Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.

Premendo nas ligazóns que están ao pé deste aviso pódense obter os menús do Xuño Lúdico 2024 (almorzo e xantar). Estes menús foron elaborados pola nutricionista municipal do Concello de Ames.

O Concello de Ames, a través da Concellaría de Educación, informa da publicación das listaxes de preinscricións admitidas e excluídas nos servizos de Bos Días Cole, comedor e Tardes Divertidas para o curso 2024-2025. As solicitudes admitidas deberán formalizar a matrícula entre o 26 de xuño e o 8 de xullo de 2024. Ao pé deste aviso adxúntanse as listaxes de prescricións admitidas e excluídas nos servizos Bos Días Cole (todos os centros), Tardes Divertidas (todos os centros) e comedor (todos os centros, excento o CEP de Ventín). No CEP de Ventín non se indica os admitidos/excluídos ata coñecer os espazos dispoñibles para o servizo. No caso das solicitudes pendentes de asignación e das solicitudes para o comedor de Ventín, avisarase individualmente á familia para formalizar a matrícula no caso de ser admitidos

Debido á celebración da fase de preselección do concurso Baila con Ames, o Concello de Ames informa da prohibición de estacionamento nas 8 prazas situadas no lateral do aparcadoiro da Casa da Cultura do Milladoiro, que están próximas á pista deportiva de baloncesto (tal e como se amosa no bando informativo). Tamén queda prohibido o uso das pistas deportivas de baloncesto e fútbol sala que están xunto á Casa da Cultura do Milladoiro. Ditas prohibicións estarán vixentes de 10.00 a 23.00 horas o venres 21 de xuño.