Pestanas principais

Escola Municipal de Música

    • Enderezo: Casa da Cultura do Milladoiro. Travesía do Porto s/n. 15895. O Milladoiro
    • Teléfono: 981 535 940
    • Responsable técnico:  Almudena Caamaño Rodríguez, animadora sociocultural
    • Responsable Municipal:  Concellaría de Cultura
    • Enderezo (onde se imparten as clases da Escola Municipal de Música de Ames)
      • Edificio Multiusos de Aldeanova Rúa Costaneira 15220 – Ortoño- Ames
    • Destinatarios/as: Persoas empadroadas en Ames de 4 anos en diante
    • Horario de atención ao público:
      • Escola de Música: 9:30 a 13:30 horas
Outros Datos: 
  • Funcións:
    • Fomentar desde a infancia o coñecemento e apreciación da música, iniciando aos nenos e nenas desde os 4 anos de idade, na súa aprendizaxe, procurando que a Escola funcione como un centro educativo-cultural no que se realicen actividades relacionadas co mundo musical e outras disciplinas non comprendidas directamente na docencia: concertos, audicións, conferencias, presentacións de discos, libros, etc.
    • Desenvolver unha ensinanza instrumental orientada tanto á práctica individual como á práctica de conxunto.
    • Proporcionar unha ensinanza musical complementaria á práctica instrumental.
    • Fomentar nos alumnos/as o interese pola participación en agrupacións vocais e instrumentais.
    • Organizar actuacións públicas e participar en actividades musicais de carácter afeccionado.
    •  Desenvolver unha oferta diversificada de educación musical, sen límite de idade. A difusión xeral da música e da danza en todas as súas formas e estilos co fin de crear en Ames  un clima artístico participativo e dinámico no cal se desenvolva e fomente a creatividade
    • Orientar e proporcionar unha formación máis profunda a aqueles alumnos que pola súa capacidade e interese teñan condicións e vontade de acceder ao centro de ensinanzas musicais e de danza regradas.
  • Disciplinas:
    • Música e movemento
      Este ámbito formativo está dirixido exclusivamente ao alumnado de idades comprendidas entre os 4 e os 6 anos (cumpridos no ano natural do inicio do curso escolar), co fin de atender, con tratamento pedagóxico específico, o descubrimento e desenvolvemento das capacidades  expresivas, musicais e motrices, que permitan posteriormente a elección de un instrumento e unha práctica gozosa e convincente de ambas actividades artísticas.
      A duración das clases será de unha hora dous días á semana con un máximo de 12 alumnos/as por grupo. O número mínimo de alumnado será de 4. Os alumnos/as agruparanse en función do ano de nacemento.
    • Práctica Instrumental /vocal
      De acordo cos obxectivos xerais da EMMA, o ensino dun instrumento deberá motivar e desenvolver a afección pola música como fenómeno artístico e medio de comunicación persoal así como ocuparse dos procesos que permitan o estímulo e desenvolvemento conxunto das destrezas técnicas e das capacidades expresivas necesarias para o cultivo da práctica interpretativa individual e en grupo.
      Dirixido a maiores de 7 anos (cumpridos no ano do inicio do curso escolar) sen límite de idade, impártense clases individuais de media hora á semana (30 minutos). Os instrumentos aos que poden optar son: piano, violín/viola, frauta traveseira, saxofón, percusión/batería e guitarra. Tamén impartiranse clases de canto moderno e realizaranse as combinacións de agrupacións musicais, compatibles coa práctica instrumental individualizada. As clases para agrupación organizaranse anualmente en función da dispoñibilidade horaria do profesorado, tendo unha duración estimada de 45 minutos.
      Nestas agrupacións poderán participar aqueles alumnos/as matriculados na escola, previa consulta co profesor/a correspondente, ou mediante proba de acceso.
      O desenvolvemento de todos os instrumentos dependerá do número de usuarios/as matriculados anualmente, establecido pola Concellaría de Cultura en función das necesidades de espazo, capacidade e sustentabilidade económica do servizo. Só se poderá escoller un instrumento por curso.
    • Formación musical complementaria á práctica instrumental
      Este ámbito ofrecerá aos alumnos maiores de 7 anos (cumpridos no ano do inicio do curso escolar) un ensino que permita profundizar no coñecemento da linguaxe e teoría musical así como no desenvolvemento da educación auditiva, ofrecendo unha aprendizaxe de solfexo necesario para o estudo do instrumento, desenvolvemento das capacidades vocais, rítmicas, auditivas e expresivas.
      Esta materia de Linguaxe musical, impártese en dúas franxas de idade distintas: por un lado Linguaxe Musical para nenos/as dende os 7 anos ata a adolescencia e, por outro lado, Linguaxe Musical para adultos.
      As sesións serán dunha hora semanal, con grupos de 12 alumnos/as como máximo e  4 alumnos/as como mínimo, dependendo das idades.

Novas do departamento

Este sábado a música clásica chega á Casa da Cultura de Bertamiráns

Este sábado, 19 de outubro, ás 19:00 horas, terá lugar no auditorio da Casa da Cultura de Bertamiráns o concerto de música clásica “En clave clásica”. A velada contará coa interpretación e dirección dos artistas do Centro Superior de Música de Galicia, tutelados polo mestre Boris Perrenoud, director da Wiener Musikakademie. Os convites poden retirarse a través da Billeteira electrónica.

Inscríbete nos obradoiros musicais de maio que organiza a Escola Municipal de Música de Ames

A Escola Municipal de Música de Ames organizou para os meses de abril e maio catro obradoiros musicais de carácter introdutivo, destinados a persoas de máis de 8 anos e cunha oferta variada e diversa de xéneros e disciplinas. Deste xeito, no pasado mes de abril impartíronse dous obradoiros musicais de beatbox e música tradicional. Agora para o mes de maio hai outros dous obradoiros programados, para os que aínda quedan algunhas prazas libres. O sábado 7 de maio impartirase un obradoiro de canto moderno e o sábado 21 haberá un taller de música afrocubana. Os dous obradoiros realízanse en horario de 11:00 a 13:00 horas e teñen un custe de 10 euros. Para participar cómpre enviar esta ficha de inscrición a escolademusica@concellodeames.gal.

O 15 de xuño ábrese o prazo de renovación na Escola Municipal de Música de Ames para o alumnado que xa estivo matriculado neste curso

A Escola Municipal de Música de Ames abrirá o prazo de renovación de prazas para o curso 2020-2021 do 15 ao 30 de xuño.  Este primeiro prazo de inscrición está orientado, exclusivamente, ás alumnas e alumnos da Escola para a continuación dos seus estudos. Debido ás circunstancias xa coñecidas, a renovación realizarase preferiblemente a través da sede electrónica do concello. Pódese descargar o formulario de solicitude de renovación de praza ao pé desta nova.

O alcalde e a concelleira de Cultura visitan as instalacións da Escola Municipal de Música de Ames

O alcalde de Ames, Blas García, e maila concelleira de Cultura, Natividade González, acompañados da directora da EMMA, Pilar Martínez, visitaron as instalacións da Escola Municipal de Música de Ames que están situadas no Centro de usos múltiples de Aldea Nova. Alí conversaron co alumnado e co profesorado da Escola e interesáronse polo seu funcionamento durante o curso actual. Na actualidade a EMMA conta con 9 profesores/as e hai matriculados 180 alumnos/as. As actividades da Escola están dirixidas a persoas empadroadas en Ames de 4 anos en diante. Nos últimos anos realizáronse varias melloras nas aulas da Escola e adquiriuse novo material. Ademais, no pasado mes de decembro o Concello adquiriu o edificio do Centro de usos múltiples de Aldea Nova o que permitirá dispoñer de dito espazo con maior liberdade co obxectivo de ampliar e mellorar a Escola de musica.

O alumnado da EMMA participará en cinco audicións abertas ao público antes dos festivais de Entroido

O alumnado da Escola Municipal de Música celebrará entre o vindeiro mércores, día 31, e xoves 8 de febreiro, unha serie de cinco audicións nas que amosarán os coñecementos adquiridos durante o primeiro semestre de clases. Deste xeito, o alumnado de guitarra, percusión, saxofón, piano, canto e frauta poderá compartir unhas xornadas festivas con compañeiros, amizades e familiares, previas aos concertos de Entroido. As audicións terán lugar nas propias instalacións da EMMA, en Aldea Nova, a partir das 17:30 horas.

O alumnado da Escola Municipal de Música de Ames felicita o Nadal a través da canle de YouTube do Concello de Ames

O alumnado da Escola Municipal de Música de Ames gravou varias cancións de Nadal para felicitar o Nadal. Debido ás medidas de restrición pola Covid, este ano non se celebrou o tradicional concerto de Nadal. Por iso os profesores/as e alumnos/as da EMMA realizaron o pasado venres, 18 e decembro, unha gravación de diferentes temas de Nadal que comparten agora con toda veciñanza a través da canle de YouTube do Concello.

O alumnado da Escola Municipal de Música de Ames grávase interpretando diferentes pezas musicais

Durante as últimas semanas o alumnado da Escola Municipal de Música de Ames gravou seis vídeos. Na actividade participaron dous grupos de violín, con colaboracións de frautas, un de música e de movementos, o alumando de saxofón, de canto e de combos. As pezas poden ser vistas por toda a veciñanza a través da canle de YouTube do Concello. 

O auditorio do Milladoiro acollerá o vindeiro 15 de febreiro un concerto de música clásica

O vindeiro sábado 15 de febreiro, ás 19.00 horas, o auditorio da Casa da Cultura do Milladoiro acollerá o concerto de música clásica “En clave clásica”. O espectáculo estará interpretado e dirixido polos artistas do Centro Superior de Música de Galicia, tutelados polo mestre Boris Perrenoud, director da Wiener Músikakademie. Os convites poden retirarse na Billeteira electrónica do Concello de Ames.

Preséntase a batería de actividades programadas pola EMMA para o primeiro semestre do ano

Onte foi presentada a programación de actividades que levará a cabo o alumnado da Escola Municipal de Música de Ames (EMMA) entre os meses de febreiro e xuño, nun acto no que participaron a directora do centro, Pilar Martínez, e a concelleira de Cultura, Natividade González. Entre as actividades inclúense audicións, concertos, obradoiros, conmemoracións, unha xuntanza con outras escolas de música e o festival de fin de curso.

Preto de 60 alumnos e alumnas da EMMA participarán en catro audicións previas ao festival de Entroido

O alumnado da Escola Municipal de Música de Ames celebra do martes 15 ao xoves 24 de febreiro catro audicións previas ao seu festival de Entroido, que terá lugar o día 25. A meirande parte dos alumnos e alumnas de saxofón, percusión, guitarra e canto moderno demostrarán a familiares, amizades e compañeiras o aprendido nas clases, xa que unha parte deles non poderá participar no festival. As audicións terán lugar no corredor de central da EMMA en horario de tarde, a partir das 18:00 horas.

Eventos del departamento

>Obradoiro Batucada da EMMA

A Escola Municipal de Música de Ames continúa coa súa programación de actividades enmarcadas dentro da celebración do 20º aniversario da escola. Desta volta, coa realización dun obradoiro de batucada que se desenvolverá ao longo dos días 15, 22 e 29 de marzo, en horario de 11.00 a 13.00 horas.

>Obradoiro Batucada da EMMA

A Escola Municipal de Música de Ames continúa coa súa programación de actividades enmarcadas dentro da celebración do 20º aniversario da escola. Desta volta, coa realización dun obradoiro de batucada que se desenvolverá ao longo dos días 15, 22 e 29 de marzo, en horario de 11.00 a 13.00 horas.

>Obradoiro Batucada da EMMA

A Escola Municipal de Música de Ames continúa coa súa programación de actividades enmarcadas dentro da celebración do 20º aniversario da escola. Desta volta, coa realización dun obradoiro de batucada que se desenvolverá ao longo dos días 15, 22 e 29 de marzo, en horario de 11.00 a 13.00 horas.

>Obradoiro musical: Batucada

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. O derradeiro obradoiro deste ciclo terá lugar o sábado 27 de abril, e estará dirixido pola asociación Trópico de Grelos. A proposta busca achegar á cidadanía á batucada, e experimentar a percusión dun xeito accesible, dinámico e grupal. Os participantes aprenderán así a relacionarse co instrumento a través de xogos rítmicos, entrando nun ambiente festivo que convida ao movemento e ao baile.

>Obradoiro musical: Home Studio

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. Así,  o segundo dos cursos celebrarase o 13 de abril, e estará dirixido por Juanjo Abella López, profesor de música electrónica e tecnoloxía musical. Neste taller, a veciñanza aprenderá que é e como funciona un home studio, e descubrirá as amplas posibilidades que ofrece, desde a edición de son ata a produción de cancións propias.

>Obradoiro musical: Teatro musical

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. O sábado 20 de abril Manuel Díaz Abreu achegará aos participantes do terceiro obradoiro ás distintas disciplinas do teatro musical: a interpretación, a danza, o movemento, a voz... Todo mediante xogos teatrais, nos que se traballarán esas disciplinas. Así, os participantes lograrán adquirir unha certa técnica e tamén aprender a improvisar.

>Santa Icía: concerto Escola Municipal de Música

Co gallo da celebración da Santa Icía, patroa dos músicos, do 20 ao 24 de novembro o concello encherase de música con distintas propostas. A programación comeza o mércores 20 de novembro, ás 19.00 horas, na Casa da Cultura do Milladoiro co concerto dos combos e agrupacións da Escola Municipal de Música de Ames. 

>Velada de violín con Anxo Gómez

O Concello de Ames, a través da Escola Municipal de Música de Ames, organiza unha velada de violín a cargo de Anxo Gómez Piñeiro, veciño do Milladoiro, que xa conta con numerosas distincións e premios. En 2022 recibiu unha mención de honra pola súa participación no Concurso Internacional Violin Competition, na categoría de menores de 21 anos. O concerto será ás 20:00 horas no auditorio da Casa da Cultura do Milladoiro. A entrada será de balde ata completar aforo.