Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.

Debido ás condicións meteorolóxicas previstas para esta fin de semana, queda adiada a actividade de Paintball do programa Trouleando prevista para este sábado. En base á dispoñibilidade da instalación, a nova data proposta para realizar a actividade é o 23 de marzo. As persoas apuntadas na actividade teñen ata o día 13 de marzo para comunicar ao departamento de Mocidade, a través do correo electrónico, o interese ou non en participar nesta nova data proposta. Se non se forma un grupo mínimo de 20 persoas ou as condicións meteorolóxicas volven a ser adversas, a actividade quedaría cancelada definitivamente.

Queda aprazada a andaina polo Mar de Ovellas programada para este domingo, 9 de marzo, debido ás condicións meteorolóxicas previstas para a xornada. A nova data para a actividade será o 5 de abril. Desde o departamento de Normalización Lingüística, poñeranse en contacto a través do correo electrónico con todas as persoas apuntadas na andaina para confirmar que manteñen o interese en participar ou non na nova data proposta. Manteranse os memos horarios para coller o autobús, sendo as 10.00 horas o horario para a Casa da Cultura do Milladoiro e as 10.15 horas diante do Pazo da Peregrina de Bertamiráns.