Dentro da programación estival municipal,  tamén as distintas parroquias do concello celebrarán as súas festas patronais durante o mes de agosto. Para as súas festas, Piñeiro traerá a Airiños do Paseo de Colón o día 18.

No verán tamén haberá espazo para facer deporte. Durante este mes desenvolverase a actividade “Camiñando no solpor”: será os días 8 e 22 no Milladoiro, e o día 29 en Bertamiráns. En ambas localidades o punto de encontro será os centro de saúde, ás 20:00 horas.

O Concello de Ames e o colectivo A Rula organizan o sábado, 24 de agosto, a quinta edición da ruta nocturna circular aos petróglifos de Monte Castelo e da Peneda Negra. Comezará ás 21:00 horas dende o miradoiro do bosque do Peregrino, en Ventosa. Haberá servizo de autobús, que pasará ás 21.00 horas pola Casa da Cultura do Milladoiro, e ás 21.15 horas polo Pazo da Peregrina, en Bertamiráns. A visita rematará ás 23.30 horas. Ao remate haberá servizo de autobús de regreso, que volverá polos lugares onde colleu aos participantes. Para participar nesta saída hai que enviar o impreso de inscrición ao enderezo auladanatureza@concellodeames.gal. Ofértanse un total de 25 prazas.

A programación dos "Seráns de Ames" remata o xoves 29 de agosto en Tapia, co monólogo de Manolo Boquete ás 19:00 horas.