Están esgotadas as entradas para o concerto "Ecoralia, a lambona ecolóxica" de Pakolas deste venres, 7 de febreiro ás 18.00 horas, na Casa da Cultura en Bertamiráns. O espectáculo, incluído no programa Apego, presenta o novo proxecto do artista especializado en música infantil, un traballo cheo de humor no que o eixo central xira arredor da importancia de consumir elementos ecolóxicos para así coidar e preservar o medio ambiente.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

A Aula da Natureza informa de que a ruta circular pola Lagoa de Cospeito adíase para o domingo 9 de febreiro. Debido ás intensas choivas dos últimos días os camiños están anegados, polo que non poderá realizarse este domingo 2 de febreiro como estaba previsto inicialmente.

O Concello de Ames, a través do departamento de Mocidade, organiza unha nova edición do curso de monitor de tempo libre, unha formación con moitas posibilidades cara o mundo laboral e que, ao longo das súas 10 edicións, formou a máis de 200 profesionais no noso concello. Este ano ofértanse 25 prazas e o curso ten un prezo de 172 euros. No caso de producirse baixas, desde a organización contactarase co alumnado da listaxe de agarda, segundo a orde de chegada establecida. Pódese consultar a lista de admitidos e de agarda no documento ao pé deste aviso.