Este mes de marzo retómase a programación desta edición dos Encontros Literarios, coa presentación de "Ángeles de Santiago: Génesis" de Alba Sánchez. Ademais da autora da obra, estará presente durante a charla Mónica de Soto Alberto, profesora de filosofía. O encontro terá lugar o xoves 6 de marzo ás 20.00 horas no Pazo da Peregrina, en Bertamiráns. A entrada será libre ata completar aforo.

A Biblioteca municipal de Ames, con motivo do Día Mundial do Teatro que se conmemora o vindeiro 27 de marzo, presenta o obradoiro “Cinemakis”, dirixido para a rapazada a partir de 3º de primaria. A actividade desenvolverase o venres 21 de marzo no Milladoiro e o sábado 22 en Bertamiráns. O prazo de inscrición para participar estará aberto desde o 10 de marzo, ata o vindeiro martes día 18. Para participar, é previso enviar un correo electrónico ao enderezo biblioteca@concellodeames.gal indicando nome, apelidos, curso e idade das crianzas participantes xunto cun número de teléfono de contacto.

O departamento de Bibliotecas do Concello de Ames, dependente da Concellería de Cultura, Turismo, Axenda Urbana e Comunicación, presenta a súa programación de contacontos para os primeiros meses do ano e que, como vén sendo habitual, traerá ata as bibliotecas do Milladoiro e Bertamiráns as mellores historias para que os máis cativos de Ames poidan gozar da lectura. 

O departamento de Bibliotecas do Concello de Ames, dependente da Concellería de Cultura, Turismo, Axenda Urbana e Comunicación, presenta a súa programación de contacontos para os primeiros meses do ano e que, como vén sendo habitual, traerá ata as bibliotecas do Milladoiro e Bertamiráns as mellores historias para que os máis cativos de Ames poidan gozar da lectura.