Actualidad
![Participa na visita nocturna aos petróglifos da Peneda Negra e Monte Castelo Participa na visita nocturna aos petróglifos da Peneda Negra e Monte Castelo](https://www.concellodeames.gal/sites/default/files/styles/medium/public/noticias/imagenes/2024/08/petroglifo_monte_castelo.jpg?itok=6CgNpNaN)
O Concello de Ames e o colectivo A Rula organizan o sábado, 24 de agosto, a quinta edición da ruta nocturna circular aos petróglifos de Monte Castelo e da Peneda Negra. Comezará ás 21:00 horas dende o miradoiro do bosque do Peregrino, en Ventosa. Haberá servizo de autobús, que pasará ás 21:00 horas pola Casa da Cultura do Milladoiro, e ás 21:15 horas polo Pazo da Peregrina, en Bertamiráns. A visita rematará ás 23:30 horas. Ao remate haberá servizo de autobús de regreso, que volverá polos lugares onde colleu aos participantes. Para participar nesta saída hai que enviar o impreso de inscrición ao enderezo auladanatureza@concellodeames.gal. Ofértanse un total de 25 prazas.
![O club Ames Atletismo ofrece xornadas de portas abertas e un campus deportivo no mes de setembro para achegarse a este deporte O club Ames Atletismo ofrece xornadas de portas abertas e un campus deportivo no mes de setembro para achegarse a este deporte](https://www.concellodeames.gal/sites/default/files/styles/medium/public/noticias/imagenes/2024/08/cartel_portas_abertas_copia.jpg?itok=kqBQvb4e)
O club Ames Atletismo vén de presentar a tempada deportiva 2024/25, que dará comezo a partir de setembro cun mes de portas abertas e un campus deportivo. O club seguirá adestrando tódalas disciplinas do atletismo dun xeito lúdico e adaptándose ás necesidades de cada atleta. Un ano máis, contará coa colaboración do Concello de Ames na cesión de instalacións deportivas e na promoción da programación deportiva.
![As caravanas moradas instaladas polo Concello ofreceron axuda a case un millar de persoas durante as festas As caravanas moradas instaladas polo Concello ofreceron axuda a case un millar de persoas durante as festas](https://www.concellodeames.gal/sites/default/files/styles/medium/public/noticias/imagenes/2024/08/caravana_1.jpeg?itok=y2vfJxQV)
O Concello de Ames, a través do departamento de Benestar Social e Igualdade, instalou una ano máis unha caravana morada no Milladoiro, o día 5 de agosto; e outra en Bertamiráns, o mércores 7, con motivo da programación que se desenvolveu en ámbalas dúas xornadas polas festividades da Madalena e da Peregrina. No caso do Milladoiro, localizouse nos arredores da Casa da Cultura, mentres que en Bertamiráns estivo a carón da zona de aparcamento do Pazo da Peregrina.
![Apróbase a concesión de 10.000 euros en bolsas para deportistas de Ames Apróbase a concesión de 10.000 euros en bolsas para deportistas de Ames](https://www.concellodeames.gal/sites/default/files/styles/medium/public/noticias/imagenes/2024/08/deportes.jpg?itok=x4oMbiHe)
A Xunta de Goberno Local aprobou o pasado 8 de agosto unha nova liña de achegas para a concesión de bolsas para deportistas do Concello de Ames no ano 2024. O importe das bolsas que se van a conceder ascende a 10.000 euros. A finalidade desta convocatoria é apoiar aos/as deportistas individuais de Ames, como medio para promover o deporte do municipio e, desta forma, conseguir logros deportivos para o concello. Premendo nesta ligazón pódense consultar as bases da convocatoria.
![O Concello de Ames reitera á Consellería de Sanidade a necesidade de ampliación do centro de saúde de Bertamiráns O Concello de Ames reitera á Consellería de Sanidade a necesidade de ampliación do centro de saúde de Bertamiráns](https://www.concellodeames.gal/sites/default/files/styles/medium/public/noticias/imagenes/2024/08/centro_saude_bertamirans1_0.jpg?itok=ohlJN-KS)
O alcalde de Ames, Blas García, vén de solicitarlle unha xuntanza ao Conselleiro de Sanidade, Antonio Gómez Caamaño, para poñer en marcha un proxecto de ampliación do centro de saúde de Bertamiráns que, con máis de 30 anos ao servizo da veciñanza amesá, precisa ser ampliado e reordenado para prestar un servizo de calidade, pois “está obsoleto e xa non responde ás necesidades dun concello de máis de 33.000 habitantes”, afirma o rexedor.
![As noites de estrelas chegan esta semana a Milladoiro e Bertamiráns As noites de estrelas chegan esta semana a Milladoiro e Bertamiráns](https://www.concellodeames.gal/sites/default/files/styles/medium/public/noticias/imagenes/2024/08/noite_de_estrelas_6.jpg?itok=meZYVYNW)
Dentro da programación estival municipal, a Aula da Natureza organiza Noite de Estrelas, unha xornada para gozar da astronomía que a semana pasada tivo lugar no alto de san Marcos. Desta volta, esta xornada chega aos principais núcleos urbanos do concello: o venres 16 de agosto desenvolverase no Milladoiro, e o sábado 17 en Bertamiráns. En ambas localidades terá lugar entre as 21:30 horas e as 00:00. As prazas son limitadas, polo que para participar é necesario inscrición previa. Podedes anotarvos mandando un correo a auladanatureza@concellodeames.gal.
![Anaís Fernández, Paula Barreiro, e o dúo de Silvia Veiga e Cecilia Pardo gañan a cuarta edición do Canta con Ames Anaís Fernández, Paula Barreiro, e o dúo de Silvia Veiga e Cecilia Pardo gañan a cuarta edición do Canta con Ames](https://www.concellodeames.gal/sites/default/files/styles/medium/public/noticias/imagenes/2024/08/final_4.jpg?itok=zdiY4cXh)
O parque do Ameneiral, en Bertamiráns, acolleu este pasado domingo, 11 de agosto, a fase final da cuarta edición do concurso “Canta con Ames”. As/os finalistas interpretaron dous temas completos de distinto estilo musical. Trala actuación das/os finalistas, o xurado decidiu que as/os gañadoras/es desta edición son Anaís Fernández, na categoría de persoas ata 17 anos; Paula Barreiro, na categoría maiores de 18 anos; e Silvia Veiga e Cecilia Pardo, na categoría dúos e tríos. A concelleira de Promoción Económica, Ana Belén Paz, destacou a boa afluencia de público que tivo a final e tamén o éxito desta cuarta edición do certame. Premendo nesta ligazón podes acceder á galería de imaxes do evento.
![Medio centenar de persoas desfrutaron do ceo nocturno durante a Noite de Estrelas Medio centenar de persoas desfrutaron do ceo nocturno durante a Noite de Estrelas](https://www.concellodeames.gal/sites/default/files/styles/medium/public/noticias/imagenes/2024/08/sin_titulo_6.jpg?itok=65jJYFEj)
Dentro da programación estival municipal, a Aula da Natureza organizou o pasado sábado 10 de agosto a Noite de Estrelas, unha xornada para gozar da astronomía dende o alto de san Marcos. A actividade, dirixida a todos os públicos, foi un éxito de participación.
![Remata a cuarta edición do campamento sénior do programa Amessán cunha participación de 130 persoas Remata a cuarta edición do campamento sénior do programa Amessán cunha participación de 130 persoas](https://www.concellodeames.gal/sites/default/files/styles/medium/public/noticias/imagenes/2024/08/visita_boiro1.jpg?itok=WQ3hlCf5)
Por cuarto ano consecutivo o Concello de Ames, a través da Concellaría de Benestar Social, Igualdade e Voluntariado, organizou durante o mes de xullo o campamento sénior Amessán 2024, que estivo dirixido a persoas maiores de 60 anos empadroadas en Ames. As actividades de dito campamento realizáronse os martes e xoves de cada semana. Participaron arredor de 130 persoas que realizaron diferentes actividades de envellecemento activo. Todos os xoves visitaron diferentes vila galegas: Pontevedra, Oleiros e Boiro.
![A amesá Verónica Fernández proclámase campioa de España de Boxeo Elite A amesá Verónica Fernández proclámase campioa de España de Boxeo Elite](https://www.concellodeames.gal/sites/default/files/styles/medium/public/noticias/imagenes/2024/08/veronica_fernandez8.jpg?itok=4hzkT0um)
A finais do pasado mes de xullo, a boxeadora amesá Verónica Fernández participou no Campionato de España de boxeo elite. Fernández, que actualmente adestra no Club Antelo Team do Milladoiro, proclamouse campioa desta categoría tras derrotar na final á cántabra Paola Benavides.
- ‹ anterior
- 3 de 1318
- siguiente ›