Pestanas principais

Departamento de Servizos Económicos

Novas do departamento

Este martes, 16 de novembro, celébrase un Pleno extraordinario para aprobar un suplemento de crédito de 1.451.360 euros

O Goberno municipal leva ao Pleno extraordinario que se vai celebrar este martes 16 de novembro a aprobación dun suplemento de crédito para gastos xerais. O suplemento ascende a un total de 1.451.360 euros e vaise financiar maioritariamente co remanente de tesourería. Tamén se levará a Pleno a aprobación dun recoñecemento extraxudicial de crédito por importe de 146.925 euros para a aprobación de facturas correspondentes ao exercicio 2020 que non dispoñían de crédito, entre as que vai unha factura de 123.607 euros do servizo de monitoraxe de comedores escolares do mes de decembro de 2020.

Este venres, 30 de abril, remata o prazo para solicitar o fraccionamento sen xuros dos recibos dos impostos municipais de 2021 xestionados pola Deputación

O Concello de Ames lembra que está aberto ata este venres, 30 de abril, o prazo para acollerse ao Plan especial de pagamento individualizado, a través do cal se pode solicitar o fraccionamento sen xuros dos recibos dos impostos municipais de 2021 xestionados pola Deputación (IBI, vehículos, IAE, etc.) en 10 mensualidades a partir de 2022 e en 7 meses durante este ano 2021. A veciñanza amesá tamén se pode acoller ao sistema especial de pagamento voluntario dos recibos en dous prazos sen xuros. Para poder acollerse no 2021 a estes plans hai que tramitar a solicitude antes do 30 de abril de 2021. Para obter máis información pódese escribir un correo electrónico ao enderezo atencion.tributaria@dacoruna.gal ou chamar ao número de teléfono gratuíto 900 132 204.

Habilítase unha nova sección no Portal da Transparencia coa información tributaria do Concello de Ames

O Concello de Ames vén de ampliar a información dispoñible no Portal da Transparencia do web municipal cun novo apartado onde se pode consultar a información tributaria, que recolle o calendario fiscal do exercicio 2020, información sobre aprazamentos  e fraccionamento de impostos e taxas, e mailo sistema especial de pagamento fraccionado do IBI en 2 prazos). Estas medidas enmárcanse dentro das medidas tributarias adoptadas polo Concello de Ames debido á crise sanitaria e económica derivada da Covid-19. Este traballo únese ao feito no pasado mes de maio para mellorar a organización da información dos apartados de Normativa municipal, Consulta pública e Información orzamentaria.

Informada e ditaminada favorablemente a Conta Xeral do 2019 do Concello de Ames

O pasado venres, 15 de xaneiro de 2021, ás 14:00 horas, celebrouse a Convocatoria Extraordinaria da Comisión Informativa Permanente de Economía e Facenda e Especial de Contas co único punto de “Exame e informe da Conta Xeral 2019” , na que se ditaminou favorablemente a Conta Xeral 2019. A Conta Xeral do 2019, xunto co Informe da Comisión Especial de Contas, será exposta ao público por un prazo de 15+8 días hábiles durante os cales se poderán presentar reclamacións, reparos ou observacións. Logo someterase a aprobación do Pleno da Corporación municipal para a súa aprobación e renderase ante o Consello de Contas. Dentro da Conta Xeral a liquidación orzamentaria é a parte máis importante e na que ser reflicten a execución do orzamento de gastos, ingresos e o resultado orzamentario, así como outras magnitudes coma o remanente de tesourería e superávit.

Informada e ditaminada favorablemente a Conta Xeral do 2020 do Concello de Ames

O pasado luns 6 de setembro ás 13:00 horas celebrouse a Convocatoria Extraordinaria da Comisión Informativa Permanente de Economía e Facenda e Especial de Contas co único punto de “Exame e informe da Conta Xeral 2020” en que se ditaminou favorablemente a Conta Xeral 2020. A Conta Xeral do 2020 xunto co ditame da Comisión Especial de Contas será exposta ao público por un prazo de 15 días hábiles durante os cales se poderán presentar reclamacións, reparos ou observacións. Logo someterase ao Pleno da Corporación para a súa aprobación e renderase ante o Consello de Contas. Dentro da Conta Xeral a liquidación orzamentaria é a parte máis importante e na que se reflicten a execución do orzamento de gastos, ingresos e o resultado orzamentario, así como outras magnitudes coma o remanente de tesourería e cumprimento das regras fiscais.

Informada e ditaminada favorablemente a Conta Xeral do 2021 do Concello de Ames

O pasado mércores, 27 de xullo, ás 13:00 horas, celebrouse a convocatoria extraordinaria da Comisión informativa permanente de Economía e Facenda e Especial de Contas co único punto de “Exame e informe da Conta Xeral 2021”, na que se ditaminou favorablemente a Conta Xeral 2021. O Concello de Ames pechou o exercicio 2021 cun resultado orzamentario axustado de 1.750.000 euros e un remanente de tesourería de 9.366.000 euros, acadando unhas cifras de execución máximas no tocante aos gastos de 27.039.000 euros de obrigas recoñecidas, na que destaca unha cifra de execución de investimentos (capítulo 6) do Concello por importe de 3.245.000 euros e unhas cifras de ingresos que acadaron os 28.355.000 euros.

Iníciase o proceso de Orzamentos Participativos 2022 no Concello de Ames

Este martes, 11 de maio, ás 20:30 horas, celebrouse no Pazo da Peregrina, en Bertamiráns, unha xuntanza coas asociacións do rural para falar da execución dos Orzamentos Participativos 2020 e deseñar as actuacións para desenvolver o proceso de Orzamentos Participativos 2022 de cara a escoller as actuacións durante este ano 2021. A dita xuntanza asistiron membros do Goberno municipal e representantes de 15 asociacións veciñais do rural amesán. Estivo representada a veciñanza de 10 das 11 parroquias de Ames.

O alcalde de Ames, Jose Miñones, envíalle unha mensaxe de tranquilidade á veciñanza e agradécelle a implicación nas medidas adoptadas para frear a pandemia do Coronavirus

O rexedor municipal quere dirixirse a toda a veciñanza de Ames, nestes momentos de extrema complexidade, para mostrarlles en nome do Concello de Ames o seu apoio e agradecemento polo bo xeito de dar cumprimento ás medidas e recomendacións feitas nas últimas xornadas polas administracións e autoridades para poder frear a pandemia do COVID - 19 (Coronavirus). Ademais, achega unha mensaxe de tranquilidade e anima a respectar tódalas esixencias establecidas, para superar esta situación de emerxencia sanitaria máis pronto que tarde. Preme nesta ligazón para consultar o comunicado íntegro.

O Banco Santander reabrirá o vindeiro luns, 11 de xaneiro, a oficina de Bertamiráns

Despois de varios contactos por parte do Concello coa entidade bancaria nos que se solicitaba a reapertura da oficina de Bertamiráns, o Concello acaba de recibir unha comunicación do Banco Santander na que se comunica que esta entidade, ante a situación excepcional que estamos a vivir pola Covid-19, estaba a adoptar as medidas necesarias para velar pola seguridade dos clientes e empregados/as para poder seguir operando con normalidade. 

O Concello de Ames amplía os prazos para acollerse ao sistema especial voluntario de pagamento fraccionado do IBI que divide o recibo en dous prazos sen custe adicional

Desde o ano 2017, as veciñas e veciños de Ames teñen a posibilidade de solicitar o novo sistema especial de pagamento en dous prazos do Imposto sobre Bens Inmobles (IBI). Este ano, motivado polo estado de alarma da Covid-19, amplíase a data límite de entrega de solicitudes que remataba o 29 de maio ao 30 de xuño e o primeiro prazo de pago que era o 20 de xuño trasládase ao 30 de xullo. O impreso de solicitude pódese descargar na seguinte ligazón http://bit.ly/2mQfYh5. Con esta medida, que se desenvolve por cuarto ano consecutivo, ofrécese a posibilidade de dividir o recibo de IBI en dous prazos, pagando o 50% do recibo o 30 de xullo e o outro 50% o 20 de outubro.

Eventos del departamento

>Xuntanza Orzamentos Participativos en Transmonte

Este luns, 14 de setembro, de 19.00 a 20.00 horas, celébrase unha xuntanza no local social de Transmonte, sobre os Orzamentos Participativos de 2020. Trátase dunha asemblea de presentación de propostas .