Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

A andaina saudable de abril percorrerá o sábado 29 a segunda etapa do Camiño de Santiago dende o Barbanza

A Concellaría de Deportes e Promoción da Saúde, dentro do programa municipal de Andainas Saudables, organiza un percorrido pola segunda etapa do Camiño de Santiago dende o Barbanza, “A orixe”. A ruta realizarase o vindeiro sábado, 29 de abril. Os participantes camiñarán arredor de 15 quilómetros, partindo dende a praia do Vilar e chegando ata a praza Porta do Sol, en Ribeira. Os interesados en participar poden inscribirse cubrindo este formulario ata o mércores, día 26. Haberá servizo de autobuses con saída dende a praza do Concello, en Bertamiráns, ás 09:00 horas; e dende a Casa da Cultura do Milladoiro ás 9:15 horas. 

A área deportiva do Milladoiro acolle este sábado, 28 de setembro, o Día do Deporte e a terceira Carreira e Andaina da Familia

Este sábado, 28 de setembro, realizarase na área deportiva do Milladoiro unha nova edición do Día do Deporte e maila III Carreira e Andaina da Familia. Con motivo da conmemoración da Semana Europea do Deporte, que se celebra do 23 ao 29 de setembro, a Concellaría de Deportes preparou un programa específico de actividades para conmemorar esta data. Ao longo de todo o día impartiranse diferentes actividades deportivas entre as que destacan, ao ser novidade, o squash e o golf. Na Carreira e Andaina da Familia hai inscritos/as un total de 263 persoas. Toda a recadación de dita carreira irá destinada integramente a ASANOG, a Asociación de Axuda a Nenos/as Oncolóxicos de Galicia.

A asociación amesá Rutasapie organiza unha ruta polo río Tambre

A asociación amesá de sendeirismo e montañismo, Rutasapie, prepara unha nova ruta, esta vez polo río Tambre. Será este sábado, 21 de setembro. Haberá servizo de autobús, que sairá da estación de autobuses de Santiago de Compostela ás 08.45h, pasando pola estación de tres ás 08.50h, e polo aparcamento de Santa Marta ás 9.00 horas. Para inscribirse ou solicitar máis información pódese chamar ao número de teléfono 628 28 79 57 ou enviar un correo ao enderezo clubrutasapie@gmail.com. Trátase dunha ruta de 14,12 quilómetros de distancia, cun desnivel de 518 metros e dificultade doada.

A atleta amesá María Estévez acadou un quinto posto no Campionato de España sub-18

Esta pasada fin de semana celebrouse en Valencia o Campionato de España de Atletismo sub-18, no que Ames estivo representado pola atleta María Estévez, atleta da Sociedade Gimnástica de Pontevedra. A amesá, que conseguiu ser subcampioa galega nos 800 metros acadou o quinto posto na final de 1.500 metros.

A atleta amesá María Estévez consegue a medalla de ouro no Campionato de España de Clubs Sub20

O pasado sábado 26 de outubro desenvolveuse en Madrid o campionato de España de clubs sub20, no que participou a atleta amesá María Estévez. A deportista conseguiu un gran resultado, rematando primeira na proba de 2.000 metros obstáculos, cunha vantaxe de 31” sobre a segunda clasificada.

A atleta amesá María Villaverde Brea debuta no Campionato de España sub-16 por equipos con vitoria no relevo curto

A atleta María Villaverde Brea, do Club Ames Atletismo, debutou este sábado 23 de outubro na final B1 do Campionato de España de Atletismo sub-16 por equipos, disputado nas pistas de Camargo, en Cantabria. A xove deportista amesá tivo unha gran actuación, participando nas probas de lanzamento de peso e no relevo 4x100 metros, que conseguiu gañar xunto as súas compañeiras Nadia, Marta e Nerea cun tempo de 53,69 segundos. Por outra banda, Villaverde Brea rematou a final do lanzamento de peso en quinta posición, cun mellor intento de 6,45 metros.

A atleta de Ames María Estévez logra un destacado quinto posto no Campionato Galego de Campo a través Sub-18

A nova promesa do atletismo amesá, amosou o seu potencial na sua primeira competición coa Sociedade Ximnástica de Pontevedra ao clasificar nunha meritoria quinta posición no Campionato Galego de Campo a través sub-18 celebrado este pasado sábado en A Rúa. A participación de María contribuíu decisivamente a que o equipo feminino da sociedade ximnástica proclamásese campión galego de campo a través.

A Carreira Ciclista do Pavo volve este domingo a Ames para celebrar a súa décimo cuarta edición

Tras un ano de parón por mor da situación epidemiolóxica derivada da Covid-19, Bertamiráns acolle unha nova edición da tradicional carreira ciclista do pavo este domingo, 12 de decembro. As actividades comezarán ás 11:00 horas, cunha xincana para a cativada, mentres que a proba iniciarase ás 12:00 horas. Ao remate da carreira, realizarase unha homenaxe ao ciclista galego, Gustavo César Veloso, que este ano pon fin á súa traxectoria profesional e que participará no evento. As inscricións xa están abertas tanto para as persoas federadas, na web da Federación Galega de Ciclismo, como para as persoas sen licenza, que deben enviar os seus datos antes do 10 de decembro, ás 14:00 horas, ao enderezo electrónico begoalonso@mundo-r.com.

A Casa da Cultura de Bertamiráns acolleu a primeira edición da Gala do Trail Running Galego

O auditorio da Casa da Cultura de Bertamiráns acolleu o pasado venres, 10 de xaneiro, a celebración da primeira edición da Gala do Trail Running Galego, cuxo principal obxectivo foi dar a coñecer e premiar o traballo e os méritos dos deportistas nas distintas especialidades do trail running ao longo do ano 2024. A celebración deste acto, ademais de para premiar os méritos deportivos e organizativos, serviu para a presentación dos distintos eventos e novidades de cara ao primeiro treito deste ano 2025.

A Casa do Concello acolleu a presentación da proba de Ames na Liga Galaica de 3 horas de Resistencia BTT

Onte, domingo 26 de xaneiro, levouse a cabo a primeira das probas da Liga galaica de 3 horas de Resistencia BTT en Noia. Agora, é a quenda da proba de Ames, que se desenvolverá este domingo 2 de febreiro en Bertamiráns. A presentación de dita proba tivo lugar hoxe no Salón de Plenos do Concello coa presencia da concelleira de Deportes, Susana Señorís, o representante do club organizador Esfola Arrós, Jorge Pérez, e o técnico municipal de deportes, Alberto Viaño. As inscricións poden formalizarse a través deste enlace.

Eventos del departamento

> Curso de defensa persoal feminina

A Concellaría de Deportes organiza no pavillón municipal de Bertamiráns un obradoiro de defensa persoal feminina, despois de ter acollido talleres similares nos últimos meses tanto no Milladoiro como en Bertamiráns. O curso, que se celebrará o próximo domingo, 8 de maio, desenvolverase de 10:00 a 14:00 horas. A proposta é de balde e conta con 50 prazas, para as que cómpre inscribirse, enviando esta ficha de inscrición cuberta e asinada ao enderezo electrónico deportes@concellodeames.gal.

> Curso de defensa persoal feminina

A Concellería de Deportes colabora este domingo 24 de outubro, das 10.00 ás 13.00 horas, nun obradoiro de defensa persoal feminina no Ximnasio Pavillón municipal de Bertamiráns. O curso é de balde e está organizado pola Asociación de artes marciais Bujutsu Sosei. O prazo de inscrición xa está aberto e farase a través do teléfono 665 841 036, aportando nome e apelidos. Recoméndase ás asistentes levar roupa confortable para realizaren actividade física.

> Día do deporte

O Concello de Ames, a través da Concellaría de Deportes, oferta un ano máis unha ampla gama de actividades no Día do Deporte, que se celebrará este venres, 22 de setembro, na área deportiva do Milladoiro, de 16:30 a 20:00 horas. Todas as persoas interesadas en realizar un deporte, pero que aínda non saben por que disciplina decantarse, teñen a ocasión ideal de probar e escoller a que máis lles guste no Día do Deporte de Ames. Dito evento conta coa colaboración da Deputación da Coruña.

> Día do Deporte

O Concello de Ames, a través da Concellaría de Deportes, está preparando unha ampla oferta de actividades para a celebración do Día do Deporte que se desenvolverá na área deportiva do Milladoiro. Este venres 16 de setembro, en horario de 16.00 a 20.30 horas, os veciños e veciñas de todas as idades poderán gozar de varias actividades deportivas axeitadas a todos os gustos. Preme nesta ligazón para descargar o programa do Día do Deporte.

> Diana fútbol e slides no Milladoiro

A praza de Manuel Murguía acolle hoxe entre as 11:00 e as 14:00 horas unha sesión de xogos deportivos ao aire libre, consistentes nunha diana de fútbol xigante e unha pista de slides.

 

> I Carreira de orientación do Concello de Ames

A Concellaría de Deportes, a través de Xesta Natureza, organiza para o vindeiro domingo, 24 de abril, ás 10.30 horas, a primeira edición da carreira de orientación do Concello de Ames, que se desenvolverá na área deportiva de Bertamiráns. Haberá tres categorías distintas: Xestiñas (categoría para nenos/as), Xestas (categoría para adultos) e Xesteiras (categoría para persoas con medios/altos coñecementos de orientación). Poderase participar de xeito individual ou en grupo (máximo de 4 participantes por equipo). As inscricións son de balde e pódense facer premendo nesta ligazón. Para dispor de máis información pódese chamar ao número de teléfono 644 567 614, escribir un correo electrónico a info@xestanatureza.com ou visitar a páxina web www.xestanatureza.com.

> III Trail e Andaina Ribeiras do Tambre

O Concello de Ames e a Federación Galega de Atletismo organizan a III edición do “Trail e Andaina Ribeiras do Tambre”, que se desenvolverá o próximo 20 de febreiro. A saída do trail terá lugar ás 10:00 horas dende Ponte Maceira. Cinco minutos máis tarde, e desde o mesmo lugar, sairá a andaina. Para participar é necesario inscribirse en carreirasgalegas.com ou en emesports.es. O prazo remata o 16 de febreiro ás 23:59 horas. A proba enmárcase dentro da especialidade atlética do trail-running e estará baixo o control técnico do Comité Galego de Xuíces da Federación Galega de Atletismo. Poderá participar calquera deportista, estea ou non federado. Os inscritos e inscritas correrán cunha licenza de día de trail-running, que incluirá un seguro de accidentes deportivos e de responsabilidade civil.

> Marcha nórdica: "Camiñando no solpor"

Un ano máis, o departamento de Promoción da Saúde do Concello de Ames está a desenvolver o programa “Activa Ames Verán”, unha adaptación das actividades do Ames Saudable que ten lugar durante a época estival, con propostas para o coidado da saúde física e emocional. Dentro desta iniciativa teñen lugar as marchas nórdicas "Camiñando no solpor", con saída dende O Milladoiro os días 10 e 24 de agosto e dende Bertamiráns os días 17 e 31 de agosto. O horario é de 20:30 a 22:00 horas. 

> Marcha nórdica: "Camiñando no solpor"

Un ano máis, o departamento de Promoción da Saúde do Concello de Ames está a desenvolver o programa “Activa Ames Verán”, unha adaptación das actividades do Ames Saudable que ten lugar durante a época estival, con propostas para o coidado da saúde física e emocional. Dentro desta iniciativa teñen lugar as marchas nórdicas "Camiñando no solpor", con saída dende O Milladoiro os días 10 e 24 de agosto e dende Bertamiráns os días 17 e 31 de agosto. O horario é de 20:30 a 22:00 horas. 

> Marcha nórdica: "Camiñando no solpor"

Un ano máis, o departamento de Promoción da Saúde do Concello de Ames está a desenvolver o programa “Activa Ames Verán”, unha adaptación das actividades do Ames Saudable que ten lugar durante a época estival, con propostas para o coidado da saúde física e emocional. Dentro desta iniciativa teñen lugar as marchas nórdicas "Camiñando no solpor", con saída dende O Milladoiro os días 10 e 24 de agosto e dende Bertamiráns os días 17 e 31 de agosto. O horario é de 20:30 a 22:00 horas.