- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames, ten programados varios obradoiros para as datas de Nadal. Impartiranse dous cursos, dirixidos a nenos e nenas, de “Scratch”, un de introdución e outro de nivel medio, ambos de dous días. Esta aula formativa ten como obxectivo facilitar o acceso dos veciños e veciñas de Ames aos diferentes cursos que oferta, ademais dispón dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores. Por mor da Covid-19, os cursos programados realizaranse de xeito telemático.
O Concello de Ames, a través da Concellería de Promoción Económica, iniciou o pasado 14 de decembro unha nova campaña das tarxetas desconto “Bonos Consuma”, esgotándose o orzamento de 60.000 euros destinado ao programa en dúas semanas. Así mesmo, xerouse un volume de negocio total de 248.463,74 euros nos 105 establecementos e comercios adheridos á campaña deste ano. O obxectivo desta iniciativa foi incentivar ao consumo do comercio e hostalaría local nestas datas de Nadal. Durante o período que estiveron dispoñibles os descontos, descargáronse un total de 3.281 bonos.
O Concello de Ames, a través da Concellería de Promoción Económica, puxo en marcha con motivo da época de Nadal a campaña de tarxetas desconto “Bonos Consuma”, que xerou un volume de negocio total de 258.842,94 euros. En dita campaña participaron un total de 108 establecementos comerciais e de hostalaría de Bertamiráns e do Milladoiro. Cada persoa maior de 18 anos puido descargar un único bono por importe de 50 euros. A través desta iniciativa tratouse de contribuír á reactivación económica do comercio e da hostalería local. Nun prazo de menos de catro semanas esgotáronse os 61.000 euros que achegou o Concello para os Bonos Consuma. Durante dito período descargáronse 3.406 bonos e realizáronse 6.159 operacións.
Esta semana, os días 3 e 4 de xaneiro, o auditorio da Casa da Cultura de Bertamiráns acollerá dous eventos solidarios, ambos enmarcados na programación municipal de Nadal. O día 3 de xaneiro a academia de danza Balancé representará “Mary Poppins el musical”, en beneficio das fundacións Aladina e UCIM. Pola súa banda, o 4 de xaneiro vaise representar o espectáculo “Óliver Insua e amizades”, un festival benéfico en favor de ASANOG.
O auditorio da Casa da Cultura de Bertamiráns acolle este luns, 19 de outubro, ás 20.30 horas, a presentación do Plan ReactivAmes, que conta con 99 medidas de reactivación económica e social para o concello de Ames. Para desenvolver dito Plan o Concello de Ames destina 7.071.620 euros. Dentro de ditas medidas inclúense 57 medidas de inversión en obra pública, 13 medidas de promoción económica, 12 medidas de índole social, 6 medidas no ámbito tecnolóxico, 4 medidas relacionadas coa administración e Goberno local, 4 medidas fiscais e 3 medidas de seguridade e saúde. Dende o pasado mes de maio está activo un portal web informativo do Plan ReactivAmes, onde se recollen as medidas locais e medidas económicas que xa se adoptaron e que se irán executando no concello de Ames ante a nova realidade económica e social derivada da crise sanitaria da Covid-19.
O Concello de Ames, a través da Concellaría de Promoción Económica, acaba de expoñer na Casa da Cultura do Milladoiro unha selección de fotografías que se presentaron á campaña “Ilumina o teu sorriso”, organizada dentro da programación de Nadal de 2019 polas asociacións de comerciantes e empresarios Palmira Bulebar, a Asociación de Pequenos Empresarios do Parque Empresarial do Milladoiro e a Xuntanza de Empresarios de Ames, en colaboración co Concello de Ames. Dita mostra, que está composta por arredor de 40 fotografías, estará exposta no Milladoiro ata o 15 de marzo. Despois trasladarase á Casa da Cultura de Bertamiráns do 17 ao 31 de marzo.
O pasado venres, 28 de outubro, estreouse no auditorio da Casa da Cultura do Milladoiro o documental “Ames, terra de acollida”. Trátase dun documental sobre a industria e a actividade económica no concello de Ames, pero no que tamén se abordan outras temáticas como o crecemento demográfico e urbanístico, a multiculturalidade da poboación amesá, así como os atractivos culturais, turísticos e patrimoniais do concello amesán. A súa veciñanza, representantes do seu tecido asociativo e distintos persoeiros senlleiros, interveñen tamén cas súas testemuñas, para afondar na esencia desta terra. O documental está producido por Xurdir Producións Audiovisuais e conta coa colaboración do Concello de Ames. Premendo nesta ligazón podes ver o documental.
A Unión de Consumidores de Galicia vai impartir o mércores, 2 de novembro, ás 20.00 horas, unha charla sobre comercio electrónico, banca electrónica e as súas garantías. A charla impartirase no salón de plenos da Casa do Concello. Esta actividade enmárcase dentro do acordo que teñen asinado o Concello de Ames e a Unión de Consumidores de Galicia (UCGAL).
A comisión de festas de Bertamiráns, en colaboración co Concello de Ames e coa asociación Xuntanza de Empresarios de Ames (XEA), organiza unha festa do magosto que se desenvolverá o sábado, 19 de novembro, na praza da Maía, en horario de 17.00 a 20.00 horas. Haberá castañas de balde e música a cargo do grupo A requinta da Maía e do dúo Eva e Camilo.
A Concellaría de Promoción Económica do Concello de Ames adía o inicio da segunda fase da campaña de tarxetas bono Merc@mes, de xeito que comezará o 15 de setembro e alongarase até o 15 de novembro de 2021. Calquera persoa, residente ou non, no concello de Ames, pode adquirir os bonos que se poñerán a venda a partir do mesmo día 15 de setembro en Bertamiráns e no Milladoiro, tan só presentando o DNI que o acredite como maior de 18 anos. 207 establecementos adheríronse á esta campaña coa que se pretende valorizar e impulsar as compras no comercio local. A relación dos establecementos adheridos será publicada na páxina web municipal e na páxina web da entidade colaboradora, XEA. O Concello de Ames inverte 92.000 euros en axudas directas a adquisición de bonos para incentivar as compras nos establecementos comerciais do Concello nesta segunda fase da campaña. Esta contía inclúese no programa Ames Progresa que se aprobou no pleno ordinario do mes de xullo.
- ‹ anterior
- 3 de 56
- seguinte ›
Trámites do departamento
Eventos del departamento
O venres 30 de xuño terá lugar a segunda cita do programa AmesOn. Haberá un concerto que correrá a cargo de DJ Gallaecia, enmarcado dentro da cea solidaria de Obra Social Pediatría. Será ás 20:00 horas no Pazo da Peregrina de Bertamiráns.
O programa AmesOn acolle o sábado 15 de xullo unha festa de DJs. Celebrarase ás 21:00 horas, no parque do Ameneiral de Bertamiráns.
O sábado 12 de agosto celebrarase o concerto de Los mecánicos, no parque do Ameneiral de Bertamiráns, ás 21:00 horas. Trátase dun evento enmarcado dentro do AmesOn. Los mecánicos son unha das bandas de versións pioneiras en Galicia, e interpretan música pop e rock dos 60: os Beatles, Elvis, Raphael, os Grincos ou os Bravos.
O domingo 3 de setembro celebrarase o último concerto do programa AmesOn, que correrá a cargo da orquestra Olympus. Será ás 19:00 horas, no aparcadoiro do Supercor, no Milladoiro. Abrirán a actuación os gañadores da terceira edición do concurso de karaoke Canta con Ames.
O martes 8 de agosto terá lugar un concerto de Paco Nogueiras, enmarcado dentro do programa AmesOn, na praza de Chavián de Bertamiráns. Será ás 19:30 horas. Nogueiras, músico e actor, combina a súa labor en diversas formación teatrais con ser monitor de teatro e realizar numerosos espectáculos para o público infantil e familiar.
O programa AmesOn abre o mes de agosto co concerto de Tacón gitano, que terá lugar o sábado día 5 ás 21:00 horas, na praza de Manuel Murguía do Milladoiro. Trátase dun trío de flamenco composto por Moisés Fernández (cajón flamenco), Isaías Salazar (bailaor) e Rubén Fernández (guitarra e voz).
O grupo A Percutería amenizará a ritmo de batukada o mercado do sábado pola tarde en Bertamiráns.
A actuación terá lugar entre as 18:00 a 19:30 horas.
A programación “Nadal con Ames na Rúa” continúa a pesar das recentes cancelacións por mor da situación epidemiolóxica, cunha das súas actividades chave. Papá Noel visitará nas próximas xornadas os núcleos urbanos de Ames, O Milladoiro e Bertamiráns, co fin de escoitar as peticións da rapazada, coñecela e fotografarse con eles e elas. O xoves 23 de decembro será a quenda da Biblioteca Municipal do Milladoiro, mentres que o venres 24 Papá Noel desprazarase ao auditorio da Casa da Cultura de Bertamiráns. En ambas localidades, as visitas realizaranse de 11:00 a 14:00 horas e de 16:00 a 19:00 horas, respectando a orde de chegada e a distancia de seguridade interpersoal.
O Pazo da Peregrina de Bertamiráns acolle o venres, 30 de xuño, a primeira edición da cea solidaria Obra Social Pediatría & Concello de Ames. Trátase dun evento que está organizado por Xuntanza de Empresarios de Ames, Obra Social Pediatría e Albarín catering e eventos, e no que colabora o Concello de Ames. O obxectivo desta iniciativa é recadar fondos para contribuír á investigación sanitaria e ao incremento da calidade asistencial dos pacientes pediátricos do CHUS. O prezo do menú será de 30 euros para os adultos e de 15 euros para os rapaces e rapazas de 6 a 12 anos. Para os nenos e nenas de ata 6 anos a entrada será gratuíta. Destes importes, 5 euros son de donativo. Premendo nesta ligazón podes acceder ao formulario que hai que cubrir para mercar as entradas da cea e á información da Fila Cero por se queres realizar un donativo. Para obter máis información tamén se pode chamar ao número de teléfono 641 11 60 05.
O espazo de coworking A Proa, no Milladoiro, organiza para o xoves, 4 de maio, unha charla sobre podcasting e marca persoal. Terá lugar ás 11:30 horas, nas instalacións da Proa, e estará impartida por María José Bermúdez. A entrada é de balde, e os interesados en asistir poden inscribirse premendo nesta ligazón.
- ‹ anterior
- 3 de 19
- seguinte ›