Actualidade
![Cartaz da presentación da obra "Movendo os marcos do patriarcado" Cartaz da presentación da obra "Movendo os marcos do patriarcado"](https://www.concellodeames.gal/sites/default/files/styles/medium/public/noticias/imagenes/2021/04/presentacion_movendo_marcos_portada.jpg?itok=CNzMRyeE)
O acto terá lugar no Pazo da Peregrina, o xoves 15 de abril, ás 20:00 horas ,coa presenza das autoras, a concelleira de Cultura de Ames, Natividade González, e a vicepresidenta da Asociación de escritores e escritoras en Lingua Galega, Anna R. Figueirido. Maria López Sández e Marilar Aleixandre escribiron conxuntamente este libro no que se afonda na vida e na obra de dona Emilia Pardo Bazán, prestando especial fincapé aos aspectos do seu pensamento feminista. A entrada ao acto é gratuíta e libre até completar o aforo limitado que, por mor da loita contra a pandemia, se aplica neste tipo de eventos.
![cartaz mes do libro Cartaz mes do libro](https://www.concellodeames.gal/sites/default/files/styles/medium/public/noticias/imagenes/2021/04/cartel_abril_portada_0.jpg?itok=WPLR90LD)
O Pazo da Peregrina acolle este xoves, 15 de abril, a presentación de “Movendo os marcos do patriarcado: o pensamento feminista de Pardo Bazán”, das escritoras Marilar Aleixandre e María López Sández, e o venres, 16, a de “O sono de Liam” de David Navarro. O obradoiro “Autores con pegada”, dirixido a nenos e nenas de 3º e 4º de Primaria, o sorteo de libros que continúa até o 24 de abril e o concurso de debuxo cuxo prazo remata o 21 de abril complementan a programación da biblioteca municipal para esta semana.
![Cartaz Carlos Negro Cartaz Carlos Negro](https://www.concellodeames.gal/sites/default/files/styles/medium/public/noticias/imagenes/2021/04/carlosnegrocartaz_recortado.jpg?itok=4qMsA7SK)
O pazo da Peregrina acolle o xoves, 8 de marzo, ás 20:00 horas, a presentación de “Non cantan paxaros neste bosque” do escritor e veciño de Ames, Carlos Negro. A obra, publicada pola editorial Xerais na colección de literatura xuvenil “Fora de xogo”, recolle nove contos que o propio autor cualifica como “relatos de medo”. Na presentación, Carlos estará acompañado pola concelleira de Cultura, Natividade González, o ensaísta, tradutor e crítico literario Xosé Antón López Silva e o director de Xerais, Fran Alonso. A entrada ao acto é gratuíta até completar o aforo que é limitado por mor da normativa de prevención da COVID19. O evento encádrase dentro da programación da Biblioteca Municipal de Ames.
![Abril, Mes do Libro en Ames Abril, Mes do Libro en Ames](https://www.concellodeames.gal/sites/default/files/styles/medium/public/noticias/imagenes/2021/04/cartel_abril_portada.jpg?itok=GrjgxV0Z)
O 23 de abril celébrase o Día do Libro. Con este motivo, as bibliotecas municipais do Concello de Ames veñen de organizar unha programación específica para este mes de abril que inclúe actividades pra nenos/as e adulto/as. O venres 9 de abril, ás 17.30 horas na biblioteca do Milladoiro, realizarse un obradoiro infantil de Creacontos. Para os adultos, durante os xoves de abril haberá diferentes presentacións de libros. Ademais, poderán participar no sorteo de bonos en libros nas librarías de Ames. Un concurso de debuxo sobre o Día do Libro completa a programación.
![CONVITE - Libres e vivas 17 marzo CONVITE - Libres e vivas 17 marzo](https://www.concellodeames.gal/sites/default/files/styles/medium/public/noticias/imagenes/2021/03/convite_-_libres_e_vivas_17_marzo.jpg?itok=QJLW_GE8)
O Pazo da Peregrina de Bertamiráns acollerá este mércores, 17 de marzo, ás 20:00 horas, a presentación de Libres e Vivas, unha obra coral escrita por 10 autoras que, desde diferentes puntos de vista, falan da igualdade e da violencia machista. O libro, publicado pola editorial Galaxia, aborda a cuestión do machismo, do terrorismo patriarcal contra as mulleres, da liberdade e da igualdade, para que, dende a literatura, entendamos como é o seu sentir.
![Vértice de versos. Vértice de versos.](https://www.concellodeames.gal/sites/default/files/styles/medium/public/noticias/imagenes/2021/03/vertice_de_versos_-_portada.jpg?itok=luntiUMl)
Este venres, 12 de marzo, ás 20.00 horas, o auditorio da Casa da Cultura do Milladoiro acolle a proxección dun documental no que se repasa o sucedido nos anos 90 no mundo literario galego. “Vértice de versos” complementarase co coloquio organizado polo propio director do documental, Carlos Lorenzo, e cun recital de Emma Pedreira. A entrada, gratuíta, deberase reservar o convite na billeteira electrónica municipal ata dúas horas antes da actividade. Esta actividade está organizada polas Bibliotecas municipais de Ames.
![Programación das bibliotecas para o mes de marzo Programación das bibliotecas para o mes de marzo](https://www.concellodeames.gal/sites/default/files/styles/medium/public/noticias/imagenes/2021/03/biblioteca_marzo_portada.jpg?itok=fig8BaGg)
As bibliotecas municipais do Concello de Ames organizaron unha serie de actividades para o mes de marzo relacionadas coas dúas grandes celebracións do mes: o Día da Muller e o Día da Poesía. Dita programación recolle varias presentacións. O 10 de marzo realizarase a presentación da obra Irmandiñas, con Aurora Marco, acompañada do grupo musical Barahúnda. O 17 de marzo presentarase a obra Libres e Vivas coa presentación de varias autoras. As dúas presentacións serán no Pazo da Peregrina, ás 20.00 horas. Ademais, o 12 de marzo, ás 20.00 horas, proxectarase na Casa da Cultura do Milladoiro o documental Vértices de Versos sobre a poesía galega contemporánea, mentres que o martes 23 de marzo, tamén no Pazo da Peregrina, realizarase unha sesión de recitais de poesía e faladoiro sobre a poesía actual en Galicia.
![Laura, Debuxa a túa Rosalía Laura, Debuxa a túa Rosalía](https://www.concellodeames.gal/sites/default/files/styles/medium/public/noticias/imagenes/2021/03/laura_debuxa_a_tua_rosalia.jpg?itok=VWotWJfU)
40 nenos/as participaron no concurso “Debuxa a túa Rosalía”, organizado co gallo da celebración do aniversario de Rosalía de Castro desde as Bibliotecas de Ames. A implicación da cidadanía nesta iniciativa tradúcese asemade no elevado número de “Gústame” que recibiron os debuxos. Para o mes de abril, a Biblioteca ten programado desenvolver outro concurso de debuxo, nesa ocasión a temática versará sobre o libro e a lectura.
![Dixicontos Dixicontos](https://www.concellodeames.gal/sites/default/files/styles/medium/public/noticias/imagenes/2021/03/dixicontos.jpg?itok=9V9OPX1A)
As bibliotecas municipais seguen a organizar unha serie de sesións de contacontos infantís na rede todos os mércores. Baixo o título de “Dixicontos”, os usuarios e usuarias poderán acceder a esta actividade a través da páxina de Facebook da biblioteca. Este mércores, 3 de marzo, pódese ver o conto Galo Quirico.
![Dixicontos Dixicontos](https://www.concellodeames.gal/sites/default/files/styles/medium/public/noticias/imagenes/2021/02/dixicontos_0.jpg?itok=P8aaOYaL)
Debido ás novas restricións, decretadas pola Xunta de Galicia, para frear a incidencia da Covid-19, as bibliotecas de Ames permanecen pechadas ao público desde o pasado 27 de xaneiro. Emporiso, a relación da Biblioteca cos seus usuarios e usuarias segue activa a través das redes. Un claro exemplo disto é o programa de “Dixicontos”, que cada mércores propoñen unha nova historia a través da páxina de Facebook das Bibliotecas municipais. Esta iniciativa está tendo moi boa acollida entre os usuarios e usuarias deste servizo municipal, xa que acadan unha media de 1.000 visualizacións por entrega.
- ‹ anterior
- 12 de 15
- seguinte ›