Actualidade
Martes, 17 de agosto de 2021
O risco de incendio forestal en Ames sitúase por riba do 81% segundo a Consellaría de Medio Rural. O tempo seco das últimas semanas e o vento fan que o concello de Ames estea en risco extremo de incendio forestal. Recórdase aos veciños/as a prohibición de realizar queimas nesta época do ano. Pídese, ademais, a colaboración da cidadanía, se ven fume ou lume deben chamar ao 085 ou a Protección Civil no teléfono 673178888.
Martes, 13 de xullo de 2021
O concelleiro de Transición Ecolóxica, Manuel Lens, presentou esta mañá no Pazo de Peregrina o Plan de Incendios para o ano 2021 do Concello de Ames. O Plan determina a categoría dos lumes segundo a súa gravidade, contempla os pasos que se deberán dar en cada un dos casos, recolle o inventario de medios propios e concertados dos que dispón o concello, fai un resumo da loxística que se debe seguir e reúne os contactos e teléfonos das persoas e grupos involucrados nesta loita contra o lume.
Mércores, 07 de xullo de 2021
A Aula da Natureza do Concello de Ames organizou para o vindeiro sábado, 10 de xullo, unha visita á Costa Ártabra. Para inscribirse hai que enviar un correo electrónico ao enderezo auladanatureza@concellodeames.gal.
Sábado, 26 de xuño de 2021
A Xunta de Goberno Local vén de aprobar o expediente de licitación das obras de instalación e montaxe dos elementos descritos no proxecto de mellora da eficiencia enerxética do alumeado do rural. O importe total da licitación é de 1.230.667 euros (IVE incluído) que van ser cofinanciados polo programa operativo FEDER de crecemento sostible e polo Concello de Ames.
Venres, 04 de xuño de 2021
Xa está todo listo para celebrar a Festa da Natureza na Pravia Fluvial de Tapia o sábado 5 de xuño. A xornada dará comezo, ás 10.00 horas cunha ruta polo Val do Pasos. Para inscribirse débese enviar a un email a auladanatureza@concellodeames.gal. Como acto conmemorativo, realizaras unha solta de alevíns de troitas no río Tambre. Haberá unha xornada de portas abertas de piragüismo, xogos tradicionais e unha gran xincana. Dentro da feira levarase a cabo un encontro intercultural. Durante toda a xornada estarán abertas as mostras de maquinaria e plantas forestais. A xornada rematará ás 18.00 horas coa actuación musical de "Colt 45". Para máis información, pódese enviar un correo electrónico ao enderezo auladanatureza@concellodeames.gal ou chamando ao 660 004 665. A festa está organizada pola Concellaría de Medio Ambiente e Transición Ecolóxica en colaboración coas de Deportes e Benestar Social. Haberá servizo de autobuses dende o Milladoiro e Bertamiráns ata a Praia Fluvial de Tapia, e viceversa.
Xoves, 03 de xuño de 2021
Como acto conmemorativo do Día Internacional do Medio Ambiente, a USC organizou a exposición do traballo “Dende o Pedroso ao Monte San Marcos: Caracterización da paisaxe e percepción da veciñanza, propiedades e visitantes sobre os seus posibles usos”. O evento terá lugar na Casa da Cultura de Bertamiráns, o venres 4 de xuño, de 18.30 a 20.00 horas.
Martes, 01 de xuño de 2021
O Concello de Ames, a través da Aula da Natureza, vén de organizar unha xornada para celebrar o Día Internacional do Medio Ambiente. As actividades comezarán ás 10.00 cunha ruta polo Val do Pasos. Para inscribirse débese enviar a un email a auladanatureza@concellodeames.gal. Durante todo o sábado haberá unha actividade de piragüismo, xogos tradicionais e unha gran xincana. Ademais, levarase a cabo un encontro intercultural entre a veciñanza de Ames e unha solta de alevís de troitas no río Tambre como acto conmemorativo. Durante toda a xornada estarán abertas as mostras de maquinaria e plantas forestais. A xornada rematará ás 18.00 cunha actuación musical. Para máis información, pódese enviar un correo electrónico ao enderezo auladanatureza@concellodeames.gal ou chamando ao 660 004 665.
Xoves, 27 de maio de 2021
Acaban de rematar os traballos de instalación dun sistema de aerotermia na oficina municipal de Urbanismo e Policía Local do Concello de Ames. Este proxecto está cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. Dito contrato foi adxudicado á empresa Climatega SLU por un importe de 34.323,61 euros.
Xoves, 27 de maio de 2021
A rapazada, xunto coa directora do CEIP, Carmen Liñares, e o concelleiro de Medio Ambiente e Turismo, Manuel Lens, fixo un dos tramos do Camiño da Ría de Muros-Noia. Durante a mañá, o grupo saíu de O Santo para chegar á Catedral de Santiago ás 13.30 horas. Na excursión luciron unha camiseta deseñada por todo/as ele/as nas que se podía ler o lema, tamén creado polo/s cativo/as: “ Día a día facemos o Camiño da Ría”. A actividade forma parte dun estudo sobre as Rutas Xacobeas que o/as alumno/as levan realizado durante todo o curso.
Mércores, 19 de maio de 2021
O Concello de Ames, a través da Concellaría de Transición Ecolóxica e Medio Ambiente, lembra que os/as propietarios/as de terreos forestais que estean incluídos nas faixas de especial protección de núcleos, teñen ata o 31 de maio para realizar traballos de limpeza nestas fincas. O Concello publicou un bando no que se fai un recordatorio das obrigas dos responsables de terreos forestais contemplados na Lei 3/2007 de prevención de incendios forestais de Galicia modificadas pola Lei de 7/2012 de montes de Galicia.
- ‹ anterior
- 16 de 23
- seguinte ›