- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A Xunta de Goberno Local ven de aprobar o reparto de subvencións para a promoción do comercio local, exercicios 2017-2018, cun importe de 36.137,06 euros. A finalidade destas subvencións é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames, que estean legalmente constituídas e inscritas no rexistro municipal. As asociacións beneficiarias son a Asociación de Comerciantes de Bertamiráns, a Asociación de Empresarios do Parque Empresarial do Milladoiro e a Asociación de comerciantes Palmira Bulevar. Desde a notificación do acordo, as asociacións contarán co prazo dun mes para xustificar a subvención.
O Concello de Ames inicia o proceso de selección para participar nunha nova edición do Programa Integrado de Emprego. A edición 2021-2022 está destinada a 60 mulleres desempregadas dos concellos de Ames e Brión e 40 persoas menores de 30 anos desempregadas e cunha cualificación máxima de Bacharelato. O proceso comeza logo de que o pasado 8 de novembro rematase a edición 2020-2021 con máis do 50% de inserción das mulleres participantes. As persoas que desexen participar no programa, cun obxectivo de inserción do 40%, poden inscribirse xa no proceso de selección a través desta ligazón.
O laboratorio para o impulso da nova produción audiovisual Ames AV LAB, promovido polo Concello de Ames e cofinanciado pola Deputación Provincial da Coruña, celebra o próximo luns, 18 de novembro, ás 18:30 horas, na Casa da Cultura do Milladoiro, o acto de clausura da súa primeira edición. Este programa, deseñado como un espazo de aceleración de proxectos e fomento do talento emerxente, foi clave para dinamizar o tecido audiovisual local, potenciando a competitividade do sector e fortalecéndoo no ámbito nacional e internacional. Esta xornada incluirá tamén a avaliación final dos traballos, a cargo da Comisión de Avaliación dos premios Ames AV LAB, que xa celebrou a súa primeira reunión o pasado martes, 13 de novembro, para constituírse formalmente e revisar a documentación dos proxectos presentados nas fases 1 e 2 do programa.
Continúa o programa “AmesON” o sábado 17 de xullo coa Primeira Edición da Festa Latina que homenaxeará a Cuba. Actuarán os grupos “Rompiendo la rutina”,”Trío Habana” e “Cuarteto Okán”. Celebrarase no Parque do Ameneiral, en Bertamiráns, ás 20.00 horas. Dende a organización anímase á veciñanza a acudir a este evento con prendas de roupa branca.
Unha delegación do Concello de Ames, encabezada polo alcalde, José Miñones, e a concelleira de Promoción Económica, Ana Paz, visitou as instalacións do centro de coworking do Pazo de Arenaza, no concello de Oleiros. O goberno municipal de Ames inicia así unha rolda de visitas a diferentes espazos de coworking co obxectivo de coñecer o funcionamento dos mesmos, obter ideas para a implantación do novo coworking A Proa e tentar aprender da experiencia destes centros que xa están a funcionar.
O Pazo da Peregrina acolleu este mércores, 1 de marzo, ás 20.30 horas, a presentación do anteproxecto do Mercado Municipal de Ames. No acto participaron o alcalde de Ames, Blas García, a concelleira de Promoción Económica, Ana Belén Paz, e mailo redactor do anteproxecto, Jorge Duarte Vázquez, da empresa Atrio Arquitectura e Urbanismo. O proxecto abordará a rehabilitación da Casa de Barbazán, situada en Bertamiráns, e a súa ampliación para acoller os espazos necesarios para crear unha praza de abastos e un espazo cuberto, aberto e flexible para empregar como mercado para os produtores locais e dos seus produtos de proximidade. Tamén se ordenará o espazo exterior, hoxe utilizado unicamente coma aparcamento, para poder acoller actividades de mercado ao aire libre ou outro tipo de eventos, buscando a máxima polivalencia para a utilización deste espazo. Premendo nesta ligazón podes ver un vídeo explicativo do anteproxecto do Mercado Municipal de Ames.
O programa Ames Emprega e Integra, do cal se levan beneficiado case 350 persoas dende que se iniciou, incorpora dous novos cursos que darán lugar este luns, día 21 de agosto. Esta formación impartida polo Concello de Ames incluirá a partir desta data formación sobre limpezas xerais e sobre recepción e atención ao cliente en aloxamentos.
Concello de Ames continúa coa súa programación de actividades polas festas de Nadal, desta volta coa estrea dun tren que percorrerá os días 3 e 4 de xaneiro as rúas de Milladoiro e Bertamiráns, unha actividade enmarcada na programación da Gran Festa de Reis. Este servizo de tren, totalmente gratuíto, estará dispoñible en ámbalas vilas o venres pola tarde de 17.00 a 19.30, e o sábado pola mañá de 11.00 a 13.00 e pola tarde de 17.00 a 19.30 horas. Cómpre destacar que o sábado pola tarde, en Bertamiráns, o tren terá un percorrido alternativo pola coincidencia co mercado.
O alcalde de Ames, Blas García, presenta o espazo de traballo colaborativo este mércores 10 de novembro, ás 11:00 horas. Situada á entrada do parque empresarial Novo Milladoiro, “A Proa” recibiu un forte investimento do Concello de Ames. Asistirán á inauguración Valentín González Formoso, presidente da Deputación da Coruña; Ana Belén Paz, concelleira de Promoción Económica, e José Miñones, ex-alcalde de Ames.
O Concello de Ames instalou unha pantalla na entrada da Casa do Concello, outra na Casa de Cultura de Bertamiráns e unha terceira na Casa da Cultura do Milladoiro. Estas luminarias informan aos veciños e veciñas de Ames sobre avisos, programación e demais información relevante relacionada co Concello. Ademais, pretende dar difusión ao comercio local e aos programas de dinamización que impulsen dende a promoción económica.
- ‹ anterior
- 12 de 56
- seguinte ›
Trámites do departamento
Eventos del departamento
Creación da árbore de Nadal cos Alfombristas de Ames con materiais da natureza. Terá lugar na carpa da Praza de Chavián en Bertamiráns pola mañá e na Praza de Manuel Murguía no Milladoiro pola tarde.
É unha actividade para nenos de entre 8 a 15 anos. Para asistir é necesario inscribirse enviando un correo a promocioneconomica@concellodeames.gal. O prazo remata o 18 de decembro.
Entre o 16 e o 22 de setembro, os diferentes espazos de traballo que integran a Rede Provincial de Coworking da Deputación da Coruña, acollerán o evento Rede Coworking Fest, unha semana dedicada a promover a innovación, a colaboración e a cultura emprendedora a través dunha ampla variedade de actividades culturais e formativas. No espazo colaborativo A Proa, situado no parque empresarial do Milladoiro, vanse organizar dúas actividades: un encontro de emprendemento feminino o mércores 18 de setembro; e un obradoiro de mentalidade e vendas o 19 de setembro. Preme nesta ligazón para consultar a programación completa e inscríbete nas actividades.
A praza de Manuel Murguía no Milladoiro acolle hoxe ás 20:00 un concerto do dúo Eva e Camilo. A actividade encádrase dentro do programa AmesON, a través do cal o Concello traballa para dinamizar os sectores comercial e cultural de Ames. O concerto é de balde até completar aforo e realízase seguindo todas as normas de seguridade que impón a loita contra o COVID19.
A Xuntanza de Empresarios de Ames organiza a I Feira de San Xoán que se celebrará os días 23 e 24 de xuño, no Parque de Ameneiral, en Bertamiráns. Durante as xornadas haberá obradoiros de artesanía, música e diversas actividades.
O sábado 10 de febreiro, a partir das 17:30 horas, celenbrarase na Praza de Chavián de Bertamiráns a Festa de Entroido 2024. Haberá unha exhibición de baila a cargo de DanzaYa e actuarán os coros do Amessan Elelas e Voces da Maía, así como a charanga tributo Carlinhos Brown.
A comisión de festas de Bertamiráns, en colaboración co Concello de Ames e a Xuntanza de Empresarios de Ames, organiza a festa de Samaín de Bertamiráns este venres, 4 de novembro, co obxectivo de recadar fondos para a celebración das festas de Bertamiráns de 2023. Dita festa estaba prevista para o luns 31 e outubro, pero houbo que adiala debido ás inclemencias meteorolóxicas.
O luns 12 de febreiro, a partir das 17:00 horas, celebrarase na Praza de Chavián de Bertamiráns a Festa e o Concurso Infantil de disfraces. Durante a celebración actuará Pedeslán, co seu espectáculo "Entroidanzas". Ademáis, haberá música e un obradoiro de maquillaxe, entre outros.
A zona verde da travesía do Porto, no Milladoiro, e o parque do Ameneiral, en Bertamiráns, van acoller as xornadas “Volta ao cole” os días 4 e 13 de setembro respectivamente. Trátase de dúas tardes de actividades que teñen como obxectivo amenizar os preparativos da volta aos centros de ensino, fomentando á vez o comercio e a hostalaría dos dous principais núcleos de Ames.
O carteiro real estará na Praza de Manuel Murguía do Milladoiro o venres 27 de decembro e na Praza de Chavián de Bertamiráns o sábado 28 de decembro, para recibir a todo aquel que queira sacarse unha foto con el. Será gratuíto presentando tícket de compra de calquera establecemento do Concello de Ames.
Papá Noel estará na Praza de Chavián, en Bertamiráns, para todo aquel que se queira sacar unha foto con el. Será gratuíto presentando tícket de compra de calquera establecemento do Concello de Ames.
- ‹ anterior
- 12 de 19
- seguinte ›