Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

Instálanse novos marcadores electrónicos nos pavillóns do Milladoiro e de Bertamiráns

A Concellería de Deportes vén de rematar a colocación e a montaxe de dous novos marcadores multideporte sobre as paredes dos pavillóns do Milladoiro e de Bertamiráns. A actuación, realizada pola empresa Medulio Servicios y Obras SL, contou cun investimento de 8.954,24 euros incluído no Plan Ames Progresa. Esta actuación enmárcase dentro do plan municipal de mellora das instalacións deportivas municipais.

Instálase un novo pavimento de tarima flotante de madeira no anexo do pavillón polideportivo de Bertamiráns

A Concellaría de Deportes vén de anunciar o remate das obras de colocación de pavimento de tarima flotante de madeira no anexo do pavillón polideportivo de Bertamiráns. Estas obras tiveron un custo de 9.041,42 euros e foron executadas pola empresa Galitec. Esta actuación únese aos traballos feitos xa o verán pasado nos que se cambiou o pavimento dos pavillóns de Bertamiráns e do Milladoiro por 138.538 euros.

Jonas Vingegaard gaña a contra o reloxo de O Gran Camiño con saída dende O Milladoiro

O corredor danés Jonas Vingegaard impúxose este domingo na contra o reloxo final de O Gran Camiño, cun tempo de 23:47. Así pois, o vixente campión do Tour de Francia pechou a súa participación na rolda galega con tres triunfos de etapa, a clasificación xeral e a de montaña. Unha auténtica exhibición do ciclista danés que dá mostra da súa calidade deportiva. Por parte do Concello de Ames asistiron á proba o alcalde, Blas García, e maila concelleira de Deportes, Susana Señorís, que cortaron a cinta inaugural da última etapa e tamén estiveron na entrega de premios instalada na praza do Obradoiro.

Jorge Pérez, do club ciclista amesán Os Esfola Arrós, proclámase campión galego da categoría máster 30 de ciclocrós

Jorge Pérez, ciclista do club ciclista amesán Os Esfola Arrós, vén de proclamarse campión galego da categoría máster 30 no campionato de Galicia disputado o pasado 7 de xaneiro no concello de Cambre. O campionato de Galicia supón o final de temporada na comunidade galega e nesta carreira decídese o campión de cada categoría. Jorge Pérez completou esta esixente proba chegando á liña de meta en primeira posición, o que lle valeu o título de campión galego da categoría máster 30.

Jorge Pérez, do club ciclista amesán Os Esfola Arrós, remata na décimo cuarta posición da categoría máster 30 do Open de España XCM

O club ciclista amesán Os Esfola Arrós competiu no Open de España XCM con Jorge Pérez, que participou na categoría de máster 30. Esta proba disputouse na cidade catalá de Cambrils o pasado domingo, 11 de abril. Jorge Pérez percorreu os 60 quilómetros dos que constaba a proba en 2 horas e 31 minutos, cunha media de 23.1 km/h. Completou unha gran proba rematando na décimo cuarta posición da categoría máster 30.

Jorge Puig e Nerea Castro, gañadores absolutos do VI Trail e Andaina Ribeiras do Tambre

Na xornada de onte, domingo 23 de febreiro, celebrouse a sexta edición do Trail e Andaina Ribeiras do Tambre, unha proba na que este ano se superaron amplamente as cifras de participación de edicións anteriores con 672 persoas inscritas. En canto aos gañadores, a primeira en cruzar a liña de meta na categoría absoluta feminina do trail longo foi Nerea Castro, cun tempo de 01:35:26, mentres que o primeiro posto na categoría masculina foi para Jorge Puig, que finalizou cunha marca de 01:17:23. Como novidade deste ano, a proba incluía o I Campionato Xunta de Galicia de Trail Running Preclassic, traendo a algúns dos mellores deportistas nesta disciplina. Eloy Martínez, participando como independente, acadou a vitoria na categoría masculina desta modalidade e, pola súa banda, Emma Méndez, de Atlética Lucense, conseguiu o primeiro posto na categoría feminina. Nos resultados por equipos, o Club Atletismo Cambados volveu a alzarse coa vitoria. Pódense consultar os resultados completos da proba na seguinte ligazón e acceder á galería completa de imaxes nesta outra ligazón.

Jorge Puig Malvar e Eva Piñel Lorenzo gañan a proba absoluta 10K da XXIII Carreira Pedestre Popular do Concello de Ames

O concello de Ames acolleu onte unha nova edición da carreira pedestre popular que se desenvolveu na localidade de Bertamiráns e a súa contorna. Na proba absoluta 10K masculina o gañador foi Jorge Puig, cun tempo de 32.24.Na segunda posición quedou Hugo García, cun tempo de 32.26, e terceiro foi Fernando Vales, cun tempo de 32.31. Na categoría feminina a gañadora foi Eva Piñel, cun tempo de 36.15. A segunda posición foi para Leticia Barbosa, cun tempo de 39.07, e na terceira posición quedou Ainoa Gontán, cun tempo de 39.54. Esta proba pertence ao X Circuíto provincial de carreiras populares da Deputación da Coruña. Premendo nesta ligazón podes consultar as clasificacións da carreira pedestre.

Jorge Sanmartín, do club amesán Sarela, participará na Copa de Europa de patinaxe artística

O patinador Jorge Sanmartín, do club de patinaxe Sarela, participará a primeira semana de novembro na Copa de Europa que se vai celebrar en Pula (Croacia). O amesán logrou clasificarse tras acadar a sexta praza no Campionato de España, que tivo lugar no mes de xullo en Parets (Cataluña). Trátase da primeira vez que un patinador dun club do concello de Ames chega a unha competición europea.

Juan Manuel Morales e Aldara Meilán gañan a proba absoluta do XXXIV Campionato Xunta de Galicia de marcha en ruta

A localidade do Milladoiro acolleu este domingo, 5 de febreiro, o XXXIV Campionato Xunta de Galicia masculino e feminino de marcha en ruta, que se disputou nun circuíto que discorre pola Travesía do Porto, rúa das Palmeiras, parte da avenida Muíño Vello e rúa dos Agriños. Esta proba estivo organizada pola Federación Galega de Atletismo e contou coa colaboración do Concello de Ames. Participaron 113 atletas con ficha da FGA. Participaron 17 atletas dos clubs locais de Ames (7 atletas do Ames Atletismo e 10 atletas do Club de Atletismo Millaraio). Cómpre destacar algúns dos resultados dos atletas dos clubs amesáns: Nicolás Collazo, do Ames Atletismo, foi cuarto na proba absoluta masculina e segundo na categoría sub18; Nadir Moreira, do Club de atletismo Millaraio, quedou en terceira posición na categoría sub 16 masculina; e Maica Jueguen Lago, do Ames Atletismo, foi cuarta na categoría W45. Preme nesta ligazón para acceder á galería de fotos desta proba.

Lucia Suárez, Lucia Dosil, Juan Manuel Villar e Igor Arce proclámanse campioas galegas, na categoría júnior, no campionato galego de natación de verán

As amesás Lucia Suárez e Lucia Dosil, así como os amesáns Juan Manuel Villar e Igor Arce, os/as catro do club de natación Ciudad de Santiago, proclamáronse xunto co resto dos seus compañeiros e compañeiras, campioas e campións galegas/os na categoría júnior. Ademais, na categoría feminina júnior, Lucia Suárez e Lucia Dosil tamén resultaron campioas galegas, e Igor Arce gañou 4 medallas de ouro, en categoría júnior, e 2 medallas de prata na categoría absoluta. Estes premios foron acadados no campionato galego de natación de verán absoluto, júnior e infantil, celebrado no pasado mes de xullo en Pontevedra.

Eventos del departamento

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo