Pestanas principais

Departamento de Benestar Social

    • Unidade Municipal de Servizos Sociais de Bertamiráns (UTS BERTAMIRÁNS): Praza de Chavián s/n, Bertamiráns, 15220 - Ames (A Coruña)
      • Teléfono:  981 89 09 64
      • Horario de atención ao público Lunes a viernes de 9:00h a 14:00h
    • Unidade Municipal de Servizos Sociais do Milladoiro (UTS MILLADOIRO): Rúa de Abaixo, nº 10, O Milladoiro, 15895 - A Coruña
      • Teléfono:981 53 59 41
      • Horario de atención ao público Lunes a viernes de 9:00h a 14:00h
    • Responsable municipal: Concellaría de Benestar Social
Outros Datos: 
  • Programación actividades Amessan 2020-2021
  • Estrutura do servizo:
    UTS : Milladoiro e Bertamiráns
    As UTS ou Unidades de Traballo Social son a "porta de entrada" ao Sistema de Servizos Sociais e ofrecen un Servizo de Información público, para toda a poboación, desde onde se facilita de forma profesional e confidencial, información sobre os servizos sociais, recursos e prestacións a disposición das cidadás e cidadáns, así como os dereitos que teñen tanto a nivel individual como grupal.
  • Funcións
    Nelas valóranse as necesidades, oriéntase aos recursos máis axeitados, e intervense cando as persoas así o demandan, cara a garantir unha atención persoal e social de calidade, ofrecendo:
    • Información , valoración, diagnóstico e orientación  en canto a  dereitos, recursos e intervencións sociais.
    • Xestión do Servizo de Axuda no Fogar, Xantar na Casa, Fogar de tránsito, Programa de alimentos, Renda Básica Municipal, axudas de  emerxencia social.
    • Actuacións preventivas das situacións de risco e necesidade social do conxunto da poboación, intervindo para acadar a integración social.
  • Novas relacionadas
  • Axenda

Novas do departamento

17 Asociacións participarán na I Feira da Saúde e Ben-Estar de Ames que se celebra esta fin de semana no Pazo da Peregrina

“A saúde como moito máis que ausencia de enfermidade”. Con esta filosofía nace a I Feira da Saúde e Ben-estar de Ames que esta fin de semana congregará no Pazo da Peregrina actividades ao aire libre, deporte, xogos, unha exposición, a proxeccións de documentais e relatorios relacionados con distintos aspectos da saúde e o benestar. O evento está organizado pola concellaría de Sanidade como colofón á Semana da Saúde que estes días se desenvolve no concello. Conta co apoio de 17 asociacións e no programa inclúense actividades para a infancia, para os/as adultos/as e algunhas nas que pode participar toda a familia. Podes consultar aquí os horarios dos faladoiros e mailo programa de actividades da Feira da Saúde e Ben-Estar.

17 entidades e 13 nacionalidades participarán na II Feira do voluntariado e no Encontro intercultural de Ames

O Pazo da Peregrina acollerá este sábado, 1 de outubro, de 10.00 a 19.00 horas, a segunda edición da Feira do voluntariado “Sementando Voluntariado” que este ano inclúe dentro da súa programación o Encontro intercultural de Ames. Na Feira participarán 17 entidades relacionadas con diferentes ámbitos do voluntariado como son o sanitario, cooperación internacional, inmigración... Ao longo do día haberá un amplo abano de actividades: mesa redonda, charla-coloquio, xogos, mostra fotográfica, actuación musical, etc. O Encontro intercultural celebrarase de 14.00 a 16.00 horas, coincidindo co horario do xantar. Poderanse degustar pratos típicos elaborados por persoas de 13 nacionalidades diferentes.

29 nenas e nenos amesás levan as súas propostas ao primeiro foro de participación infantil

Este pasado luns 31 de xaneiro, vinte e nove rapaces e rapazas dos centros escolares de Ventín, Agro do Muíño, Barouta e A Maía reuníronse por primeira vez no foro de participación infantil de Ames. Tratouse dunha xuntanza previa á celebración do Consello Sectorial de Nenas e Nenos, na que se propuxeron ideas e actividades para debater no seu próximo pleno, que terá lugar o mércores 16 de febreiro.

32 nenas e nenos de Tardes divertidas da EEI Milladoiro participan nunha andaina do programa SaúdeAndo

O Concello de Ames, a través da Concellaría de Promoción da Saúde, está desenvolvendo dende o pasado mes de xaneiro o programa de andainas saudables “SaúdeAndo”, que se realiza todos os xoves pola tarde dende os centros de saúde de Bertamiráns e do Milladoiro. Nesta ocasión sumou a esta iniciativa ao alumnado que participa no programa Tardes divertidas da EEI Milladoiro. A través deste tipo de actividades trátase de fomentar a práctica deportiva e mailos hábitos saudables entre os nenos e nenas.

33 integrantes de Special Olympics Galicia percorreron un dos tramos da ruta do Camiño Real de Santiago a Fisterra e Muxía

Un grupo de 33 persoas de Special Olympics Galicia percorreron este mes de novembro un tramo de 6 quilómetros da ruta do Camiño Real de Santiago a Fisterra e Muxía. Esta saída incluíu un percorrido entre os concellos coruñeses de Ames e Negreira, no que tamén participaron a concelleira de Benestar Social, Uxía García, e maila concelleira de Promoción Económica e Emprego, Ana Belén Paz. Trátase dunha proposta que se enmarca dentro da oferta de ocio e familia de Special Olympics Galicia e que conta co apoio da Consellería de Política Social e Igualdade da Xunta de Galicia.

40 mulleres de Ames participan no programa Em-Femenino e nun curso de repoñedora de grandes superficies

O salón de actos da Casa de Cultura do Milladoiro acolleu a entrega de diplomas do programa Em-Femenino e do curso de repoñedora de grandes superficies. Estas accións formativas contaron coa participación de preto de 40 mulleres, pero non todas puideron asistir a entrega de diplomas. O programa Em-Femenino consistiu nun itinerario personalizado para adaptar as habilidades de cada unha das participantes para para a busca activa de emprego, dirixido a promover a igualdade de oportunidades para mulleres que por razóns vinculadas co seu xénero, procedencia, etc. teñen maiores dificultades no acceso ao mercado de traballo. Ademais, participaron nun curso de repoñedora de grandes superficies.

50 familias de Ames benefícianse das axudas do Concello para familias numerosas con menos recursos

A Xunta de Goberno Local aprobou este xoves 21 de outubro a concesión das axudas destinadas ao apoio das familias numerosas do Concello de Ames, que ascende a un total de 60.000 euros repartidos entre 50 familias. As axudas consisten nun único pagamento por unidade familiar de 1.200 euros. Optaron a estas subvencións familias numerosas que leven ao menos un ano de antigüidade sen interrupción coa súa residencia habitual no municipio amesán, e que cumpran cos requisitos de renda e débeda coas administracións tributarias.

53 persoas participaron na andaina saudable que discorreu polo último tramo do Camiño Portugués

Este pasado venres, 6 de setembro, as Concellarías de Sanidade e Turismo do Concello de Ames organizaron unha andaina saudable polo último tramo do Camiño Portugués. Nesta actividade participaron 53 persoas que saíron dende a Casa da Cultura do Milladoiro e remataron na praza do Obradoiro, en Santiago de Compostela. Unha vez rematada a andaina realizouse unha actividade de mindfulness con Biodanza na praza do Obradoiro. A esta actividade sumáronse varias persoas que se atopaban nese momento na praza do Obradoiro.

80 persoas participaron da "Andaina polo Samaín" organizada pola concellaría de Benestar e Promoción da Saúde

A pantasma do antigo morador e dunha vella criada do Pazo da Peregrina, un verme de luz de grandes dimensións, un espantallo e unha cabaza xigante foron algunhas das sorpresas coas que se atoparon os camiñantes ao longo do traxecto de oito quilómetros que a concellaría de Benestar e Promoción da Saúde preparou como roteiro co gallo da celebración do Samaín. A actividade, dirixida ás familias, foi teatralizada pola compañía “Os Quinquilláns” e contou coa participación dos músicos de Sarela que animaron aos/ás asistentes a cantar con eles cancións populares. 

A Concellaría de Benestar Social organiza catro excursións para os usuarios/as do servizo de axuda no fogar

Quince usuarios e usuarias do servizo de axuda no fogar do Concello de Ames van poder desfrutar de catro excursións ao longo dos meses de xuño, setembro, outubro e novembro. A actividade está organizada pola Concellaría de Benestar Social do Concello de Ames.

Eventos del departamento

> 25N | Teatro Forum “¿Esto es amor?” no Milladoiro

A Casa da Cultura do Milladoiro acolle hoxe, 20 de novembro, ás 20:30 horas, a obra de Teatro “¿Esto es amor?” da Compañía Psíare. A actividade, que se desenvolverá a modo de Teatro-Forum, encádrase no programa “NIN SERVIL, NIN CALADA, LIBRE” co que o Concello de Ames conmemora o Día Internacional da eliminación da violencia contra a muller.

A actividade é de balde e as entradas xa se poden retirar na billeteira municipal.

> 25N | Teatro: “Golpes”

No marco da  conmemoración do Día Internacional da eliminación da violencia contra a muller 2021, a Concellaría de Igualdade organiza a representación de “Golpes”. A obra porase en escena o día 24 de novembro, ás 13:00 horas, na Casa de Cultura de Bertamiráns. 

> 25N | Videoforum: "En Deuda con Todas"

O Pazo da Peregrina de Bertamiráns acolle a proxección de “En Deuda con Todas”, un documental estreado no ano 2019 pola organización sen ánimo de lucro galega AGARESO, que trata en detalle as repercusións da penalización do aborto en El Salvador. O evento, que inclúe unha exposición inicial da actualidade do país centroamericano, o visionado do filme e un debate posterior, terá lugar este venres 3 de decembro ás 20:00 horas. A actividade, promovida pola Concellaría de Benestar Social e Igualdade, chega despois da recepción institucional á activista salvadoreña Morena Herrera no mes de outubro, no que pediu ao Concello de Ames que informara á sociedade de situacións como a do seu país, no que o aborto é fortemente penado.

> 8M | Acto institucional e ruta guiada 8M

O martes 8 de marzo, Día Internacional da Muller, o Concello de Ames celebrará un acto institucional na Praza do Concello, en Bertamiráns, ás 17:30 horas. Ao rematar a homenaxe, realizarase a ruta urbana 8M, un percorrido polas zonas verdes de Bertamiráns na que se destacan as historias de mulleres que loitaron pola igualdade. A programación completa do 8M pode consultarse premendo nesta ligazón.

> 8M | Carreira "Moitos camiños, mesma meta"

O parque do Ameneiral acollerá a carreira de obstáculos “Moitos camiños, mesma meta”, que volve despois dunha primeira edición en 2020 cunha gran acollida. O percorrido busca mostrar dun xeito lúdico e familiar as trabas as que as mulleres se enfrontan a diario. A cita, organizada pola Concellaría de Igualdade, terá lugar o venres 18 de marzo, ás 17:30 horas, no propio Ameneiral, en Bertamiráns. As inscricións, de balde, poderán realizarse ata o xoves 17 ás 14:00 horas, acudindo presencialmente ás oficinas dos Servizos Sociais do Concello, ou ben en liña premendo nesta ligazón. A actividade forma parte dos actos do 8M en Ames.

> 8M | Xornadas "Acércate", con Lola Vendetta

O sábado 5 recupéranse as xornadas de igualdade e prevención da violencia de xénero en Ames, “Acércate”, que organiza a Concellaría de Igualdade,  e que acadan este ano a súa XI edición. Orixinalmente programadas para comezos de decembro, celebraranse na Casa da Cultura de Bertamiráns de 10:00 a 14:00 horas, coa presenza da debuxante, escritora e música Lola Vendetta. A programación completa do 8M pode consultarse premendo nesta ligazón.

> A Unidade de Doazón de Sangue en Bertamiráns

A Unidade de Doazón de Sangue en Bertamiráns
Este xoves 30 de xullo, a Unidade de Doazón de Sangue estará en Bertamiráns  en horario de tarde. Situarase na Avenida da Maia, fronte a praza da Maía.
O horario é o seguinte:
Tarde: Desde as 15:30 até as  21:00 horas.

> A Unidade de Doazón de Sangue en Milladoiro e en Bertamiráns

Este xoves, 30 de xullo, a Unidade de Doazón de Sangue estará no Milladoiro e en Bertamiráns:
Milladoiro:
Situarase na Rúa Curuxa, esquina Avenida Rosalía de Castro.
Horario:
Mañá: Desde as 9:00 até as 14:30
Tarde: Desde as 15:30 até as  21:00 horas.
Bertamiráns:
Situarase na Avenida da Maia, fronte a praza da Maía.
Horario:
Tarde; entre as 15:30 e as 21:00

> Actividades de mantemento físico polo Mes da Saúde

Como parte do programa do Mes da Saúde, do 19 ao 22 de abril programáronse unha serie de catro actividades de mantemento físico que se desenvolverán na zona exterior do Pazo da Peregrina, en Bertamiráns. Para participar nestas propostas hai que inscribirse previamente enviando un correo electrónico ao enderezo promociondasaude@concellodeames.gal. Preme aquí para consultar o itinerario do Mes da Saúde ao completo.

> Acto institucional polo Día internacional da eliminación da violencia contra a muller

O venres 25 de novembro terá lugar o acto institucional polo Día internacional da eliminación da violencia contra a muller. Será no Pazo da Peregrina de Bertamiráns, ás 17:00 horas. Haberá unha charla informativa sobre violencias e agresións sexuais e repartirase material da campaña “Que o meu machismo non se converta no teu problema”. Ademais, lerase o manifesto institucional e ofrecerase unha actuación e unha performance da man da Escola Municipal de Música de Ames (EMMA).