comercio, almacén, limpeza, administración e xestión, ocio e tempo libre e turismo. Hoxe xoves, 12 de decembro, ás 12.00 horas, impártese unha charla informativa no espaza colaborativo A Proa, situado na rúa das Hedras, no parque empresarial do Milladoiro.
O Concello de Ames traballa na organización das Cabalgatas de Reis, que se celebran o domingo 5 de xaneiro nas localidades do Milladoiro e Bertamiráns. Para participar en ditas Cabalgatas abriuse un prazo de inscrición co obxectivo de que as nenas e nenos do concello poidan acompañar aos Reis Magos nas carrozas. O período de inscrición estará aberto ata o domingo día 22 de decembro. A capacidade de cada carroza é de 14 rapaces, sendo as prazas ofertadas un total de 84. Poderán participar menores en idades comprendidas entre 6 e 12 anos, empadroados en Ames e que non participaran en cabalgatas anteriores. No caso de que non haxa rapaces suficientes para algunha das cabalgatas, poderase propoñer a cobertura con nenos e nenas que non teñan as preferencias solicitadas. Premendo nesta ligazón podes ver o vídeo sobre a entrega de capas reais de 2023.
O Concello de Ames, a través da Concellaría de Promoción Económica, lembra que está aberto o prazo de inscrición ata o 9 de xullo para inscribirse nas categorías infantil, xuvenil, sénior e súper sénior do concurso Canta con Ames. As inscricións poden realizarse a través do correo amesnarua@gmail.com. Haberá unha fase de preselección no Milladoiro e en Bertamiráns os días 21 e 29 de xullo. A semifinal será no Milladoiro o 4 de agosto e a final celebrase en Bertamiráns o 18 de agosto. O xurado do concurso estará composto por Inés Suárez, Noelia Bellas e Lara López, mentres que a presentadora será Loly Gómez. As bases do concurso poden consultarse premendo nesta ligazón.
O Concello de Ames, a través da Concellaría de Promoción Económica, vén de convocar a décimo quinta edición do Concurso de Escaparates de Nadal. As persoas titulares ou co-titulares dun establecemento comercial situado en Ames, que queiran participar neste certame, deberán engalanar os seus escaparates con motivos relacionados co Nadal, prestando atención á orixinalidade para conseguir a atracción do público. As solicitudes de inscrición poderán presentarse ata o 23 de decembro, en horario de 9.00 a 14.00 horas, nos rexistros municipais da Casa do Concello e Oficinas municipais do Milladoiro, así como a través da Sede electrónica municipal. Ao pé desta nova encóntranse as bases do concurso.
O Concello de Ames, a través da Concellaría de Promoción Económica, vén de poñer en marcha a campaña de tarxetas bono Reactiva Ames, a través da cal durante este exercicio 2021 se porán en circulación 3.000 tarxetas-bono para gastar nos establecementos amesáns. Esta iniciativa xerará un volume de negocio de 200.000 euros. Existen dous tipos de bonos: un polo que se pagarán 30 euros e se obterán 50€ para gastar, e outro que custará 60 euros e terá un valor á hora de realizar as compras de 100€. Ata o 31 de xaneiro poderán inscribirse os establecementos que desexen adherirse á campaña e a partir do 5 de febreiro comezarán a distribuírse os bonos entre os potenciais clientes dos establecementos adheridos. Premendo nesta ligazón podes acceder á Sede electrónica. Para poder cubrir o impreso de solicitude é necesario identificarse con certificado dixital ou DNI electrónico. A iniciativa está contemplada no Plan Reactiva Ames. Preme nesta ligazón para consultar as bases desta campaña.
O Concello de Ames informa de que está aberto o prazo para presentar ofertas ao proceso de licitación do concurso de ideas, para a creación dun centro de ocio, cultura e promoción económica no Milladoiro. O orzamento base de licitación é de 30.000 euros. Este proxecto está incluído no Plan Impulsa Ames que está cofinanciado con fondos europeos FEDER. O centro construirase no Milladoiro, na avenida Muíño Vello, xunto ao parque empresarial e nas proximidades do instituto, a área de ocio, o albergue e a Igrexa do Milladoiro. A creación e dotación dun centro de ocio, cultura e promoción económica no Milladoiro é unha das liñas de actuación do Obxectivo Temático 9, de Inclusión Social, que pretende promover a inclusión social e loitar contra a pobreza.
- ‹ anterior
- 8 de 56
- seguinte ›
Trámites do departamento
Eventos del departamento
Papá Noel visitará Ames os días 23 e 24 de decembro. O venres 23 pasará pola praza de Manuel Murguía, no Milladoiro, onde estará de 11:00 a 13:00 e de 17:00 a 19:00 horas. Os cativos e cativas que acudan terán á súa disposición un fotomatón e recibirán un regalo. Haberá carpa.
Dentro da programación de Nadal, Papá Noel estará en Bertamiráns, na Casa dos Maiores o sábado 21 en horario de 11.00 a 13.30 pola mañá e de 17.00 a 20.30 pola tarde.
Dentro da programación de Nadal, Papá Noel estará no Milladoiro, no Centro Social, o luns 23 en horario de 11.00 a 13.30 pola mañá e de 17.00 a 19.30 pola tarde.
Para celebrar o Nadal, algunhas das personaxes de Disney achegaranse a Ames para que os nenos e nenas poidan desfrutar con elas. O luns 26 de decembro visitarán Bertamiráns, onde se celebrarán dous pasarrúas: de 11:00 a 12:00 horas e de 17:00 a 18:00 horas. Así mesmo, de 12:00 a 13:00 e de 18:00 a 20:00 horas estarán na praza da Maía para recibir a toda a cativada que queira achegarse a saudalas.
Para celebrar o Nadal, algunhas das personaxes de Disney achegaranse a Ames para que os nenos e nenas poidan desfrutar con elas. O martes 27 de decembro visitarán O Milladoiro, onde se celebrarán dous pasarrúas: de 11:00 a 12:00 horas e de 17:00 a 18:00 horas. Así mesmo, de 12:00 a 13:00 e de 18:00 a 20:00 horas estarán na praza de Manuel Murguía para recibir a toda a cativada que queira achegarse a saudalas.
Co fin de dinamizar o comercio e a hostalaría local nos días previos ao comezo do curso lectivo, a Concellaría de Promoción Económica, en colaboración coa Xuntanza de Empresarios de Ames (XEA), organiza as xornadas de “Volta ao cole co comercio”, dúas tardes de propostas lúdicas e sorteos que se desenvolverán o venres 9 de setembro, no Milladoiro, e o martes 13, en Bertamiráns. A iniciativa ofrecerá actividades ás nenas e nenos de 3 a 11 anos, das 17:00 ás 19:00 horas, e á mocidade dos 12 aos 18, das 19:00 ás 21:00 horas, ademais de contar con arredor de 160 premios valorados en máis de 2.000 euros.
Volve a ter nas dúas principais vilas de Ames a iniciativa "Volta ao cole co comercio 2023". O día 6 no Milladoiro e o 7 en Bertamiráns, terán lugar as iniciativas para a mocidade de entre 12 e 17 anos, en horario de 18:30 a 21:30 horas. Para eles haberá toro mecánico, barredora, DJs e unha Holi Party, a festa de polvos de cores.
O día 13 de setembro, no Milladoiro, e o 14, en Bertamiráns, desenvolveranse as actividades para nenos e nenas de ata 11 anos, que deberán ir acompañados/as. Será de 17:00 a 20:00 horas, e haberá inchables, xogos do mundo e talleres de maquillaxe e tatuaxe.
Co fin de dinamizar o comercio e a hostalaría local nos primeiros días do curso lectivo, a Concellaría de Promoción Económica, en colaboración coa Xuntanza de Empresarios de Ames (XEA), organiza as xornadas de “Volta ao cole co comercio”, dúas tardes de propostas lúdicas e sorteos que se desenvolverán o venres 9 de setembro, no Milladoiro, e o mércores 21, en Bertamiráns. A iniciativa ofrecerá actividades ás nenas e nenos de 3 a 11 anos, das 17:00 ás 19:00 horas, e á mocidade dos 12 aos 18, das 19:00 ás 21:00 horas, ademais de contar con arredor de 160 premios valorados en máis de 2.000 euros.
O Concello de Ames e Maker Faire Galicia organizan unha nova edición de Innovames, unha xornada de innovación para as empresas de Ames que terá lugar o 16 de decembro no pavillón polideportivo do Milladoiro e na que se contará coa presenza de grandes referentes da innovación que conviven no propio concello. O obxectivo deste evento é poñer en valor os recursos e a capacidade de innovación local, fomentando a sinerxía e a colaboración entre as empresas e dando a coñecer ao público xeral o capital empresarial de Ames. Para dispor de máis información sobre o InnovAmes pódese consultar a páxina web do evento.
- ‹ anterior
- 8 de 19
- seguinte ›