Dende o Concello infórmase do peche da pista de fútbol sala situada na Travesía do Porto, no Milladoiro, o xoves 20 de xuño, por mor do concerto de fin de curso da Escola Municipal de Música de Ames. Polo tanto, queda prohibido o seu uso desde as 16:00 horas do mércores 19 de xuño ata as 14:00 horas do venres 21 de xuño.

Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.

Desde o departamento de Educación fanse públicas as listaxes provisionais da Escola de Verán 2024. Nesta ocasión, as listaxes que se publican non clasifican as solicitudes como admitidas e excluídas, xa que as mesmas superan o número de prazas establecidas. As listaxes están dispoñibles ao pé deste aviso.

Dende o departamento de Xuventude comunican que, ante a previsión meteorolóxica para este sábado, adíase o Trouleando Aquapark desta fin de semana. Debido á dispoñibilidade da monitoraxe ofértase unha única nova data para esta actividade, que será o luns 15 DE XULLO nos mesmos horarios. Todas as persoas admitidas ao trouleando Aquapark, que NON poidan ir nesta nova data deben comunicalo enviando un correo electrónico a xuventude@concellodeames.gal antes do 5 de xullo, para poder ofrecer a praza a outra persoa da lista de agarda. Pola contra, as persoas admitidas que si poidan ir nesta nova data, non é preciso que envíen nada.