No pasado mes de xaneiro realizáronse dúas sesións de formación para a dinamización da Mesa Local de Coordinación Interinstitucional contra a Violencia de Xénero baixo a coordinación da Consellería de Política Social e Igualdade. Desta maneira, prosegue o funcionamento deste grupo de traballo que se creou no ano 2016 e no que están representados todos os ámbitos implicados directa ou indirectamente na loita contra a violencia de xénero.

Este domingo tivo lugar a estrea do Calo Genuine, o novo equipo da S.R. de Calo de persoas con diversidade funcional no que participan algúns dos mozos e mozas do Club de mocidade con diversidade de Ames e de Arcea-Adames. Este proxecto nace da colaboración da S.R. Calo cos Concello de Ames e Teo no seu compromiso pola integración das persoas con diversidade.

A Xunta de Goberno Local vén de aprobar, o pasado 26 de decembro, a concesión de axudas, por importe de 21.145,18 euros, a 13 entidades de iniciativa social sen ánimo de lucro, para a promoción de actividades de servizos comunitarios e inclusión social, correspondentes ao segundo semestre do exercicio 2024. Previamente, na Xunta de Goberno Local do 24 de outubro aprobáronse as axudas do primeiro semestre do exercicio 2024, por un importe de 22.191,10 euros, a 9 entidades  de iniciativa social sen ánimo de lucro. En total, concedéronse 43.336,28 euros para promover actividades complementarias aos servizos sociais, que favorezan a inclusión, a saúde pública ou a formación laboral.

A Xunta de Goberno Local vén de aprobar este pasado 28 de novembro a concesión de axudas para as familias numerosas do Concello de Ames. Deste xeito, aprobouse a concesión de 86.400 euros entre 72 familias. A axuda consiste nun pagamento único de 1.200 euros por unidade de convivencia. Á subvención puideron optar as familias numerosas que teñen a súa residencia habitual en Ames ou de maneira ininterrompida desde hai polo menos un ano.