Pestanas principais

Aula de Informática do Milladoiro

    • Enderezo: Casa da Cultura do Milladoiro. Travesía do Porto s/n. 15895. O Milladoiro
    • Teléfono: 981 535 940
    • Horario de atención ao público:
    • Aula de informática do Milladoiro:
      • De luns a xoves de 16:00 a 20:00 os venres de 9:30 a 13:30.
      • No verán o horario da Aula de informática do Milladoiro é de 10:00 a 13:00
    • Responsable municipal:  Concellaría de Cultura e Tecnoloxías da Comunicación
    • Responsable técnico: Almudena Caamaño Rodríguez, animadora sociocultural
Outros Datos: 

Novas do departamento

A Aula Municipal Tecnolóxica da Información e da Comunicación programa novos cursos de informática nas parroquias

A Aula Municipal Tecnolóxica da Información e da Comunicación (AMTIC) presentou esta mañá os novos cursos de informática para o desenvolvemento dixital no medio rural, que se van a levar a cabo durante os meses de outubro, novembro e decembro nas parroquias de Agrón, Trasmonte, Bugallido, Biduído, Augapesada, Covas, Tapia, Ameixenda e Ortoño. A formación, que é de balde, inclúe 25 horas de clases prácticas, que se desenvolverán en clases de dúas horas, un día á semana. As inscricións deben facerse chamando aos números de teléfono 615 401 264 ou 626 540 755. As prazas son limitadas, e diríxense a persoas con coñecementos básicos de informática.

A Casa da Cultura de Bertamiráns acolle o mércores, 12 de febreiro, unha conferencia sobre ciberseguridade

A Aula Municipal Tecnolóxica da Información e da Comunicación do Milladoiro (AMTIC) organiza para o vindeiro mércores, 12 de febreiro, unha conferencia sobre ciberseguridade. A actividade desenvolverase en horario de 18.30 a 19.30 horas no auditorio da Casa da Cultura de Bertamiráns. Impartiranse nocións para coñecer as posibles ameazas e perigos da internet na actualidade, así como ferramentas e consellos para protexernos. A entrada é aberta a todas as persoas que queiran acudir. Previamente, ás 18.00 horas, realizarase a clausura e entrega de diplomas dos cursos de alfabetización dixital nas parroquias, que comenzaron no pasado mes de outubro. Estes cursos foron impartidos en Covas, Augapesada, Tapia e Ortoño, e neles participaron 25 persoas.

Abre a AMTIC, a nova aula de informática do Milladoiro, cun programa de sete actividades para maio e xuño

A Aula Municipal Tecnolóxica da Información e da Comunicación do Milladoiro, a AMTIC, dependente da Concellería de Cultura e Tecnoloxías da Comunicación, abre as súas portas á veciñanza tras reformar e modernizar os equipos da aula, ampliando de paso os horarios de Aula Aberta, o número de postos e a proposta formativa, que irá unida á xa ofertada na Aula CeMIT de Bertamiráns. Neste senso, xa están abertas as inscricións para participar nos obradoiros que se desenvolverán en maio e en xuño, tanto en liña como na propia aula. O novo horario de Aula Aberta da AMTIC, situada na Casa da Cultura do Milladoiro, é de luns a venres, de 10:00 a 13:00 e de 16:00 a 20:00 horas. Preme aquí para consultar a programación formativa da AMTIC ao completo.

Entréganse os diplomas do curso básico de informática para a adaptación dixital

O alcalde de Ames e responsable da área de novas tecnoloxías, Blas García, entregou os diplomas do curso básico de informática para a adaptación dixital. Esta actividade realizouse na aula AMTIC, do 11 de marzo ao 17 de abril. Tivo unha duración de 20 horas e participaron 12 persoas. Este curso estaba dirixido a persoas con coñecemento básicos de informática e os seu principal obxectivo foi facilitar a utilización de medios dixitais, para que as persoas asistentes superen as barreiras dixitais e se sintan cómodas e seguras no seu uso.

Entréganse os diplomas dos cursos de alfabetización dixital nas parroquias

A Casa da Cultura de Bertamiráns acolleu este pasado mércores pola tarde o acto de entrega de diplomas dos cursos de alfabetización dixital nas parroquias, que comenzaron no pasado mes de outubro. Estes cursos foron impartidos en Covas, Augapesada, Tapia e Ortoño, e neles participaron 25 persoas. A continuación, ás 18.30 horas, impartiuse unha conferencia sobre ciberseguridade, na que se abordaron as posibles ameazas e perigos da internet na actualidade. Tamén se falou sobre diversas ferramentas e consellos para protexernos.

Entréganse os diplomas dos cursos de iniciación á informática e de administración electrónica

O alcalde de Ames e responsable da área de novas tecnoloxías, Blas García, entregou os diplomas dos cursos de iniciación á informática e de administración electrónica nos que participaron 18 persoas. Estas actividades impartíronse na aula AMTIC, situada na Casa da Cultura do Milladoiro, durante os meses de outubro e novembro. Estes cursos  estiveron dirixidos a persoas con coñecementos básicos de informática e os seu principal obxectivo foi facilitar a utilización de medios dixitais, para que as persoas asistentes superen as barreiras dixitais e se sintan cómodas e seguras no seu uso.

O Concello de Ames presenta a programación de actividades da aula AMTIC para o primeiro trimestre do ano

A Aula Municipal Tecnolóxica da Información e da Comunicación do Milladoiro (AMTIC) presentou esta mañá a súa programación para os meses de xaneiro, febreiro e marzo do 2023. Dentro das actividades organizadas hai cursos de informática lúdica para nenos/as, obradoiros de iniciación en procesadores de texto e de deseño 3D e clases de manexo de procesador de textos e de correo electrónico web e móbil. As persoas interesadas en inscribirse nalgún dos programas poden facelo de maneira presencial na propia AMTIC, situada na Casa da Cultura do Milladoiro (en horario de 10:00 a 13:00 e de 16:00 a 20:00 horas) ou enviando cuberta e asinada a solicitude que se pode atopar premendo nesta ligazón ao enderezo electrónico informatica.milladoiro@concellodeames.gal.

O pasado ano deixou 20 novos socios e un total de 1137 usuarios na Aula de Informática do Milladoiro

A Aula de Informática do Milladoiro ven de publicar a súa memoria anual do ano 2019, na que se reflicte que foron dados de alta 20 novos socios, ademais de contabilizar un total de 1137 usuarios da Aula. Ademais, 122 persoas asistiron a algunha das xornadas ou obradoiros que desenvolve a aula trimestralmente. Isto supón un aumento do número de persoas asistentes ás actividades, en concreto, 30 máis que o ano 2018.

Os 12 alumnos/as do obradoiro de informática organizado pola Aula AMTIC reciben os diplomas de fin de curso

A Aula Municipal Tecnolóxica da Información e da Comunicación do Milladoiro (AMTIC) pechou este mércores, 29 de marzo, o obradoiro de informática para JUPEMI, que comezou a impartirse no mes de xaneiro, e no que participaron 12 persoas co obxectivo de iniciarse na formación informática básica. A concelleira de Cultura e Tecnoloxías da Comunicación, Natividade González, foi a encargada de entregar os diplomas ao alumnado do curso.

Remata a primeira quenda dos cursos de alfabetización dixital no rural nos que 30 persoas se formaron en TICs

Este xoves, 17 de novembro, clausuráronse no auditorio da Casa da Cultura do Milladoiro os primeiros cursos do segundo módulo de alfabetización dixital no rural. A concelleira de Cultura entregoulle os diplomas de asistencia a estes cursos aos veciños e veciñas de Agrón, Trasmonte, Bugallido e Biduído. Arredor de 30 persoas participaron nestas actividades que comenzaron en outubro e que remataron o 16 de novembro, no que estiveron reforzando os coñecementos recibidos na primeira parte deste curso, realizado no 2021, e aprenderon novos temas relacionados coa xestión de arquivos, ofimática, tratamento de imaxes, correo electrónico, redes sociais, uso de dispositivos móbiles, entre outros temas.

Eventos del departamento

> AMTIC: Charla sobre ciberseguridade

Tras abrir as súas portas o pasado martes, a Aula Municipal Tecnolóxica da Información e da Comunicación do Milladoiro, a AMTIC, comeza o seu programa de actividades para maio e xuño co coloquio “Neurohacking: a pandemia invisible”, unha proposta sobre ciberseguridade na que coñecer os riscos derivados do uso diario de Internet. Será este xoves 5 de maio na Casa da Cultura do Milladoiro, de 18:00 a 19:00 horas. A charla estará conducida polo experto Nacho Álvarez, formado en Investigación Privada e Criminoloxía e con experiencia na Secretaría do Estado de Seguridade ou en Telefónica. A entrada será libre e de balde ata completar aforo.

> Obradoiro de electrónica e programación de robots

O venres 9 de xuño terá lugar na Casa da Cultura do Milladoiro un obradoiro de electrónica e programación de robots, organizado pola aula AMTIC. O taller estará composto por dúas prácticas de programación electrónica dunha hora e media de duración cada unha, para dous grupos de idade (de 8 a 10 e de 11 a 14 anos). Ademais, ofrecerase unha charla sobre a materia, e habilitarase un espazo de exposición de robots autónomos e unha impresora 3D. A inscrición pode facerse de maneira presencial nas instalacións da aula AMTIC ou a través do enderezo electrónico informatica.milladoiro@concellodeames.gal, enviando esta ficha ou de xeito presencial, acudindo ás instalacións da Aula Municipal Tecnolóxica da Información e da Comunicación (AMTIC)

> Xornada de ciberseguridade

A Aula Municipal Tecnolóxica da Información e da Comunicación do Milladoiro (AMTIC) organiza unha xornada de ciberseguridade para este xoves, 17 de novembro, ás 17.30 horas, no auditorio da Casa da Cultura do Milladoiro. A entrada é de balde ata completar aforo. Ademais, clausúranse os primeiros cursos do segundo módulos de alfabetización dixital no rural. Entregaráselle os diplomas de asistencia a estes cursos, aos veciños e veciñas de Agrón, Trasmonte, Bugallido e Biduído. Arredor de 30 persoas estiveron participando nestes cursos que comenzaron en outubro e que rematan o 16 de novembro.

> Xornada sobre ciberseguridade en Bertamiráns

O auditorio da Casa da Cultura de Bertamiráns acollerá o mércores 11 de xaneiro, ás 17:30 horas, unha nova charla sobre ciberseguridade e fraudes nas redes. Nesta ocasión, ademais, clausuraranse os cursos do segundo módulo de alfabetización dixital nas parroquias de Tapia, Ameixenda, Augapesada, Covas e Ortoño. Deste xeito, entregaráselle un diploma a arredor de medio cento de veciños que asistiron a estas clases.

>Conferencia sobre ciberseguridade

A Aula Municipal Tecnolóxica da Información e da Comunicación do Milladoiro (AMTIC) organiza para o vindeiro mércores, 12 de febreiro, unha conferencia sobre ciberseguridade. A actividade desenvolverase en horario de 18.30 a 19.30 horas no auditorio da Casa da Cultura de Bertamiráns. Impartiranse nocións para coñecer as posibles ameazas e perigos da internet na actualidade, así como ferramentas e consellos para protexernos. A entrada é aberta a todas as persoas que queiran acudir.

>Tarxetas de Nadal con Scratch

O obradoiro terá lugar na Aula de Informática do Milladoiro, situada na Casa da Cultura do Milladoiro. Está destinado a nenos e nenas de entre 9 a 12 anos.

Require inscrición previa enviando un correo a informatica.milladoiro@concellodeames.gal.

>Xornada "Uso responsable das redes sociais"

O mércores 27 de novembro, ás 18:00 horas, terá lugar na Casa da Cultura do Milladoiro unha conferencia sobre o uso responsable das redes sociais organizada pola aula AMTIC. A charla, dunha hora de duración, abordará cuestións como o uso consciente destas plataformas ou algúns dos perigos asociados a elas. No evento poderá participar público adolescente (a partir de 16 anos) e adulto que faga uso de diferentes redes sociais, así como familias que queiran saber máis sobre como usar de xeito responsable as diversas plataformas.