- Enderezo: Avenida de Azcárraga, nº 5, Bertamiráns.
- Teléfono: 981 89 14 76
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Educación
Pestanas principais
Departamento de Educación
Servizos e programas
Novas do departamento
Coa chegada das vacacións de verán, a Concellaría de Educación de Ames puxo en marcha o programa de conciliación Xuño Lúdico, no que está a participar rapazada do segundo ciclo de Infantil e de Educación Primaria entre o 22 e o 30 de xuño. En total, o Xuño Lúdico acolle a 218 nenos e nenas, que están repartidos do seguinte xeito: 112 no CEIP da Maía, de Bertamiráns; 53 na EEI do Milladoiro e 53 no CEP de Ventín. A iniciativa ofrece un amplo abano de actividades educativas e culturais pensadas para todos os rapaces e rapazas daquelas familias que precisen conciliar a súa vida familiar e laboral unha vez rematado o curso escolar. Nesta edición do programa, os cativos e cativas aprenden sobre o solsticio de verán para pechar o curso e prepararse para novas experiencias.
Dá comezo o curso escolar 23/24 no concello de Ames, cun total de 3.727 alumnos/as de infantil, primaria e secundaria que inician o curso escolar e a posta en funcionamento de novo dos seus servizos complementarios que tan boa acollida teñen entre os usuarios e usuarias, que volveron a superar os 2.200 usuarios/as sumando todos os servizos de conciliación ou complementarios que oferta o Concello.
3.837 alumnos/as de educación infantil, primaria e secundaria iniciaron hoxe o curso escolar en Ames
Un total de 3.837 nenos/as e mozos/as do concello de Ames deron comezo esta mañá a un novo curso escolar. Os colexios, a escola de educación infantil do Milladoiro, as escolas unitarias e mailos institutos abriron as súas portas con total normalidade. Previamente, durante os meses de verán, no marco do plan de mantemento estival que se realiza todos os anos, o Concello executou diversos traballos de mantemento e reparación nos centros escolares do municipio. 2.165 alumnos/as están matriculados en escolas e colexios públicos de infantil e primaria, mentres que 1.332 rapaces e rapazas están matriculados nos dous institutos amesáns. Ademais, hai que engadir 340 rapaces e rapazas que cursan estudos de infantil primaria e secundaria no colexio Alca, que é o único centro concertado do concello.
Este luns, 3 de xullo, deu comezo unha nova edición da Escola de Verán, que se está desenvolvendo no CEIP da Maía, no CEP de Ventín e na EEI do Milladoiro. Un total de 363 nenos e nenas están a participar no programa de conciliación, unha iniciativa que pretende ofrecer unha alternativa de ocio e tempo libre aos nenos e nenas. A programación durante a primeira quincena de xullo xira arredor das emocións.
O pasado venres, 1 de xullo, comezou unha nova edición da Escola de Verán, que este ano se desenvolve no CEIP da Maía, no CEP de Ventín e na EEI do Milladoiro. Durante a primeira quincena deste mes de xullo, 330 nenos e nenas están participando neste programa de conciliación que pretende ofrecer unha alternativa de ocio e tempo libre aos nenos e nenas do concello de Ames no período estival. A temática das actividades durante a primeira quincena de xullo é “O noso contorno: os contornos naturais e humanos máis próximos”. Ao longo do verán, está previsto que 403 rapaces e rapazas asistan á Escola de Verán durante os meses de xullo e agosto.
Este martes, 1 de setembro, comezou unha nova edición do Setembro Lúdico con 58 participantes. A través deste programa trátase de facilitar a conciliación das familias amesáns antes do inicio do curso escolar. Este programa lúdico estase desenvolvendo no CEIP da Maía, EEI do Milladoiro e CEP de Ventín. Para o desenvolvemento de dito programa estase seguindo un protocolo de seguridade que, entre outras medidas, divide aos rapaces e rapazas en grupos de 15 usuarios/as como máximo, xunto con dous/dúas monitoras. Estes grupos de nenos/as están nunha parte específica das instalacións do centro educativo e non se mesturan cos usuarios/as do resto de grupos.
Desde o 1 de xaneiro, só os irmáns e as irmás maiores pagan a atención educativa nas Escolas Infantís Municipais de O Bosque e a Madalena. En Ames son 63 as familias ás que lles afecta esta bonificación. Destas cuestións falouse onte na reunión telemática da Comisión de seguimento do Consorcio Galego de Igualdade e Benestar á que asistiron o concelleiro de Educación, David Santomil, a concelleira de Facenda, Genma Otero e a técnica do departamento de Educación, Rosa García. Na mesma reunión deuse conta do estado das liquidacións e do cofinanciamento das escolas infantís da rede Galiña Azul.
O IES do Milladoiro celebra o éxito da alumna, Ainhoa Díaz Pérez, na Gala de premios do Concurso de imaxes gráficas e pezas audiovisuais con motivo do 25 de novembro, convocado pola Consellería de Política Social e Igualdade da Xunta de Galicia. O cartel creado por Ainhoa destacou entre un gran número de propostas polo seu potente impacto visual e a profundidade da súa mensaxe, que invita á reflexión sobre a urxencia de erradicar a violencia machista. Dende o Concello de Ames danlle os parabén a Ainhoa polo premio acadado.
Dende a ANPA da escola infantil municipal da Madalena, organízase un sorteo de Nadal para os/as socios/as co obxectivo de recadar fondos e deste xeito beneficiar aos nenos e nenas e as súas familias. Ademais, levarase a cabo un reparto de pequenos agasallos entre o alumnado.
A ANPA da Escola infantil municipal da Madalena invita a participar no programa formativo “Escola de Familias”, que inclúe tres obradoiro sobre a disciplina positiva, a xestión de rabietas e a nutrición pediátrica. Esta iniciativa pretende crear un espazo no que compartir experiencias e aprendizaxes en familia, así como achegar formación acorde ás etapas das crianzas escolarizadas na escola infantil da Madalena. As prazas son limitadas polo que é preciso inscribirse anteriormente. Para máis información pódense por en contacto coa ANPA a través do enderezo electrónico anpamadalena@gmail.com. O Concello de Ames colabora nesta iniciativa.
- ‹ anterior
- 2 de 25
- seguinte ›
Trámites do departamento
Eventos del departamento
O Concello de Ames organiza o mércores 31 de agosto un acto na memoria dos once concelleiros da corporación municipal de Boimorto, detidos e asasinados pola represión franquista o 20 de agosto de 1936 nos Batáns. A homenaxe servirá ademais para informar sobre os traballos realizados na parroquia de Ortoño a comezos de agosto pola Asociación para a Recuperación da Memoria Histórica (ARMH), co fin de localizar os corpos de seis dos once represaliados durante a Guerra Civil. Será ás 18:00 horas, na carballeira de Ortoño, ao carón da igrexa parroquial. Trátase dun acto aberto a toda a veciñanza que desexe asistir.
O CEIP de Barouta, dentro do programa Lectura e familias, organiza para o sábado 27 de maio a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, unha mesa redonda, narracións orais, contacontos, un concerto e unha tómbola.
Os alumnos e alumnas de sexto de primaria do CEIP de Barouta presentarán este xoves, 15 de decembro, a Gala de Nadal da escola, que ten como obxectivo a recadación de fondos para a realización da excursión de fin de curso. Será ás 18:00 horas, no auditorio da Casa da Cultura de Bertamiráns. As entradas, que teñen un custo de 5 euros, poden adquirirse na tenda Vainilla y Chocolate, en Bertamiráns, na conserxería do centro ou na propia Casa da Cultura, antes de que dea comezo o espectáculo.
A ANPA do CEP de Ventín organiza o 5 dedecembro na Casa da Cultura do Milladoiro, ás 18:30 horas, unha actividade formativa chamada "Para, Pensa, Conéctate contra a violencia de xénero". Nela falarase sobre o uso responsable das tecnoloxías para a prevención contra o ciberacoso e a violencia de xénero dixital.
A ANPA As Brañas e mailo CEP de Ventín organizan unha charla sobre a miopía que está dirixida ás familias. Será o venres, 3 de novembro, ás 17.00 horas, na Casa da Cultura do Milladoiro. Nesta actividade colaboran o Concello de Ames e maila Universidade de Santiago de Compostela.
O CEIP de Barouta e as familias de sexto de Educación Primaria organizan o sábado, 25 de maio, a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, obradoiros, un concerto e unha tómbola. Todo o recadado irá destinado á excursión de fin de curso do alumnado de 6º de primaria.
Durante a xornada haberá diversos xogos populares para os cativos e cativas, unha tómbola con máis de 70 premios e, ao remate, un concerto a cargo de Pakolas.
O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance. Polo momento, o libro non estará dispoñible en librerías, pero poderá adquirirse durante a presentación ou chamando ao centro escolar para encargar algún exemplar.
O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.