A concelleira de Economía e Facenda, Genma Otero, deu conta no Pleno ordinario de setembro, celebrado este pasado xoves 24 de setembro, do decreto de aprobación da liquidación do 2019. O Concello de Ames pecha o exercicio 2019 cun superávit de 1.270.000 euros e un remanente de tesourería de 9.250.000 euros, medrando ano tras ano as cifras de execución orzamentaria acadando a cifra de obrigas recoñecidas (gastos) os 23.130.000 euros e a cifra de dereitos recoñecidos netos (ingresos) de 24.520.000 euros, cun resultado orzamentario axustado de 2.400.000 euros, continuando o Orzamento na senda de equilibrio, solvencia e estabilidade orzamentaria.

A Concellaría de Economía e Facenda vén de publicar o Calendario Fiscal de 2023 e de actualizar na web municipal a información tributaria recollida na súa páxina de transparencia, que inclúe información sobre a calendarización dos pagos de impostos, taxas e prezos públicos, así como as medidas de flexibilización e fraccionamento dos impostos municipais, incluíndo como novidade  o acceso á información sobre as distintas bonificacións e execcións recollidas nas  ordenanzas do Concello de Ames para os distintos impostos, taxas e prezos públicos.

O Concello de Ames, a través da Concellaría de Economía e Facenda, solicitoulle á Deputación da Coruña a ampliación do prazo para solicitar o acollemento da veciñanza amesá ao sistema especial voluntario de pago fraccionado do IBI en dous prazos sen custo. A Deputación aceptou dita solicitude, polo que se amplía ata finais do mes de xuño a posibilidade de poder solicitar e acollerse a este sistema, e pospóñense os prazos dos pagos parciais podendo pagar a metade do recibo do IBI (primeiro pago) o 30 de xullo, e a outra metade (segundo pago) o 20 de outubro, sen ningún tipo de xuro nin custe adicional. Ademais, tamén se ampliarán os prazos previstos para a posta ao cobro en período voluntario en relación ao IBI, IVTM e IAE para este ano 2020.

A pesar de os prazos administrativos están suspendidos temporalmente debido ao Real Decreto 463/2020, a través do cal se declarou o estado de alarma, o departamento municipal de Contratación segue avanzando na tramitación de expedientes de licitación que estaban abertos. Deste xeito, avánzase na licitación de tres proxectos que se van desenvolver nas parroquias de Biduído e A Ameixenda coa apertura de ofertas. Estas obras, que teñen un orzamento total de 281.518,59 euros, están incluídas no POS+ adicional de 2019. Os proxectos atinxen á pavimentación do camiño que vai de Tarrío a Raíces; a pavimentación do acceso a Sura; e maila pavimentación dos viarios do núcleo de Raíces.