Pestanas principais

Departamento de Radio Municipal e Comunicación

  • Departamento de Radio Municipal
    • Enderezo: Avenida da Maía, nº 22, Bertamiráns.
    • Ames Radio:
      • Teléfono: 981 890 452 – 662 37 74 13
      • Frecuencia de emisión: 107.2 da FM
    • Responsable municipal: Concellaría de Comunicación
    • Responsables técnicos: Nazaret López Rodríguez e Juan Luis Silva Regueira.
  • Departamento de comunicación
Outros Datos: 
  • Funcións:
    • Fornecer un servizo público de radiodifusión que fomente a información, o lecer, a formación e a participación dos veciños/as do Concello de Ames en todas as cuestións que afecten ao municipio, contribuíndo á creación dun espazo de comunicación local.
    • Poñer a disposición da veciñanza o espazo físico, o equipamento técnico e o persoal da radio municipal, para que poidan gravar e emitir os seus propios programas.
    • Informar á veciñanza da xestión do goberno municipal; da actividade cultural, deportiva, social, etc; así como do traballo que realizan as distintas asociacións municipais e clubs deportivos municipais.
    • Elaborar os contidos do xornal municipal gratuíto 94kmª, no que se abordan os temas de maior actualidade política e as actividades municipais nos 94 quilómetros cadrados do termo municipal.
  • Novas relacionadas
  • Axenda

Novas do departamento

Ames Radio abre unha nova canle de conexión coa veciñanza de Ames

A radio municipal de Ames pon en marcha unha nova canle de Facebook -Ames Radio- para seguir mantendo o contacto cos veciños e veciñas de Ames mentres duren estas circunstancias especiais. A través de vídeos, na meirande parte enviados polos propios veciños e veciñas do concello, a páxina amosará as angueiras e os sentires da poboación de Ames nestes tempos de confinamento, ao tempo ofrecerá información de servizo. Ames Radio fai un chamamento especial á veciñanza do concello para que se poñan en contacto coa emisora e conten as súas historias. Poden facelo a través do teléfono 662 377 413 e o enderezo electrónico radio@concellodeames.gal.

Ames Radio abre unha nova convocatoria de Radio Cidadá

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e até o día 21 de setembro enviando a ficha de solicitude ao correo electrónico radio@concellodeames.gal. Esta tempada, por mor da situación sanitaria que estamos padecendo, e aínda que nos proxectos poderán participar até cinco persoas, só poderán acudir á emisora dúas por programa, será obrigatorio o uso de máscara nas instalacións e o mantemento da distancia de seguridade. A emisora municipal pola súa banda garante as condicións hixiénico sanitarias nos procesos de gravación.

Ames Radio abre unha nova convocatoria de Radio Cidadá

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e até o día 30 de setembro enviando a ficha de solicitude ao correo electrónico radio@concellodeames.gal. Aceptaranse proxectos presentados por entidades, asociación ou persoas non empadroadas no concello sempre que as súas propostas resulten de interese para o municipio amesán ou estean protagonizadas por persoas residentes, nadas ou que traballen en Ames. Cada proxecto deberá ser presentado por unha persoa coordinadora que deberá ter un mínimo de 18 anos de idade. Pódense consultar todos os detalles nas bases que regulan a Radio Cidadá neste enlace.

Ames Radio abre unha nova convocatoria de Radio Cidadá

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e ata o día 13 de outubro enviando a ficha de solicitude ao correo electrónico radio@concellodeames.gal. Aceptaranse proxectos presentados por entidades, asociacións ou persoas non empadroadas no concello, sempre que as súas propostas resulten de interese para o municipio amesán ou estean protagonizadas por persoas residentes, nadas ou que traballen en Ames. Cada proxecto deberá ser presentado por unha persoa coordinadora que deberá ter un mínimo de 18 anos de idade. Pódense consultar todos os detalles nas bases que regulan a Radio Cidadá premendo nesta ligazón.

Ames Radio abre unha nova convocatoria de Radio Cidadá

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e ata o día 30 de setembro enviando o impreso de solicitude ao correo electrónico radio@concellodeames.gal. Aceptaranse proxectos presentados por entidades, asociacións ou persoas non empadroadas no concello, sempre que as súas propostas resulten de interese para o municipio amesán ou estean protagonizadas por persoas residentes, nadas ou que traballen en Ames. Cada proxecto deberá ser presentado por unha persoa coordinadora que deberá ter un mínimo de 18 anos de idade. Pódense consultar todos os detalles nas bases que regulan a Radio Cidadá premendo nesta ligazón.

Ames Radio comeza a emitir os quince programas do seu espazo de Radio Cidadá

A radio municipal de Ames, Ames Radio, comezou a emitir a mediados de novembro os programas enmarcados no proxecto Radio Cidadá, unha iniciativa que busca convidar á veciñanza a crear os seus propios espazos radiofónicos. Este ano hai quince programas, que formarán parte da grella de Ames Radio  ata mediados do próximo mes de xuño. Dez deles xa foron emitidos en edicións pasadas, pero cinco son de nova incorporación. Nos diversos espazos abórdanse temas como a música, economía, historia ou o benestar, entre outros.

Ames Radio emite información de servizo sobre a situación do Covid-19 (Coronavirus)

A radio municipal, Ames Radio, seguirá durante os días que dure o estado de alarma decretado polo goberno de estado, prestando un servizo público de información á veciñanza amesá. Deste xeito, emitirá cinco boletíns informativos ao longo do día (tres pola mañá e dous pola tarde) para achegar información municipal de relevancia provocada pola pandemia do Covid-19 (Coronavirus). A radio municipal pódese escoitar a través do 107.2 da FM ou a través da páxina web.

Ames Radio emitirá entrevistas con todos os gañadores da XV edición do Certame Literario

Os 18 gañadores das distintas categorías de narrativa e poesía serán entrevistados a partir do luns, 2 de novembro de 2020, polo xornalista Juan Luis Silva na radio municipal do concello. As conversas poderán escoitarse no 107.2 da FM ou a través da páxina web municipal entre as 12:30 e as 13:30 horas na revista informativa “Somos Ames” . O espazo poderá escoitarse tamén na remisión do programa das 20:30 horas. Paralelamente, a canle de Facebook da radio municipal emitirá vídeos dos textos premiados lidos polos propios autores e autoras.

Ames Radio emitiu os vídeos dos textos gañadores do XV Certame Literario na voz dos seus autores e autoras

Preto de 16.000 persoas alcanzadas e máis 3.000 interaccións tiveron os 16 vídeos que durante o mes de novembro emitiu a canle de facebook da radio municipal de Ames. Os autores e autoras premiadas na XV edición do Certame Literario de Ames puxéronse diante da cámara para compartir coa veciñanza os seus textos. Ademais, coincidindo co día no que se daba a coñecer cada obra na rede, o xornalista de Ames Radio, Juan Luís Silva, entrevistou no magazine local “Somos Ames” aos galardoados e galardoadas. Todos os vídeos pódense ver na canle de facebook de Ames Radio.

Ames Radio organiza este martes, 16 de maio, un debate entre seis dos sete candidatos/as á alcaldía do Concello de Ames

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza este martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames. O debate será aberto ao público en xeral. O candidato de Unión de Cidadáns Independentes (UCIN) declinou a invitación de Ames Radio a participar no mesmo.

Eventos del departamento

> Debate electoral

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza o martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames e da páxina web da radio. O debate será aberto ao público en xeral.