Bertamiráns dará comezo ás festas da Peregrina o mércores 7 da man da orquestra París de Noia. O xoves 8 será a quenda da orquestra Los Satélites. Deseguido, chegarán Guadi Galego e La Banda de Ayer o venres 9,  e a Requinta da Amaía e a Coral Lojo Batalla xunto con Los Coleguitas o sábado 10. As festas rematarán o día 11 coas actuacións de Airiños do Paseo de Colón, da Banda de música de Lousame e da orquestra Tania Veiras.

No verán tamén haberá espazo para facer deporte. Durante este mes desenvolverase a actividade “Camiñando no solpor”: será os días 8 e 22 no Milladoiro, e o día 29 en Bertamiráns. En ambas localidades o punto de encontro será os centro de saúde, ás 20:00 horas.

A gran final do concurso terá luagr o 11 de agosto, ás 19.00 horas, no parque do Ameneiral, en Bertamiráns. Na fase final as 12 persoas aspirantes interpretarán dous temas completos por participante e de diferente estilo musical.

Dentro da programación estival municipal, a Aula da Natureza organiza Noite de Estrelas, unha xornada para gozar da astronomía desde o anfiteatro frente a igrexa do Milladoiro. A actividade, dirixida a todos os públicos, desenvolverase o sábado 10 de agosto entre as 21:00 horas e as 00:00. Os asistentes, guiados polo experto astrónomo Antón Bouza, achegaranse á lúa, ás galaxias, ás constelacións e poderán descubrir planetas como Venus, Saturno ou Xupiter.