O venres 13 de decembro, ás 18:00 horas, Anxo Moure, a Banda da Montaña e Cé Orquestra Pantasma chegarán á Casa da Cultura de Bertamiráns da man do Apalpador. Dirixido a público familiar, o Apaldador volve a Ames para abrir o Nadal con contos, cantos e agasallos máxicos procedentes da Serra do Courel. Ademais, recollerá as cartas que os nenos e nenas lle queiran deixar.

O Concello de Ames, a través da Concellaría de Cultura, organiza para este domingo, 15 de decembro, o concerto de Nadal no que actuarán diferentes grupos de baile e música tradicional do noso concello. O evento, enmarcado dentro da programación do Nadal en Ames, celebrarase na Casa da Cultura de Bertamiráns ás 19.00 horas. A entrada é de balde ata completar aforo. Os convites poden adquirirse na Billeteira Electrónica.

Os días 17, 18 e 19 de decembro a biblioteca do Milladoiro acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 9 e o 14 de decembro chamando ao teléfono 981 530 807, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.

Hoxe, ás 17:30 horas, partirá do centro de saúde de Bertamiráns a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).